ଭଦ୍ରକ: ବିଜ୍ଞାନ ଯୁଗରେ ଗୁଣି ଗାରେଡି କଥା କହିଲେ ହୁଏତ କେହି ବିଶ୍ୱାସ କରିବେ ନାହିଁ । ହେଲେ ଏବେ ବି ଗୁଣି ଗାରେଡି ହେଉଛି । ଏକଥା ଆମେ କହୁନୁ । ବରଂ ଆମେ ବର୍ତ୍ତମାନ ଯେଉଁ ଦୃଶ୍ୟ ଦେଖାଇବାକୁ ଯାଉଛୁ ଏହା ପରେ ଆପଣ ବି କହିବେ ଆଧୁନିକ ଯୁଗରେ ଏବେବି ଗୁଣି ଗାରେଡି ଆଉ ସେହି ଅନ୍ଧ ବିଶ୍ୱାସ ଲୋକଙ୍କ ମଧ୍ୟରେ ରହିଛି । ଏ ଦୃଶ୍ୟ ଆପଣଙ୍କ ଭାବିବାକୁ ବାଧ୍ୟ କରିବ ।

ଏ ହେଉଛି ଭଦ୍ରକ ଜିଲ୍ଲା ବାସୁଦେବପୁର ବ୍ଲକ ଖରିଦା ବିନାୟକପୁର ପଂଚାୟତର ବିନାୟକପୁର ଗାଁର ଘଟଣା । ବିନାୟକପୁର ଗାଁର ଲକ୍ଷ୍ମୀପ୍ରିୟା ନାୟକଙ୍କ ପରିବାର ମଧ୍ୟରେ ଏକ ଅଦ୍ଭୂତପୂର୍ବ ଘଟଣା ଦେଖାଦେଇଛି । ଘର ବାହାରେ ହେଉ ଅବା ଘର ଭିତରେ ସବୁଆଡେ ମହିଳାଙ୍କ ଲୁଗା ପଟା ଆପେ ଆପେ ଚିରି ଯାଉଛି । ଆଉ ଏବେ ଛୋଟ ଛିଟ ଝିଅ ମାନଙ୍କର ମଧ୍ୟ ଲୁଗା ପଟା ସେମିତି ଫାଡ଼ି ହେଇଯାଉଛି । ଏମିତିକି ଲୁଗାପଟାକୁ ଆଲମିରା ଭିତରେ ରଖି ପରିବାର ଲୋକ ଚାବି ପକାଇ ରଖିଲେ ମଧ୍ୟ ଆଲମିରା ଭିତରେ ଥିବା ଲୁଗା ଗୁଡିକ ଆପେ ଆପେ ଫାଡ଼ି ହୋଇଯାଉଛି ।

ଆଉ କପଡା ପାଖରେ ବ୍ଲେଡ଼୍ ପଡୁଛି । ଏମିତିକି ଖାଇବା ପଦାର୍ଥ ମଧ୍ୟ କାଟି ହେଇଯାଉଛି । ଘର ଲୋକ ରୋଟି କରିବା ପାଇଁ ଅଟା ବେଲୁଥିବା ସମୟରେ ରୋଟି ଗୁଡିକ ଆପେ ଆପେ ମଝିରୁ ଖଣ୍ଡ ବିଖଣ୍ଡିତ ହେଇଯାଇଛି । ଯାହାକୁ ନେଇ ପିରବାର ଲୋକେ ଭୟଭୀତ ଅବସ୍ଥାରେ ରହୁଛନ୍ତି । ଏପରି ଘଟଣା ସମସ୍ତଙ୍କୁ ଯେତିକି ଆଶ୍ଚର୍ଯ୍ୟ ଲାଗୁଛି ସେତିକି ଭୟବୀତ । ଏପରି ଘଟଣା ପରେ ଲୋକ ଗୁଣି ଗାରେଡିକୁ ବିଶ୍ୱାସ କରିବା ସହିତ ଅନ୍ଧ ବିଶ୍ୱାସକୁ ଜାବୁଡି ରଖିବାକୁ ବାଧ୍ୟ ହେଇଛନ୍ତି । ଏ ଘଟଣାଟି କେବଳ ଗୋଟିଏ ପରିବାର ସହିତ ହିଁ ହେଉଛି । ଏନେଇ ପୁରା ଗାଁରେ ଏବେ କୋକୁଆ ଭୟ ।

Argus News | argus news | -Argusnews Home: Odisha Latest News, Breaking News, Trending News, Live TV and more