ପୂର୍ବତନ ସ୍ବାସ୍ଥ୍ୟମନ୍ତ୍ରୀ ସ୍ବର୍ଗତଃ ନବ ଦାସଙ୍କ ରୋଷେୟା ଲଳିତ ସାହୁଙ୍କ ସନ୍ଦେହଜନକ ମୃତ୍ୟୁ ମାମଲାରେ ବଡ଼ ଟ୍ଵିଷ୍ଟ୍ । ମାମଲାର ପୁନଃତଦନ୍ତ ନିର୍ଦ୍ଦେଶ ଦେଲେ ପୋଲିସ ଡିଜି । ଡିଜିଙ୍କ ନିର୍ଦ୍ଦେଶ ଅନୁସାରେ ନୂଆ ତଦନ୍ତକାରୀ ଅଫିସର ମାମଲାର ପୁନଃ ତଦନ୍ତ କରିବ । ଏନେଇ ସୂଚନା ଦେଇଛନ୍ତି ଉତ୍ତରାଞ୍ଚଳ ଆଇଜି ଓ ଝାରସୁଗୁଡା ଏସପି ।

ପୁଅ ଲଲିତର ମୃତ୍ୟୁ ତଦନ୍ତରେ ପ୍ରଶ୍ନ ଉଠାଇଥିଲେ ତାଙ୍କ ବାପା । ମାମଲାର ପୁନଃ ତଦନ୍ତ ପାଇଁ ପୋଲିସ ଡିଜିଙ୍କୁ ଚିଠି ଲେଖିଥିଲେ । ଡିପି ପୁନଃତଦନ୍ତ ପାଇଁ ଚିଠି ଲେଖିଥିଲେ ଉତ୍ତରାଞ୍ଚଳ ଆଇଜିଙ୍କୁ । ଉତ୍ତରାଞ୍ଜଳ ଆଇଜି ଯାଞ୍ଚ ବେଳେ ପୂର୍ବ ତଦନ୍ତରେ ଥିବା ତ୍ରୁଟି ଜାଣିପାରିଥିଲେ। ଏବେ ପୁଣିଥରେ ହେବ ତଦନ୍ତ ।

2022ରେ ନବଙ୍କ ରୋଷେୟା ଲଲିତଙ୍କର ଝାରସୁଗୁଡାସ୍ଥିତ ନବ ଦାସଙ୍କ ବାସଭବନରେ ସନ୍ଦେହଜନକ ମୃତ୍ୟୁ ହୋଇଥିଲା। ପୋଲିସ ଆତ୍ମହତ୍ୟାର ରୂପ ଦେଇଥିଲେ ବି ଅନେକ ପ୍ରଶ୍ନ ସାମ୍ନାକୁ ଆସିଥିଲା । ଏପରିକି ଏହି ଷଡଯନ୍ତ୍ର ପଛରେ ତତ୍କାଳୀନ ଜିଲ୍ଲାପାଳ, ଏସପି, ସିଡିଏମଓ , ଏଡିଏମଓ , ଆଇଆଇସି ଓ ପୋଷ୍ଟମର୍ଟମ କରିଥିବା ଡାକ୍ତରଙ୍କ ସମ୍ପୃକ୍ତି ଥିବାର ସଙ୍ଗୀନ ଅଭିଯୋଗ ମଧ୍ୟ ହୋଇଥିଲା । ରାତି ଅଧିଆ କାହିଁକି ପୋଲିସ ଶବ ଜବତ କରି ବ୍ୟବଚ୍ଛେଦ କରିଦେଲା ଏହାକୁ ନେଇ ଅନେକ ପ୍ରଶ୍ନ ଉଠିଥିଲା । କେବଳ ସେତିକି ନୁହେଁ ପରବର୍ତ୍ତୀ ଅବସ୍ଥାରେ ଲଲିତଙ୍କ ଭିସେରା ଚୋରୀ ହେଇଯିବା ସନ୍ଦେହକୁ ଆହୁରି ବଢାଇଥିଲା । ଏବେ ବଡ଼ ପ୍ରଶ୍ନ ଲଲିତଙ୍କ ମୃତ୍ୟୁ ତଦନ୍ତକୁ କିଏ କରିଥିଲା ବାଟବଣା ।

Argus News | argus news | Odisha Latest News, Breaking News, Trending News, Live TV