ଡେଲାଙ୍ଗ ପରେ ଖୋର୍ଦ୍ଧା ଜିଲ୍ଲାରେ କୁକୁଡା ମଢ଼କ । ଖୋର୍ଦ୍ଧା ଜିଲ୍ଲା ଜଂକିଆ ମୁଣ୍ଡାଆମ୍ବ ଓ ଟାଙ୍ଗି ତାଳପଡା ଅଞ୍ଚଳରେ ଥିବା ଏକାଧିକ କୁକୁଡ଼ା ଫାର୍ମରେ ଶହଶହ ସଂଖ୍ୟାରେ କୁକୁଡ଼ା ମଡକ ଦେଖିବାକୁ ମିଳିଛି । ୮ ଦିନ ମଧ୍ୟରେ ପ୍ରାୟ ୬ ହଜାରରୁ ଅଧିକ କୁକୁଡ଼ା ମୃତ୍ୟୁ ହୋଇଛି । କୁକୁଡ଼ା ଫାର୍ମଗୁଡ଼ିକରୁ ରକ୍ତନମୁନା ସଂଗ୍ରହ କରି ପରୀକ୍ଷା ପାଇଁ ପଠାଇଥିଲେ । ରିପୋର୍ଟରେ ବାର୍ଡ ଫ୍ଲୁ ଯୋଗୁଁ କୁକୁଡା ମୃତ୍ୟୁ ହୋଇଥିବା ସୂଚନା ମିଳିଛି । ପୁଶୁ ଚିକିତ୍ସା ବିଭାଗର ୮ଟି ଟିମ ଜଂକିଆ ମୁଣ୍ଡାଆମ୍ବ ଫାର୍ମରେ ପହଞ୍ଚି ୪୫୦୭ଟି କୁକୁଡା ମାରି ପୋତିଛନ୍ତି। ଜନ ସାଧାରଣ ଭୟଭୀତ ନହେବା ପାଇଁ ପଶୁ ଚିକିତ୍ସା ବିଭାଗୀୟ ଅଧିକାରୀ କହିଛନ୍ତି।