ରାୟଗଡ଼ା: ଭୋର୍ ସମୟରେ ଦୁର୍ଘଟଣା । ଘାଟିରେ ଓଲଟିଲା ଯାତ୍ରୀବାହୀ ବସ୍ । ବସ୍ ଓଲଟିବାରୁ ୩ ଜଣ ଯାତ୍ରୀ ଗୁରୁତର ଆହତ ହୋଇଥିବା ବେଳେ ୨୩ ଜଣ ଯାତ୍ରୀ ସାମାନ୍ୟ ଆହତ ହୋଇଛନ୍ତି । ଗୁରୁତର ଯାତ୍ରୀଙ୍କୁ ଆମ୍ବୁଲାନ୍ସ ଯୋଗେ ରାୟଗଡ଼ା ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଛି । ଆହତ ମାନଙ୍କ ଚିକିତ୍ସା କରାଯାଉଛି ।

ବ୍ରହ୍ମପୁର ହିଞ୍ଜିଳିକାଟରୁ ରାୟଗଡ଼ା ଟିକିରି ଅଭମୁଖେ ଆସୁଥିବା ତୋଫାନ ବସ୍ କୋଲନରା ବ୍ଲକ ମୁକୁନ୍ଦୁପୁର ଘାଟିରେ ଭୋର୍ ସମୟରେ ଓଲଟି ପଡ଼ିଥିଲା । ବସ୍‌ରେ ପ୍ରାୟ ୪୫ରୁ ଅଧିକ ଯାତ୍ରୀ ଥିବା ଜଣାପଡ଼ିଛି । ଘାଟିର ବୁଲାଣିରେ ଟର୍ଣ୍ଣିଂ ବେଳେ ବସ୍‌ଟି ଭାରସାମ୍ୟ ହରାଇ ଓଲଟି ପଡ଼ିଛି । ତେବେ ବସ୍‌ର ଡ୍ରାଇଭର ଠିକ୍ ଭାବେ ଗାଡ଼ି ଚାଳନା କରୁ ନଥିବା ଯାତ୍ରୀ ଅଭିଯୋଗ ଆଣିଛନ୍ତି ।