ଆଜିଠୁ ଦୁଇ ଦିନ ଧରି ଚାଲିବ ବିଜେପି ପ୍ରଶିକ୍ଷଣ ଶିବିର । ପୁରୀରେ ଆୟୋଜିତ ପ୍ରଶିକ୍ଷଣ ଶିବିରର ଉଦଘାଟନ କରିବା ସହ ନୂଆ ବିଧାୟକଙ୍କୁ ଗୁରୁମନ୍ତ୍ର ଦେବେ ବିଜେପି ରାଷ୍ଟ୍ରୀୟ ଅଧ୍ୟକ୍ଷ ଜେପି ନଡ୍ଡା । ୧୩ ତାରିଖ ଯାଏ ଚାଲିବ ପ୍ରଶିକ୍ଷଣ । ୨୦ ଜଣ ଲୋକସଭା ସାଂସଦ, ୭୮ ଜଣ ବିଜେପି ବିଧାୟକଙ୍କ ସମେତ ୩ ଜଣ ସ୍ବାଧୀନ ବିଧାୟକ ଏଥିରେ ଭାଗ ନେବେ । ଏଥିସହିତ ବିଜେପିର ରାଜ୍ୟ ସଭାପତି, ସାଧାରଣ ସମ୍ପାଦକ, ସମସ୍ତ ପଦାଧିକାରୀ ଏଥିରେ ଯୋଗଦେବେ ।

କେମିତି ତୃଣମୂଳ ସ୍ତରରେ ଲୋକଙ୍କ ସହ ମିଶିବେ, ଜନତାଙ୍କ ସେବା କରିବେ, କେନ୍ଦ୍ର ଓ ରାଜ୍ୟ ସରକାରଙ୍କ ଯୋଜନା ଲୋକଙ୍କ ନିକଟରେ ପହଞ୍ଚାଇବେ ଓ ବୁଥ୍‌ ସ୍ତରରେ ସଂଗଠନକୁ ମଜଭୁତ୍ କରିବାକୁ କର୍ମୀମାନଙ୍କୁ କିପରି ଉତ୍ସାହିତ କରିବେ ସେନେଇ ତାଲିମ୍ ଦିଆଯିବ । ପ୍ରଶିକ୍ଷଣରୁ ଉପଲବ୍ଧ ଜ୍ଞାନକୁ ନେଇ ତୃଣମୂଳ ସ୍ତରରେ ବାଣ୍ଟିବେ ନେତା । ଏହାପୂର୍ବରୁ ଆଜି ବରିଷ୍ଠ ନେତାଙ୍କ ବୈଠକ କରି ବିଭିନ୍ନ ପ୍ରସଙ୍ଗରେ ଆଲୋଚନା କରିବେ ଜେପି ନଡ୍ଜା।