ଶ୍ଵାସନଳୀରେ ଫସିଲା ହୁଇସିଲ୍, ନିଶ୍ୱାସ ନେବା ବେଳେ ବାଜୁଥିଲା
Key Points
କୁନି ଶିଶୁର ବେକରେ ଫସିଲା ହ୍ୱିସିଲ୍ ।
କଥା କହିଲେ କାଶ ହେଉଥିଲା ।
ନିଶ୍ୱାସ ନେଲେ ବାହାରୁଥିଲା ହ୍ୱିସଲ ଶବ୍ଦ ।
ବାପା-ମାଆ ମେଡିକାଲରୁ ମେଡିକାଲ ବୁଲି ନୟାନ୍ତ ।
ଶେଷରେ ସବୁ ଭଲ କରିଥିଲା ଶିଶୁ ଭବନ ।
ବୟସ ମାତ୍ର ୧୦ । ଭୁଲ ବସତଃ ଗିଳି ଦେଇଥିଲା ହ୍ୱିସିଲ୍ । ନିଶ୍ବାସ ନେଲା ବେଳେ ବାହାରୁଥିଲା ହ୍ୱିସିଲ ଶବ୍ଦ। ବାପା ମାଆ କୁନି ଛୁଆକୁ ଧରି ଏଇ ହସ୍ପିଟାଲରୁ ସେଇ ହସ୍ପିଟାଲ ବୁଲି ନୟାନ୍ତ । ଏମିତିକି ବଡ଼ ମେଡିକାଲ ବି କରିଥିଲା ନିରାଶ । ଶେଷରେ ଶିଶୁ ଭବନ ଦେଇଥିଲା ଆଶ୍ୱସ୍ତି । ଶିଶୁଭବନର ସ୍ୱତନ୍ତ୍ର ଡାକ୍ତରୀ ଟିମ୍ ବ୍ରୋଙ୍କୋସ୍କୋପି କରି କୁନି ଛୁଆର ଛାତିରୁ ବହାର କରିଥିଲା ହୁଇସିଲ୍ ।
ଏହି ସଫଳତା ଶିଶୁଭବନ ପାଇଁ ଏକ ବଡ଼ ଉପଲବ୍ଧି । ଆଉ ଏହି ସଫଳତା ପଛର ସବୁଠାରୁ ବଡ଼ କାରଣ ହେଲା ବ୍ରୋଙ୍କୋସ୍କୋପି । ଏହି ବ୍ରୋଙ୍କୋସ୍କୋପି ଦ୍ୱାରା ଜଣେ କି ଦୁଇ ଜଣ ନୁହେଁ ଅନେକ ଶିଶୁଙ୍କ ବିରଳ ଅସ୍ତ୍ରୋପଚାର କରି ସଫଳତା ପାଇଛି ଶିଶୁଭବନ । ଏହି ବ୍ୟବସ୍ଥା ପୂର୍ବରୁ କେବଳ AIIMରେ ଥିଲା ।
ବ୍ରୋଙ୍କୋସ୍କୋପି ମାଧ୍ୟମରେ ଜଣେ ୩ ମାସର ଶିଶୁ ଖାଦ୍ୟ ନଳିରୁ ଦେବିଙ୍କ ଲକେଟ୍ କଢ଼ାଯିବା ସହ ୪ ବର୍ଷର ଶିଶୁ କନ୍ୟା ଶୁଭଲକ୍ଷ୍ମୀର ଖାଦ୍ୟନଳିରୁ କାନଫୁଲ କଢ଼ାଯାଇଛି । ଖାଲି ସେତିକି ନୁହେଁ ଆଉ ଜଣେ କୁନି ଶିଶୁର ଫୁସ୍ଫୁସ୍ରୁ ଏଲ୍ଇଡି ଲାଇଟ୍ ବାହାର କରାଯାଇଛି । ଏମିତି ଅନେକ ଶିଶୁଙ୍କ ଶ୍ଵାସନଳୀ ଓ ଫୁସ୍ଫୁସ୍ରୁ ଗୁଆ ଖଣ୍ଡ, କାଜୁ, କୋଳି ମଞ୍ଜି, ବାଦାମ, ଅମୃତାଞ୍ଜନ ଖୋଳ, ଲିଚୁ ଲାଇଟ୍, କାନଫୁଲ, ଲକେଟ୍, କଜଳ ଖୋଳ ମଧ୍ୟ କଢ଼ାଯାଇଛି ।
ଏଭଳି ଏହି ସମସ୍ୟା ହେଲେ ଓଡ଼ିଶା ବାହାରକୁ ଯିବାକୁ ପଡ଼ୁଥିଲା । କିନ୍ତୁ ଏବେ କଟକ ଶିଶୁଭବନରେ ଏହାର ପୂର୍ଣ୍ଣ ଉପଚାର ହୋଇପାରଛି । ଯାହାକି ଆମ ରାଜ୍ୟ ପାଇଁ ଏକ ବଡ଼ ଉପଳବ୍ଧି ।
