କଟକ ବାଦାମବାଡ଼ିରେ ସ୍କୁଟିକୁ ପିଟିଲା ବସ୍ । ବସ୍ ତଳେ ଚାପି ହୋଇଗଲା ସ୍କୁଟି । ଫଳରେ ସ୍କୁଟି ଚାଳକ ଗୁରୁତର ହୋଇପଡିଛନ୍ତି । ଚିକିତ୍ସା ପାଇଁ ବଡ଼ ମେଡିକାଲରେ ତାଙ୍କୁ ଭର୍ତ୍ତି କରାଯାଇଛି । ମାଆ ତାରିଣୀ ନାମକ ଘରୋଇ ବସ୍ ଏହି ଦୁର୍ଘଟଣା ଘଟାଇଛି । ଦୁର୍ଘଟଣା ପରେ ବସ ଚାଳକକୁ ଅଟକ ରଖିଛି ପୋଲିସ ।

ସେହିପରି କେନ୍ଦୁଝର ଆନନ୍ଦପୁରରେ ମଧ୍ୟ ଏକ ଦୁର୍ଘଟଣା ଘଟିଛି । ଜାତୀୟ ରାଜପଥ ୨୦ରାମଚନ୍ଦ୍ରପୁର ଥାନା ହସନପୁର ନିକଟରେ ଟ୍ରକ ପଛ ପଟେ ଧକ୍କା ଦେଲା କାର । ଦୁର୍ଘଟଣାରେ କାର ଚାଳକ ଗୁରୁତର। ଜାତୀୟ ରାଜପଥ ୨୦ ହସନପୁର ଟୋଲ ପ୍ଲାଜା ନିକଟରେ ଆଗରେ ଯାଉଥିବା ଏକ ଟ୍ରକକୁ ଦ୍ରୁତ ଗତିରେ ଆସୁଥିବା ଏକ କାର ଧକ୍କା ଦେଇଥିଲା । ଦୁର୍ଘଟଣାରେ କେନ୍ଦୁଝର ଜିଲ୍ଲା ମୁଖ୍ୟ ଚିକିତ୍ସାଳୟର ଭେଷଜ ବିଶେଷଜ୍ଞ ଜଗନ୍ନାଥ ପ୍ରଧାନ ଗୁରୁତର ହୋଇଛନ୍ତି । ଗୁରୁତର ଅବସ୍ଥାରେ ତାଙ୍କୁ ଆନନ୍ଦପୁର ମେଡିକାଲରେ ଭର୍ତ୍ତି କରାଯାଇଛି । ଘଟଣାର ଖବର ପାଇ ପୋଲିସ ଉଭୟ ଗାଡିକୁ ଜବତକୁ ନେବା ସହିତ ତଦନ୍ତ ଆରମ୍ଭ କରିଛି ।