ଛେଣ୍ଡିପଦା: ମୁଖ୍ୟ କେନାଲ ବନ୍ଧ ଭାଙ୍ଗିବାରୁ ଗାଁରେ ପାଣି ପଶିଥିବା ବେଳେ ଏକର ଏକର ଜମି ବାଲିଚର ହୋଇଛି । ଅନୁଗୁଳ ଜିଲ୍ଲା ଛେଣ୍ତିପଦା ବ୍ଲକ କର୍ଣ୍ଣପାଳ ଗାଁରେ ଭାଙ୍ଗି ଯାଇଛି ଆଉଁଳି ନଦୀର ମୁଖ୍ୟ କେନାଲ ବନ୍ଧ । ଫଳରେ ସୃଷ୍ଟି ହୋଇଛି ୨୫ ଫୁଟ୍‌ର ଘାଇ । ବନ୍ଧ ଭାଙ୍ଗିବା ପରେ କେନାଲ ପାଣି ଚାଷ ଜମିକୁ ମାଡ଼ି ଯାଇଥିବାରୁ ଫସଲ ମଧ୍ୟ ନଷ୍ଟ ହୋଇଛି ।

ତଳ ମୁଣ୍ଡରେ ଥିବା ଗାଁରେ ପାଣି ପଶିଛି । ଗାଁ ଦାଣ୍ଡରେ ଚାଲିଛି ପ୍ରାୟ ୨ଫୁଟ୍ ଉଚ୍ଚର ପାଣି । ୧୦୦ ଏକରରୁ ଅଧିକ ଧାନ ଓ ଅନ୍ୟ ଫସଲ ହୋଇଥିବା ଜମି ବାଲିଚର ହୋଇ ସାରିଲାଣି । ତେବେ ନିମ୍ନମାନର କେନାଲ ମରାମତି କରାଯାଇଥିବାରୁ ବନ୍ଧ ଭାଙ୍ଗିଥିବା ଅଭିଯୋଗ କରିଛନ୍ତି ଗ୍ରାମବାସୀ ଓ ଚାଷୀ ।