ଧରାପଡ଼ିଲା ବଡ଼ ସାଇବର କ୍ରାଇମ୍ ଗ୍ୟାଙ୍ଗ। ରାଉରକେଲା ପୋଲିସ କବଜାରେ ପଡ଼ିଛି ବଡ଼ ସାଇବର ଠକେଇ ଗ୍ୟାଙ୍ଗ । ୧୪ଜଣଙ୍କୁ ଗିରଫ କରିଛି ରାଉରକେଲା ପୋଲିସ। ଦୁଇ ଦିନ ତଳେ ପାଞ୍ଚ ଜଣଙ୍କୁ ଗିରଫ କରିଥିବା ବେଳେ ଆଜି ଆଉ 9 ଜଣଙ୍କୁ ଗିରଫ କରାଯାଇଛି । ଏମାନଙ୍କଠାରୁ ଗୋଟିଏ କାର, ଗୋଟିଏ ବୁଲେଟ, 15ଟି ମୋବାଇଲ, 10ଟି ପ୍ୟାନ କାର୍ଡ, 4ଟି ଚେକ୍ ବୁକ୍ ସହ ଗୋଟିଏ ଲ୍ୟାପଟପ୍ ଜବତ ହୋଇଛି । ଗିରଫ 14 ଜଣଙ୍କ ମଧ୍ୟରେ ଦୁଇ ଜଣ ଘରୋଇ ବ୍ୟାଙ୍କ୍ ର କର୍ମଚାରୀ ଅଛନ୍ତି। ଦୁଇ ଜଣ କର୍ମଚାରୀଙ୍କ ମଧ୍ୟରୁ ଜଣେ ମହିଳା ଅଛନ୍ତି। ସାଧାରଣ ଲୋକଙ୍କ ନାଁରେ ବ୍ୟାଙ୍କରେ ଆକାଉଣ୍ଟ ଖୋଲି କରୁଥିଲେ ଠକେଇ ।

ଆକାଉଣ୍ଟ ଖୋଲି ଛତିଶଗଡ଼, ଝାଡ଼ଖଣ୍ଡ, ମଧ୍ୟପ୍ରଦେଶ, ବିହାର ଏବଂ ଦିଲ୍ଲୀକୁ ଆକାଉଣ୍ଟ ଖାତା ଏବଂ ଅନ୍ୟାନ୍ୟ ଡିଟେଲସ ପଠାଉଥିଲେ ଦୃର୍ବୁତ୍ତ । ଗିରଫ ଠକ୍ ରାଉରକେଲା ସହ ପଡୋଶୀ ଛତିଶଗଡ଼, ଝାଡଖଣ୍ଡ, ବିହାର ସହ ପଶ୍ଚିମବଙ୍ଗ ରେ ମଧ୍ୟ ସକ୍ରିୟ । ୮୦୦ରୁ ଅଧିକ ବ୍ୟାଙ୍କ ଆକାଉଣ୍ଟ ଖୋଲି କରୁଥିଲେ ସାଇବର କ୍ରାଇମ। ତେବେ ଏହି ସାଇବର କ୍ରାଇମ ର ଚେର ଦୁବାଇ ଯାଏ ଲମ୍ବିଥିବା ନେଇ ସୂଚନା ଦେଇଛି ପୋଲିସ। ଗିରଫ ଠକ୍ ଙ୍କୁ ରିମାଣ୍ଡ ରେ ଆଣି ପୋଲିସ କରିବ ଅଧିକ ଖୋଳତାଡ଼।