ଆସନ୍ତାକାଲିଠାରୁ ରାଜ୍ୟରେ ସ୍ୱାଭାବିକ ହେବ ଘରୋଇ ବସ୍ ଚଳାଚଳ। ଏନେଇ ବଡ଼ ଘୋଷଣା କରିଛି ରାଜ୍ୟ ବସ୍ ମାଲିକ ସଂଘ । ପୁରୀରେ ବସିଥିବା ରାଜ୍ୟ ଘରୋଇ ବସ୍ ମାଲିକ ସଂଘର ବୈଠକରେ ବଡ଼ ନିଷ୍ପତ୍ତି ନିଆଯାଇଛି । କାଲିଠାରୁ ରାଜ୍ୟର ସବୁ ଘରୋଇ ବସ୍ ଚଳାଚଳ କରିବ । ରାସ୍ତାରେ କୌଣସି ସ୍ଥାନରେ ବସକୁ ଅବରୋଧ କରାଗଲେ ଆଇନର ନିଆଯିବ ଆଶ୍ରୟ । ସରକାର ସୁରକ୍ଷା ଯୋଗାଇ ଦେବାକୁ ସଂଘ ପକ୍ଷରୁ ଆବେଦନ କରାଯାଇଛି ।

ଡ୍ରାଇଭର ମହାସଂଘ ଧର୍ମଘଟକୁ ଆଉ ସମର୍ଥନ ଜଣାଇବେ ନାହିଁ ଘରୋଇ ବସ୍ ମାଲିକ ସଂଘ । ଧର୍ମଘଟର ସମାଧାନ ହେଉନଥିବାରୁ ବସ୍ ଚଳାଚଳ ବନ୍ଦ ରହିଥିବାରୁ ମାଲିକ କ୍ଷତି ସହୁଛନ୍ତି । ଯାତ୍ରୀଙ୍କ ଯାତାୟାତ ବାଧାପ୍ରାପ୍ତ ହୋଇଥିବାରୁ ଏହାକୁ ମଧ୍ୟ ନଜରକୁ ନେଇଛି ବସ୍ ମାଲିକ ସଂଘ । ତେଣୁ କାଲିଠୁ ଘରୋଇ ବସ୍ ଚଳାଚଳ ଆରମ୍ଭ କରିବାକୁ ସଂଘ ନିଷ୍ପତ୍ତି ନେଇଛି ।

୭ ଦଫା ଦାବି ନେଇ ଲାଗାତାର ୪ ଦିନ ହେଲା ଗାଡ଼ି ଚଳାଚଳ ବନ୍ଦ କରିଛି ଡ୍ରାଇଭର ମହାସଂଘ । ମନ୍ତ୍ରୀଙ୍କ ସହ ଆଲୋଚନା ପରେ ବି ବାହାରିନଥିଲା ନିଷ୍କର୍ଷ । ଡ୍ରାଇଭରଙ୍କ ୭ ଦଫା ଦାବି ପୂରଣ ନହେବା ଯାଏଁ ଧାରଣାରୁ ନଉଠିବାକୁ ଚେତାବନୀ ଦେଇଥିଲା ମହାସଂଘ । ଫଳରେ ସାଧାରଣ ଜନତା ନାହିଁନଥିବା ହଇରାଣ ହେବା ସହ ଜରୁରି ସାମଗ୍ରୀ ଠିକଣା ଜାଗାରେ ପହଞ୍ଚିବାରେ ମଧ୍ୟ ସମସ୍ୟା ହେଉଥିଲା ।