ଯେଉଁଠି ସର୍ବାଧିକ ରାଜସ୍ଵ ନେଉଛନ୍ତି, ବିକାଶ ନାଁରେ ସେଇଠି ବାୟା ହେଉଛନ୍ତି

ଅର୍ଗସ ବ୍ୟୁରୋ: ବିନା ତଥ୍ୟରେ କହୁଛନ୍ତି ପାଣ୍ଡିଆନ । ଯେଉଁ ଜିଲ୍ଲାରୁ ପାଖାପାଖି ୧୮ ହଜାର କୋଟି ଟଙ୍କାର ରାଜସ୍ଵ ନେଉଛନ୍ତି ସେଇଠି ବିକାଶ ନକରି କେନ୍ଦ୍ରୀୟ ନେତାଙ୍କୁ ଟାର୍ଗେଟ୍‌ କରୁଛନ୍ତି । ଏଥିରୁ ଗୋଟିଏ କଥା ସ୍ପଷ୍ଟ ଯେ ପାଣ୍ଡିଆନ କିଛି ଜାଣୁନାହାନ୍ତି କେବଳ ମିଛରେ କହୁଛନ୍ତି । ଯଦି ରାଜନୀତିରେ ଏତେ ଅଧିକ ରୁଚି ରହିଛି ତାହାଲେ ବିଧାୟକ, ସାଂସଦ ନହେଲେ ରାଜ୍ୟସଭାରେ ଯାଇ ଯୁକ୍ତି କରନ୍ତୁ ବୋଲି କହିଛନ୍ତି ବିଜେପିର ବରିଷ୍ଠ ନେତା ରୁଦ୍ର ପାଣି ।

ଆଜି ଅନୁଗୁଳ ଗସ୍ତରେ ଯାଇଥିଲେ ଫାଇଭ-ଟି ଅଧ୍ୟକ୍ଷ ତଥା ଆମ ଓଡ଼ିଶା ନବୀନ ଓଡ଼ିଶାର ଚେୟାରମ୍ୟାନ ଭି.କେ ପାଣ୍ଡିଆନ । ଗସ୍ତ ସିନା ସରକାରୀ ଥିଲା ହେଲେ ଭାଷଣ ଥିଲା ପୂରା ରାଜନୈତିକ । ଭାଷଣ ଏମିତି ଦେଉଥିଲେ ଯେମିତି ଗତ ରାତିରୁ ଘୋଷିକି ଆସିଥିଲେ । ଆଉ ମଂଚରେ ଚଢୁଚଢୁ ବଜାଇ ଦେଇଥିଲେ ଟେପ୍‌ ରେକର୍ଡ । ହେଲେ ସେ କଣ କହୁଛନ୍ତି ? କାହାକୁ କହୁଛନ୍ତି ? କେତେ ସତ କହୁଛନ୍ତି ସେନେଇ କିଛି ଜଣାଥିଲା କି ନାହିଁ ସେ କଥା ସିଏ କହିପାରିବେ । କିନ୍ତୁ ତାଙ୍କ କଥାରୁ ଗୋଟିଏ କଥା ସ୍ପଷ୍ଟ ହୋଇଥିଲା କି ଅନୁଗୁଳର ବିକାଶ କରିବାରେ ଅସମର୍ଥ ଅଛନ୍ତି ରାଜ୍ୟ ସରକାର ।

ଗୁରୁତ୍ଵପୂର୍ଣ୍ଣ କଥା ହେଲା ସାରା ରାଜ୍ୟକୁ ଚଷୁଛନ୍ତି ପାଣ୍ଡିଆନ । ହେଲେ ନିଜ ସରକାର କି କି ବିକାଶ କରିଛି ? ଦେଇଥିବା ପ୍ରତିଶ୍ରୁତି ପାଳନ କରିଛି କି ନାହିଁ ? ତାହା କିନ୍ତୁ ଜାଣିପାରୁନାହାନ୍ତି ପାଣ୍ଡିଆନ । କେବଳ ଏତିକି ନୁହେଁ ମୁଖ୍ୟମନ୍ତ୍ରୀ ଯଦି କହିପାରୁନାହାନ୍ତି, ବୟସ ଅଧିକ ହେଲାଣି ତାହାଲେ ବିଧାୟକ କିମ୍ବା ସାଂସଦମାନେ ଆସି କଥା କୁହନ୍ତୁ । ଆଲୋଚନା କରନ୍ତୁ ବୋଲି ରୁଦ୍ର କହିଛନ୍ତି ।

ଗୁରୁତ୍ଵପୂର୍ଣ୍ଣ କଥା ହେଲା, ନିର୍ବାଚନକୁ ଆଉ ମାତ୍ର ୯୦ ଦିନ ବାକି ଥିବା ବେଳେ ଜିଲ୍ଲାୱାରି ଗସ୍ତ କରୁଛନ୍ତି ପାଣ୍ଡିଆନ । ମଂଚ ଚଢୁଚଢୁ ବିରୋଧୀଙ୍କୁ ସିନା ଗାଳି ଦେଉଛନ୍ତି । ହେଲେ ନିଜ ଫାଶରେ ନିଜେ ପଡିବା ପରେ ମିଛ କହି ଫଶୁଛନ୍ତି ।