ମୁଁ ଭଲ ପାଉଛି ମାନେ ସେ ମୋର । ତାକୁ ମୋ ଠାରୁ କେହି ଅଲଗା କରିପାରିବେ ନାହିଁ । ବାହାଘର ସରିଥିଲେ ବି ମୁଁ ତାକୁ ଉଠେଇ ଆଣିବି । ପ୍ରେମିକ ଖାଲି ଏମିତି କହିଲା ନାହିଁ। କରିକି ମଧ୍ୟ ଦେଖାଇ ଦେଲା । ବାହାଘର ସାରି ଘରକୁ ଫେରୁଥିବା ବେଳେ ବାଟରୁ ନବ ବଧୂକୁ ଉଠାଇ ନେଲା ପ୍ରେମିକ । ବର ମୁଣ୍ଡରେ ବନ୍ଧୁକ ଲଗାଇଲା କାର ଭିତରୁ ଟାଣି ଆଣି ନିଜ ଗାଡ଼ିରେ ବଶାଇ ନେଇ ଚାଲିଗଲା । ଅମାନିଆ ପ୍ରେମ କିଛି ବି ମାନି ନାହିଁ । ଶେଷରେ ନବ ବଧୂକୁ ଉଠାଇ ନେଇଛି । ସ୍ବାମୀ ଠାରୁ ସ୍ତ୍ରୀକୁ ଛଡ଼ାଇ ନେଇଛି ଏହି ପ୍ରେମିକ । ଏମିତି କିଛି ଦୃଶ୍ୟ ଦେଖିବାକୁ ମିଳିଛି ସୁବର୍ଣ୍ଣପୁର ଜିଲ୍ଲା ତରଭାରେ ଥାନା ଅଞ୍ଚଳରେ।

ରାସ୍ତା ଉପରେ ଛିଡ଼ା ହୋଇଛି ବର ଗାଡ଼ି । ରଙ୍ଗିନ ଫୁଲରେ କାର ସଜା ଜାଇଛି । ଆଗରେ ଲେଖା ରହିଛି ରିଙ୍କୁ ସହିତ ରଶ୍ମୀ । ପାଖରେ ଛିଡ଼ା ହୋଇଛନ୍ତି ବର ଜଣକ । ହେଲେ ପାଖରେ ନାହିଁ ସ୍ତ୍ରୀ । ମୁହଁ ପୁରା ଶୁଖି ଯାଇଛି ବରଙ୍କର । ଆଖିରୁ ଜକେଇ ଆଶୁଛି ଲୁହ । କାରଣ ବାହାଘର ପରେ ଯାହାଙ୍କ ହାତଧରି ପୁଅ ଜଣକ ଘରକୁ ଫେରୁଥିଲେ ତାଙ୍କୁ ବାଟରୁ ଉଠାଇ ନେଇଛି ପ୍ରେମିକ ।

ସୂଚନା ମୁତାବକ ବଲାଙ୍ଗିର ଜିଲ୍ଲା କାମାକ୍ଷାନଗର ଗାଁର ରିଙ୍କୁ ନାମକ ଯୁବକ କଣ୍ଟାମାଳର ରଶ୍ମୀଙ୍କୁ ଗତ ରାତିରେ ବୈଦିକ ରିତୀନିତୀରେ ବାହା ହୋଇଥିଲେ । ବାହାଘର ଧୁମଧାମରେ ହେଲା । ଆଉ ବାହାଘର ସାରି ଭୋରୁ ଭୋରୁ ଘରକୁ ଫେରିବା ବେଳେ ଏଣ୍ଟ୍ରି କରିଥିଲା ନବ ବଧୂଙ୍କର ପ୍ରେମିକ । ତରଭା ଥାନା ଅର୍ନ୍ତଗତ ବଡ଼ବନ୍ଧ ନିକଟରେ ଅଚାନକ ୪/୫ ଜଣ ଯୁବକ ଆସି ଗାଡ଼ି ଅଟକାଇ ଥିଲେ । ଗାଡ଼ି ଅଟକିବା ପରେ ରିଙ୍କୁଙ୍କ ମୁଣ୍ଡରେ ବନ୍ଧୁକ ଲଗାଇ ଗାଡିରୁ ନବ ବଧୂଙ୍କୁ ଉଠାଇ ନେଇ ପଳାଇଲେ ।

ତେବେ ଘଟଣାକୁ ନେଇ ତରଭା ଥାନାରେ ପହଞ୍ଚିଥିଲେ ବରପିଲା । ଏଯାଏଁ କୌଣସି ଲିଖିତ ଅଭିଯୋଗ ହୋଇ ନଥିଲେ ହେଁ ପୋଲିସ ଏନେଇ ତନାଘନା ଜାରି ରଖିଥିବା ସୂଚନା ମିଳିଛି ।

ଏଥିସହ ପଢ଼ନ୍ତୁ:  ପୋଷା କୁକୁରକୁ ମାଡ଼ ମାରିଲେ ବରଘର ଲୋକେ; ବେଦୀରେ ବାହାହେବାକୁ ମନା କଲା କନ୍ୟା