ଅର୍ଗସ ବ୍ୟୁରୋ: ସାରା ରାଇଜଟାକୁ ଯଦି ବୁଲି ଆସିବେ ତେବେ ଦେଖିବେ ଦୁର୍ନୀତି କେଉଁ ମାତ୍ରାରେ ହୋଇଛି? କେଉଁ କେଉଁଠି ହୋଇଛି ? ପ୍ରଧାନମନ୍ତ୍ରୀ ଆବାସ ଯୋଜନା ହେଉ କି ସହରର ଉନ୍ନତିକରଣରେ ହେଉ । ପ୍ରତି କାମରେ ଦୁର୍ନୀତିରେ ପିଜି କରିଛନ୍ତି ରାଜ୍ୟ ସରକାର । ହେଲେ ରାଜ୍ୟ ଗୋଟିଏ ପରେ ଗୋଟିଏ ଦୁର୍ନୀତିର ଗୁମର ଯେତେବେଳେ ବିରୋଧୀ ଖୋଲୁଛନ୍ତି ସେତେବେଳେ ଏହାକୁ କିନ୍ତୁ ଗ୍ରହଣ କରିପାରୁନାହାନ୍ତି ରାଜ୍ୟ ସରକାର କି ପାଣ୍ଡିଆନ । ବୋଧହୁଏ ସେଇଥି ଲାଗି ରୂପାନ୍ତିକରଣ ସହ ଅନ୍ଧ ଶବ୍ଦର ପ୍ରୟୋଗ କରିଥିଲେ ପାଣ୍ଡିଆନ୍‌ । ଯାହାକୁ ନେଇ ତେଜିଲାଣି ରାଜ୍ୟ ରାଜନୀତି ।

ଗଂଜାମ ଛତ୍ରପୁରର ସୁନ୍ଦରେଶ୍ଵର ଗସ୍ତରେ ଯାଇଥିଲେ ପାଣ୍ଡିଆନ । ପାଣ଼୍ଡିଆନଙ୍କ ଗସ୍ତ ଲାଗି ଶାସକଦଳର ନେତାଏ କର୍ମୀଙ୍କୁ ଏକାଠି କରିଥିଲେ । ଭିଡ ବି ଥିଲା । ଆଉ ଏତିକିବେଳେ ଉତ୍ସାହର ସହ ବିରୋଧୀଙ୍କୁ ଆକ୍ଷେପ କରି କହୁ କହୁ ପାଣ୍ଡିଆନ କହିଦେଇଥିଲେ କି କିଛି ଜଣ ରୂପାନ୍ତୀକରଣକୁ ସହଜରେ ଗ୍ରହଣ କରିପାରୁନାହାନ୍ତି । ଏମିତିକି ଆଖି ଯଦି ଖୋଲିକି ଦେଖିବେ ତେବେ ବିକାଶ ଦିଶିବ ବୋଲି କହିଥିଲେ ପାଣ୍ଡିଆନ ।

ଗୁରୁତ୍ଵପୂର୍ଣ୍ଣ କଥା ହେଲା ରାଜ୍ୟର ବିକାଶ ପାଇଁ ଅନେକ ଯୋଜନା କରୁଛନ୍ତି ରାଜ୍ୟ ସରକାର । ଆଉ ସରକାରୀ ଟଙ୍କାରେ ବେଫିକର ହୋଇ ବୁଲୁଛନ୍ତି ପାଣ୍ଡିଆନ । ଏମିତିକି ଅନ୍ତର୍ଜାତୀୟ ଖ୍ୟାତି ସଂପନ୍ନ ସାମ୍ବାଦିକ ରୁବେନ ବାନାର୍ଜୀ ଗୋଟିଏ ଅଭିଯୋଗ ସଂଗ୍ରହ କରିବାକୁ ରାଜ୍ୟ ସରକାର କେତେ ଖର୍ଚ୍ଚ କରୁଛନ୍ତି ତାହାର ବି ଗୁମର ଖୋଲିଥିଲେ । ଏକଥା କାହାକୁ ବି ଅଛପା ନାହିଁ ବିକାଶ ନାଁରେ ରାଜ୍ୟରେ କେମିତି ବିନାଶ ହେଉଛି । ହେଲେ ସଭା ମଂଚରେ ଯେମିତି ଅନ୍ଧ ଶବ୍ଦ ବ୍ୟବହାର କଲେ ପାଣ୍ଡିଆନ ତାହାକୁ ନେଇ ଏବେ ଅସନ୍ତୋଷ ବଢୁଛି । ଏପଟେ ବିଜେପି ନେତା ପାଣ୍ଡିଆନଙ୍କ ଅପଶବ୍ଦକୁ ନେଇ ପ୍ରତିକ୍ରିୟା ବି ରଖିଛନ୍ତି । ତେବେ ପାଣ୍ଡିଆନ ବିଜେଡିରେ ଯୋଗ ଦେଉ ଦେଉ ଅନ୍ଧ ଶବ୍ଦ ବ୍ୟବହାର କରିଥିବାରୁ ଏହାକୁ ନେଇ ସୃଷ୍ଟି ହେଲାଣି ରାଜନୈତିକ ଝଡ଼ ।