କାନ୍ଦିକାନ୍ଦି ଭିଡିଓ କରି ଝିଅ କହିଥିଲା, ଏଠି ମତେ ବାଡଉଛନ୍ତି !

ପୁଣି ଯୌତୁକ ପାଇଁ ବଧୂ ହତ୍ୟା। ବୋହୂକୁ ପିଟିପିଟି ମାରିଦେଲେ ଶାଶୁଘର ଲୋକ। ଏମିତି ଅଭିଯୋଗ ଆସିଛି ବଲାଙ୍ଗୀର ଜିଲ୍ଲା ପାଟଣାଗଡ଼ରୁ। ଅଭିଯୋଗ କରିଛନ୍ତି ମୃତକ ଝିଅଙ୍କ ବାପା । ପୋଲିସ ଏ ନେଇ ଏକ ମାମଲା ରୁଜୁ କରି ଅଧିକ ତଦନ୍ତ ଆରମ୍ଭ କରିଛି ।

ବରଗଡ଼ ଜିଲ୍ଲାର ଗାଇସିଲେଟ ବ୍ଲକ ଅନ୍ତର୍ଗତ ଅଏଳାଭଟା ଗାଁର ଠାକୁର ସାହୁଙ୍କ ଝିଅ କ୍ରୀଷ୍ଣା ପାଟଣାଗଡ ଥାନା ଅନ୍ତର୍ଗତ ନୈନାବନ୍ଦ ଗାଁର ଆଲୋକ ସାହୁ ୨୦୨୨ ରେ ହିନ୍ଦୁ ରୀତି ନୀତି ପରମ୍ପରା ଅନୁସାରେ ବିବାହ କରିଥିଲେ । ତେବେ କିଛି ମାସ ଗଲା ପରେ ଆଲୋଙ୍କ ପରିବାର ଲୋକ ଯୌତୁକ ଦାବି କରି କ୍ରୀଷ୍ଣାକୁ ନିର୍ଯାତନା ଦେବା ଆରମ୍ଭ କରିଥିଲେ । କ୍ରୀଷ୍ଣା କୁ ମାଡ ମରାଯାଉଥିବା ଏବଂ ହତ୍ୟା ଉଦ୍ୟମ କରାଯାଉଥିବା ସେ ଏକ ଭିଡିଓ କରି ନିଜ ବାପା ଘରକୁ ମଧ୍ୟ ପଠେଇଥିଲେ ।

ତେବେ ଆଜି ତାଙ୍କୁ ମାଡ ମରାଯାଇଥିବା ବେଳେ ଗୁରୁତର ଅବସ୍ଥାରେ ପାଟଣାଗଡ ଡାକ୍ତରଖାନାରେ ଭର୍ତି କରଯାଇଥିଲା । ଚିକିତ୍ସିତ ଅବସ୍ଥାରେ କ୍ରୀଷ୍ଣାଙ୍କ ମୃତ୍ଯୁ ହୋଇଥିଲା । କ୍ରୀଷ୍ଣାଙ୍କ ମୃତ୍ଯୁ ପରେ ତାଙ୍କ ବାପ ଘର ଲୋକ ପାଟଣାଗଡ ଥାନାରେ ଏନେଇ ଏତଲା ଦେଇଛନ୍ତି। ପାଟଣାଗଡ ପୋଲିସ ଉକ୍ତ ଗାଁରେ ପହଞ୍ଚି ପ୍ରଥମେ ଅଭିଯୁକ୍ତ ସ୍ବାମୀ ଆଲୋକ ସାହୁ କୁ ଥାନାରେ ଅଟକ ରଖି ପଚରାଉଚରା କରିଥିବା ଜଣା ପଡିଛି।