ପୁଣି ହାତୀ ପାଟିରେ ବୋମା... ହାତୀ ପାଟିରେ ଫୁଟି ଗଲା ବିସ୍ଫୋରକ ! ବନ୍ୟଜନ୍ତୁ ଶିକାର ପାଇଁ ଥିବା ବୋମା ଖାଇ ହାତୀ ଆହତ ହୋଇଥିବା ସୂଚନା ।
ଏଭଳି ଅଭାବନୀୟ ଘଟଣା ଘଟିଛି ଅନୁଗୁଳ ବନଖଣ୍ଡ ବନ୍ତଳା ବନାଞ୍ଚଳ ବାଳୁଅକଟା ଗାଁ ପଥରଗଡ଼ ସାହିରେ । ଏକ ମାଈ ହାତୀ ଅସୁସ୍ଥ ହୋଇଥିବା ଖବର ପାଇ ସେଠାକାର ଲୋକମାନେ ବନ ବିଭାଗକୁ ଖବର ଦେଇଥିଲେ । ଖବର ପାଇ ବନ ବିଭାଗ ଟିମ୍ ଘଟଣା ସ୍ଥଳରେ ହାତୀ ଛୁଆକୁ ଜଗି ରହିଛନ୍ତି । ଡାକ୍ତରୀ ଟିମ୍ ଏବେ ହାତୀର ଚିକିତ୍ସା ଆରମ୍ଭ କରିଛନ୍ତି ।

ପ୍ରଥମକ ସୂଚନାନୁଯାୟୀ ହାତୀଟି ଜନ୍ତୁ ଶିକାର ପାଇଁ ବ୍ୟବହାର ହେଉଥିବା ବୋମା ଖାଇଥିବା ଦେଇଥିବା ଜଣାପଡ଼ିଛି । ଆହତ ହାତୀର ବୟସ ପାଖା ପାଖି ୬ରୁ ୭ ବର୍ଷ ହେବ । ହାତୀଟି ବୋମା ଖାଇଦେବା ପାରେ ପାଟିରେ ଜୋରେ ଆଘାତ ଲାଗିଛି ।

କିଛି ଦିନ ପୂର୍ବରୁ ମଧ୍ୟ ସମାନ ଘଟଣା ଦେଖିବାକୁ ମିଳିଥିଲା । କେହି ଜଣେ ଦୁର୍ବୃତ୍ତ ହାତୀକୁ ଖାଦ୍ୟ ଭିତରେ ବୋମା ଦେଇ ଦେଇଦେଲା । ଆଉ ଖାଦ୍ୟ ଭିତରେ ଥିବା ବୋମା ଖାଇ ଦେବାରୁ ହାତୀର ମୁହଁ ଭିତରେ ବୋମା ଫୁଟି ଯାଇଥିଲା । ଗାଁ ଲୋକେ ମାଇ ହାତୀକୁ ଗୁରୁତର ଦେଖି ବନବିଭାକୁ ଜଣାଇଥିଲେ । ଏହା ପରେ ହାତୀକୁ ଟ୍ରାଙ୍କୁଲାଇଜ କରିବା ପରେ ଶିମିଳିପାଳ ଅଭୟାରଣ୍ୟର ତାରବନ୍ଧ ରେଞ୍ଜ କାର୍ଯ୍ୟାଳୟକୁ କ୍ରେନ୍‌ ସାହାଯ୍ୟରେ ଅଣାଯାଥିଲା ।

ସୂଚନାନୁଯାୟୀ ହାତୀର ଜିଭ ଚିଣ୍ଡି ବାହାରକୁ ଚାଲି ଆସିଛି । ହାତୀ ମୁହଁରେ ବୋମା ଫୁଟି ଯାଇଛି। ଏ କଷ୍ଟ ଏ ଯନ୍ତ୍ରଣା କେବଳ ସେ ହିଁ ବୁଝିପାରୁ ଥିବ ଯାହା ଉପରେ ବିତିଯାଇଛି । ଏମିତି କିଛି ହୃଦୟବିଦାରକ ଦୃଶ୍ୟ ଦେଖିବାକୁ ମିଳିଛି ମୟୂରଭଞ୍ଜ ଜିଲ୍ଲା ବେତନଟି ରେଞ୍ଜରେ ।

ହାତୀର ଜିଭ ଏକ ତୃତୀୟାଂସ ଛିଡ଼ି ଯାଇଛି। ଅଧିକ ସଂକ୍ରମଣ ହୋଇଥିବାରୁ ହାତୀଟିର ଅବସ୍ଥା ସଙ୍କଟାପନ୍ନ ରହିଛି । ଏଭଳି ନୃଶଂସ କାର୍ଯ୍ୟ କରିଥିବା ଅଭିଯୁକ୍ତଙ୍କୁ ହତ୍ୟା ଭଳି ଆଇନରେ ଦଣ୍ଡିତ କରାଯିବା ଉଚିତ ବୋଲି ପ୍ରାଣୀ ପ୍ରେମୀ ଦାବି କରିଛନ୍ତି ।