ବାହାଘର ଭୋଜି ଖାଇ ଫେରିବା ବେଳେ ଓଲଟି ପଡିଲା ବୋଲେରୋ । ଫଳରେ ଗାଡିରେ ଥିବା ସମସ୍ତ 11 ଯାତ୍ରୀ ଗୁରୁତର ଆହତ ହୋଇଛନ୍ତି । ସେମାନଙ୍କ ମଧ୍ୟରୁ 3ଜଣ ଶିଶୁ ଅଛନ୍ତି । 11 ଜଣଙ୍କ ମଧ୍ୟରୁ 2 ଜଣଙ୍କ ଅବସ୍ଥା ଅଧିକ ଗୁରୁତର ହେବାରୁ ଜିଲ୍ଲା ଚିକିତ୍ସାଳୟକୁ ସ୍ଥାନାନ୍ତର କରାଯାଇଛି ।

ସମସ୍ତେ କେନ୍ଦ୍ରାପଡା ଜିଲ୍ଲା ରାଜକନିକା ଅଞ୍ଚଳକୁ ଚତୁର୍ଥୀ ଭୋଜି ପାଇଁ ଯାଇଥିଲେ । ବାସୁଦେବପୁର ବ୍ଲକର ଚୁଡାମଣି ଗ୍ରାମର ବୁଧିରାମ ବିଶ୍ବାଳଙ୍କ ଝିଅ ରାଜକନିକା ଠାରେ ବିବାହ ହେଇଥିଲା । ଗତକାଲି ସେଠାରେ ଚତୁର୍ଥୀ ଭୋଜି ରହିଥିଲା । ତେଣୁ ବୁଦ୍ଧିରାମ ବିଶ୍ବାଳଙ୍କ ପରିବାର ସମେତ ସମ୍ପର୍କୀୟ ମାନେ ସେଠାକୁ ଯାଇଥିଲେ । ତେବେ ସେଠାରୁ ଫେରୁଥିବା ସମୟରେ ଦୁର୍ଘଟଣା ଘଟିଛି ।