ଅର୍ଗସ ବ୍ୟୁରୋ: ଖୋଲିବ ବ୍ଲାକରୋଜ୍ କେଳେଙ୍କାରୀ ପଛର ଗୁମର । ବ୍ଲାକ ରୋଜ୍ କେଳେଙ୍କାରୀର ତଦନ୍ତ ନେଇ ଡିଜିଙ୍କୁ ଗୃହ ବିଭାଗର ଚିଠି । ସୂଚନା ଅଧିକାର କର୍ମୀ ପ୍ରଦୀପ ପ୍ରଧାନଙ୍କ ଅଭିଯୋଗକୁ ଆଧାର କରି ଡିଜିଙ୍କୁ ଚିଠି ଲେଖିଛନ୍ତି ଗୃହ ବିଭାଗ । ତେବେ ଲାଇସେନ୍ସ ନଥିବା ଯାହାଜରେ ବିଦେଶକୁ ୨୪ ହଜାର ମେଟ୍ରିକ୍ ଟନ୍ ଲୁହାପଥର ଚାଲାଣ ପଛର ମାଷ୍ଟର ମାଇଣ୍ଡ କିଏ, ସେ ସତ ଏବେ ସାମ୍ନାକୁ ଆସିବ । ଗତ ଜୁନ୍ ୨୨ରେ ମୁଖ୍ୟମନ୍ତ୍ରୀ ମୋହନ ଚରଣ ମାଝୀଙ୍କୁ ଏକ ପତ୍ର ଲେଖି ବ୍ଲାକ୍ ରୋଜ୍ ବୁଡ଼ି ଘଟଣାରେ କ୍ରାଇମବ୍ରାଞ୍ଚ ତଦନ୍ତର ସମସ୍ତ ଦସ୍ତାବିଜ ସିବିଆଇକୁ ହସ୍ତାନ୍ତର ପାଇଁ ନିବେଦନ କରିଥିଲେ ପ୍ରଦୀପ ।

ସୂଚନାଯୋଗ୍ୟ, ୦୯.୦୯.୨୦୦୯ରେ ପାରାଦ୍ବୀପ ବନ୍ଦରରେ ଦୁର୍ଘଟଣାଗ୍ରସ୍ତ ହୋଇ ବ୍ଲାକ୍‌ରୋଜ ଜାହାଜ ବୁଡ଼ି ଯାଇଥିଲା।  ଏନେଇ ବନ୍ଦର କର୍ତ୍ତୃପକ୍ଷ ପାରାଦ୍ବୀପ ମେରାଇନ୍ ଥାନାରେ ଏକ FIR ଦାୟର କରିଥିଲା I ପରେ ରାଜ୍ୟ କ୍ରାଇମ୍ ବ୍ରାଞ୍ଚ ଏହାର ତଦନ୍ତ ଭାର ନେଇଥିଲା। ସେପଟେ ମାମଲାର ସିବିଆଇ ତଦନ୍ତ ଦାବିରେ ଓଡ଼ିଶା ହାଇକୋର୍ଟରେ ଦୁଇଟି ଆବେଦନ କରାଯାଇଥିଲା । ସିବିଆଇ ମାମାଲର ତଦନ୍ତ ଲାଗି ପ୍ରସ୍ତୁତ ଥିବା ହାଇକୋର୍ଟଙ୍କୁ ଜଣାଇଥିଲା । ତେବେ ବିଭିନ୍ନ କାରଣ ପାଇଁ ହାଇକୋର୍ଟ ଆବେଦନକୁ ଖାରଜ କରିଦେଇଥିଲେ । 
ଏହାପରେ ଓଡ଼ିଶା ସରକାରଙ୍କୁ ଦୁଇଥର ଚିଠି ଲେଖି (୩୦.୦୯.୨୦୧୯ ଓ ୦୯.୧୨.୨୦୧୯) କ୍ରାଇମ୍ ବ୍ରାଞ୍ଚ ଦ୍ଵାରା ହୋଇଥିବା ସମସ୍ତ ତଦନ୍ତର ଦସ୍ତାବିଜ ମାଗିବା ସହ ଘଟଣାର ପୂର୍ଣାଙ୍ଗ ତଦନ୍ତ ଅନୁମତି ମାଗିଥିଲା ସିବିଆଇ। କିନ୍ତୁ ରାଜ୍ୟ ସରକାର କୌଣସି ଦସ୍ତାବିଜ ସିବିଆଇକୁ ଦେଇନଥିଲେ। 

ବ୍ଲାକ ରୋଜ୍ ବୁଡି ଘଟଣାର CBI ତଦନ୍ତ ଦାବି ପୁଣି ଧରିଲା ଜୋର

ପରେ ସୂଚନା ଅଧିକାର ଆଇନ୍ ବଳରେ ଜଣାପଡ଼ିଲା ଯେ, ବ୍ଲାକ୍‌ରୋଜ ଏକ ଚୋରା ଜାହାଜ। ଏହାର କୌଣସି ଲାଇସେନ୍ସ ନାହିଁ। ଏଥିରେ ୨୪ ହଜାର ମେଟ୍ରିକ୍ ଟନ୍ ଲୁହା ପଥର ଚୋରାରେ ବିଦେଶକୁ ପଠାଯାଉଥିଲା। ରେଟ୍ରର ମାଇନ୍ସ ଓ ଏ.ବି. ମିନେରାଲ ଏହି ଚୋରା ଲୁହା ପଥର ବିଦେଶକୁ ପଠାଉଥିବା ଜଣାପଡ଼ିଥିଲା। ଏବେ ପ୍ରଶ୍ନ ଉଠୁଛି ମାମଲାର ତଦନ୍ତ ଦାୟିତ୍ବ ସିବିଆଇକୁ କାହିଁକି ଦେବାକୁ ଚାହୁଁନଥିଲେ ବିଜେଡି ସରକାର ?