କଟକ:  ସଡକ ଦୁର୍ଘଟଣାରେ ଭାଉଜ ମୃତ, ଦିଅର ଗୁରୁତର । ତିଗିରିଆ ଥାନା ଅନ୍ତର୍ଗତ ୬୫ ନମ୍ବର ରାଜ୍ୟ ରାଜପଥ ପାଞ୍ଚଗାଁ ବଜାରରେ ମର୍ମନ୍ତୁଦ ସଡକ ଦୁର୍ଘଟଣାରେ ଭାଉଜ ମୃତ ଦିଅର ଗୁରୁତର ‌‌। ବଡ଼ମ୍ବା ଥାନା ଅନ୍ତର୍ଗତ ମଙ୍ଗରାଜପୁର ଗ୍ରାମର କାହ୍ନୁଚରଣ ସାହୁ ଏବଂ ତାଙ୍କ ଭାଉଜ ଉର୍ମିଳା ସାହୁ ମୋଟର ସାଇକେଲ ଯୋଗେ ବଡ଼ମ୍ବାରୁ କଟକ ଅଭିମୁଖେ ଯାଉଥିଲେ । 

ପାଞ୍ଚଗାଁ ବଜାର ଠାରେ ଭାଉଜ ଉର୍ମିଳା ସାହୁ କୌଣସି କାରଣ ବସତଃ ମୋଟରସାଇକେଲ ରୁ ଖସି ପଡ଼ିଥିଲେ । ତେବେ ପଛପଟୁ ଆସୁଥିବା ହାଇଓ୍ବା ତାଙ୍କ ମୁଣ୍ଡ ଉପରେ ଚଢ଼ି ଯାଇଥିଲା । ଘଟଣାସ୍ଥଳରେ ଉର୍ମିଳାଙ୍କର ମୃତ୍ୟୁ ଘଟିଥିବା ବେଳେ ଦିଅର କାହ୍ନୁଚରଣ ଗୁରୁତର ଆହତ ହୋଇଛନ୍ତି । ପୋଲିସ ଘଟଣାସ୍ଥଳରେ ପହଂଚି ହାଇଓ୍ବା ଟ୍ରକକୁ ଜବତ କରିବା ସହିତ ମୃତଦେହକୁ ଜବତ କରି ଶବ ବ୍ୟବଚ୍ଛେଦ ପାଇଁ ଆଠଗଡ଼ ଡାକ୍ତରଖାନାକୁ ପଠାଇ ପୋଲିସ ତଦନ୍ତ ଆରମ୍ଭ କରିଛି ।