ଅର୍ଗସ ବ୍ୟୁରୋ: ଇଂଲିଶ ପ୍ରେମରେ ବିଜେଡି । ଓଡିଆରେ ଶାସନ ଚଳାଇଥିବା ଆଦିବାସୀ ମୁଖ୍ୟମନ୍ତ୍ରୀ କାହିଁକି ଇଂଲିଶ ହିନ୍ଦୀ କହିପାରୁନାହାଁନ୍ତି ବୋଲି ପ୍ରଶ୍ନ କରି ନିଜ ସାମନ୍ତବାଦୀ ମାନସିକତା ପୁଣି ପ୍ରମାଣ ଦେଇଛି ବିଜେଡି ।  ଓଡିଆ ଅସ୍ମିତା ଅସ୍ତ୍ରରେ ଧରାଶାୟୀ ବିଜେଡି ଏବେ ସେହି ଅସ୍ମିତା ନାଁରେ ଓଡିଆ ବଦଳରେ ଇଂରାଜୀ ପାଇଁ ଓକିଲାତି କରୁଛି । ଖାଲି ଓକିଲାତି ତ ନୁହେଁ ମୁଖ୍ୟମନ୍ତ୍ରୀ କାହିଁକି ଇଂଲିଶ- ହିନ୍ଦି କହିପାରୁନାହାଁନ୍ତି ବୋଲି ବିଜେଡି ପ୍ରଶ୍ନ କରିଥିବା ବେଳେ କଡା ଜବାବ ରଖିଛି ବିଜେପି । ନବୀନ କିପରି ଭାଷଣ ଦେବା ବେଳେ ଓଡିଆ ଭାଷାର ଧଜିଆ ଉଡାଉ ଥିଲେ ତାର ଉଦାହରଣ କରି ପାଲଟା ଆକ୍ରମଣ କରିଛି ବିଜେପି । ମୁଖ୍ୟମନ୍ତ୍ରୀଙ୍କ ଦିଲ୍ଲୀଗସ୍ତ ଅଭିଯୋଗର ଜବାବ  ବି ଦେଇଛି ବିଜେପି । 

କେବଳ ନବୀନ ନୁହଁନ୍ତି...  ନିଜ ନାଁକୁ କାର୍ତ୍ତିକେୟନରୁ କାର୍ତ୍ତିକ କରି ଭୈରବ ଶଦ୍ଦକୁ ଉହ୍ୟ ରଖିଥିବା ତାମିଲ ବାବୁଙ୍କ ପାଇଁ ନବୀନଙ୍କ ମନ୍ତ୍ରୀ ମଣ୍ଡଳର ହେଭିୱେଟ ମନ୍ତ୍ରୀ ଓ  ନେତା ବି  କେମିତି ଟ୍ରାଫିକ ସମ୍ଭାଳିଥିଲେ ତାହା କାହାକୁ ଅଛପା ନାହିଁ । ନିଜକୁ ତାମିଲ ବାବୁଙ୍କ କ୍ରୀଡଦାସ କହୁବାକୁ ବି ପଛାଇ ନଥିଲେ । 

ଖଣ୍ଡିଓଡିଆ ନେତାଙ୍କୁ ବିଜେଡି ସିନା ଗୁରୁତ୍ବ ଦେଲା ହେଲେ ଓଡିଆ ଲୋକେ ଜବାବ ଦେଲେ । ପାଣ୍ଡିଆନଙ୍କୁ ଗରୁତ୍ବ ବିଜେଡିକୁ ତଳିତଳାନ୍ତ କଲା ବୋଲି ସମୀକ୍ଷକଙ୍କ ମତ । 

ମୋହନ ସରକାର ଦାୟିତ୍ବ ନେବାରେ ଦୁଇ ମାସ ପୁରିଛି, ଏହି ଦୁଇମାସ ଭିତରେ  ଅନେକ ବିକାଶ ମୁଳକ କାମକୁ ନୂଆ ରୁପ ଦେବାରେ ପ୍ରକିୟା ଆରମ୍ଭ କରିଛନ୍ତି ନୂଆ ସରକାର । ହେଲେ  ପ୍ରଶ୍ନ ଓଡିଆ ଭାଷା ଭୁଲୁଣ୍ଠିତ କରି  ଇଂଲଶ୍ ପ୍ରେମରେ ପଡିଥିବା ବିଜେଡି ତାର ପୁରୁଣା ଅଭ୍ୟାସକୁ ଭୁଲି ପାରୁନି କି ।