ସାମ୍ବାଦିକ ବିପିନ ସାହୁଙ୍କ ଅକାଳ ବିୟୋଗ। ଭୁବନେଶ୍ୱର, 27 ସେପ୍ଟେମ୍ବର- ଅର୍ଗସର ବରିଷ୍ଠ ସାମ୍ବାଦିକ ବିପିନ ସାହୁଙ୍କର ଆଜି ସକାଳୁ ପରଲୋକ ହୋଇଯାଇଛି । ତାଙ୍କ ବିୟୋଗରେ ଅର୍ଗସ ପରିବାର ପକ୍ଷରୁ ଏକ ଶ୍ରଦ୍ଧାଞ୍ଜଳି ସଭା ଅନୁଷ୍ଠିତ ହୋଇଥିଲା । ଏହି ଅବସରରେ ଅର୍ଗସର ସମସ୍ତ କର୍ମଚାରୀ , ବିପିନ ସାହୁଙ୍କ ସ୍ମୃତିଚାରଣ କରିବା ସହ ଫଟୋଚିତ୍ରରେ ମାଲ୍ୟାର୍ପଣ କରିଥିଲେ । ଜାତୀୟ ଗଣମାଧ୍ୟମରୁ କାର୍ଯ୍ୟ ଆରମ୍ଭ କରିଥିବା ବିପିନ ସାହୁ , ଅର୍ଗସ ନ୍ୟୁଜରେ ଦୀର୍ଘଦିନ ଧରି କାମ କରି ଆସୁଥିଲେ ।

ତାଙ୍କର ଏପରି ଦୁଃଖଦ ଦେହାନ୍ତରେ ମହାପ୍ରଭୁ ଜଗନ୍ନାଥ ତାଙ୍କ ପରିବାରକୁ ଶକ୍ତି ଦିଅନ୍ତୁ ବୋଲି ମହାପ୍ରଭୁଙ୍କ ନିକଟରେ ସମସ୍ତେ ପ୍ରାର୍ଥନା କରିଥିଲେ । ସବୁବେଳେ ହସହସ ମୁହଁ , ସାଧାରଣ ଲୋକଙ୍କ ପାଇଁ କାର୍ଯ୍ୟ କରୁଥିବା ବିପିନ ବାବୁଙ୍କ ଦେହାନ୍ତ ଅର୍ଗସ ପାଇଁ ଅପୂରଣୀୟ କ୍ଷତି ବୋଲି ଶ୍ରଦ୍ଧାଞ୍ଜଳି ସଭାରେ ସମସ୍ତେ ମତବ୍ୟକ୍ତ କରିଥିଲେ । ଆଜି ସକାଳୁ ସକାଳୁ ସବୁଦିନ ପରି ଫୁଲ ତୋଳିବାକୁ ଯାଉଥିବା ସମୟରେ ତାଙ୍କ ସହ ଅଘଟଣ ଘଟିଥିଲା । ଯେଉଁଥିରେ ତାଙ୍କର ମୃତ୍ୟୁ ଘଟିଛି। ଭଗବାନ ତାଙ୍କ ପରିବାରକୁ ଧର୍ଯ୍ୟ ଦିଅନ୍ତୁ।