ବ୍ରହ୍ମପୁର: ବରଷେ ପରେ ଆସିଥିଲା ରାକ୍ଷୀ । ସବୁ ଭଉଣୀଙ୍କ ପରି ଏ ଭଉଣୀଟି ବି ସ୍ଵପ୍ନ ଦେଖିଥିଲା ଭାଇ ହାତରେ ରାକ୍ଷୀ ବାନ୍ଧିବ, ପ୍ରତି ବଦଳରେ ଭାଇ ତା'ର ମାନ ରଖିବ । ହେଲେ କଳିଯୁଗର କଂସ ଭାଇ ଭଉଣୀର ମାନ ରଖିବ କଣ ବରଂ ଜୀବନ ନେଇଗଲା । ଆଉ ଖବର ବ୍ୟାପିବା ପରେ କେବଳ ବ୍ରହ୍ମପୁର କାହିଁକି, ପୁରା ରାଇଜରେ ଚହଳ ପଡ଼ିଲା...ଲୋକେ କହିଲେ ଭଗବାନ ଭାଇ ନଦେଉ ପଛେ ଏମିତି ଭାଇ କାହାକୁ ନଦେଉ....

ଇଏ ହେଉଛି ସେଇ କୁଳାଙ୍ଗାର ଭାଇ । ଯିଏ ରାକ୍ଷୀ ପରି ପବିତ୍ର ଦିନରେ ଭଉଣୀର ନେଇଯାଇଛି ଜୀବନ । ଆଉ ଇଏ ସେହି ହତଭାଗିନୀ ଭଉଣୀ, ଭାଇ ହାତରେ ରାକ୍ଷୀ ବାନ୍ଧି ପାଇଛି ମୃତ୍ୟୁର ଉପହାର ।

ଆଜି ପବିତ୍ର ରାକ୍ଷୀ ପୂର୍ଣ୍ଣିମା । ଘରେ ଘରେ ଭାଇ ହାତରେ ରାକ୍ଷୀଟିଏ ବାନ୍ଧି ଦେଇ ସାରା ଜୀବନ ପାଇଁ ସରୁକ୍ଷାର ପ୍ରତିଶ୍ରୁତି ନିଏ ଭଉଣୀ ।  ହେଲେ ଆଜି ପରା ଦିନରେ ଭଉଣୀକୁ ଜୀବନରୁ ମାରିଦେଲା ଭାଇ ।  ଛୁରାରେ ବେକ କାଟିଲା । ଏଭଳି ଚାଞ୍ଚଲ୍ୟକର ଘଟଣା ଘଟିଛି ବ୍ରହ୍ମପୁର ନୀମଖଣ୍ଡି ଲୋଚପଡା ଅଞ୍ଚଳରେ । 

ମୃତକ ଜଣଙ୍କ ହେଲେ ପ୍ରଜକ୍ତା ପାଣିଗ୍ରାହି । ବୟସ ମାତ୍ର 13 ବର୍ଷ । ଆଜି ବଡ଼ ବଜାର ଥାନା ଜଗନ୍ନାଥ ବିହାର 7ମ ଲେନ୍ ସ୍ଥିତ ତାଙ୍କ ବଡ ବାପା ଘରକୁ ଯାଇଥିଲା ସମ୍ପର୍କୀୟ ଭାଇ ଆଶୁତୋଷ ପାଣିଗ୍ରାହୀ । ସେଠାରେ ଘରେ ଶ୍ରାଦ୍ଧ ଚାଲିଥିଲା । ଏହାସହ ଭଉଣୀ ହାତରୁ ରାକ୍ଷୀ ବାନ୍ଧିଥିଲା ଭାଇ । 

ଏହି ସମୟରେ ପରିବାର ଲୋକେ ତଳେ ଥିବା ବେଳେ ଉପରେ ପିଲା ମାନେ ଉପରେ ଖେଳୁଥିଲେ । ହଠାତ୍ କୌଣସି କାରଣକୁ ନେଇ ଏମ ଫର୍ମା ପଢୁଥିବା ଆଶୁତୋଷ ପାଣିଗ୍ରାହି ଏକ ଛୁରା ସହାୟତାରେ ଭଉଣୀ ପ୍ରଯକ୍ତା ପାଣିଗ୍ରାହୀଙ୍କ ଉପରକୁ ଛୁରା ମାଡ଼ କରିଥିଲେ । ପରେ ନିଜ ଭାଇ ଆୟୁଷ୍ମାନ ପାଣିଗ୍ରାହିଙ୍କୁ ମଧ୍ୟ ଆକ୍ରମଣ କରିଥିଲା । ଉଭୟଙ୍କୁ ଗୁରୁତର ଅବସ୍ଥାରେ mkcg ମେଡିକାଲକୁ ଅଣାଯାଇଥିଲା । ପ୍ରଜକ୍ତାଙ୍କୁ ଡାକ୍ତର ମୃତ ଘୋଷିତ କରିଥିବାବେଳେ ଆୟୁଷ୍ମାନଙ୍କ ଅବସ୍ଥା ଗୁରୁତର ଥିବାରୁ ତାଙ୍କୁ ଭୁବନେଶ୍ବର ଘରୋଇ ମେଡିକାଲକୁ ପଠାଇ ଦିଆଯାଇଛି ।

ସେପଟେ ଆକ୍ରମଣକାରୀ ଆଶୁତୋଷ ପାଣିଗ୍ରାହୀ ହିଞ୍ଜିଳିକାଟୁରୁ ଉଦ୍ଧାର ହୋଇଛି । ପୋଚିଲିମା ନିକଟରେ ଏକ ବସ୍ ଦୁର୍ଘଟଣାରେ ଆହତ ହୋଇ ରାସ୍ତାରେ ପଡ଼ିଥିଲେ । ସ୍ଥାନୀୟ ଲୋକେ ଉଦ୍ଧାର କରି ହିଞ୍ଜିଳିକାଟୁ ମେଡିକାଲରେ ଭର୍ତ୍ତି କରିଥିଲେ । ପରେ ତାଙ୍କୁ ଉଦ୍ଧାର କରି ବ୍ରହ୍ମପୁର ମେଡ଼ିକାଲକୁ ଅଣାଯାଇଛି । ହେଲେ ଏ ଆକ୍ରମଣର କାରଣ ଜମାଡିନଥିବାବେଳେ ଆଜି ପରା ଦିନରେ ଏ ଅଘଟଣ ସମସ୍ତଙ୍କୁ ଆଶ୍ଚର୍ଯ୍ୟ କରିଛି ।