ଯାଜପୁର: ନାଁ ଦେବକୀ ମଲ୍ଲିକ । ବୟସ ମାତ୍ର 23 ବର୍ଷ । ଘର ପରିବାର ସାଙ୍ଗସାଥୀ ମେଳରେ ଜୀବନ ବେଶ ଖୁସିରେ ଚାଲିଥିଲା । ହେଲେ ହଠାତ୍ ରକ୍ତ କର୍କଟରେ ପୀଡିତ ହୁଅନ୍ତି ଦେବକୀ । ମୁଣ୍ଡ ଉପରେ ଚଡକ ପଡେ । କେମିତି ଚିକିତ୍ସା ହେବ । କେଉଁଠୁ ପଇସା ଆସିବ । ଏ ସବୁ ଚିନ୍ତାରେ ପୁରା ପରିବାର । ଭାଙ୍ଗିପଡନ୍ତି ଦେବକୀ ।

ଯାଜପୁର ଦାନଗାଡି ବ୍ଲକ ଦାନିଆବାର ଗାଁ । ଏହି ଗାଁର ସ୍ୱର୍ଗତ ସୁବାସ ମଲ୍ଲିକଙ୍କ ଝିଅ ଦେବକୀ । ବାପା ଆରପାରିକୁ ଚାଲିଯାଇଥିବାବେଳେ ବିଧବା ମା ଝିଅକୁ କେମିତି ବଞ୍ଚାଇବ ସେହି ଚିନ୍ତାରେ ଦିନ ରାତି କଟୁଛି । ସେପ୍ଟେମ୍ବର 2023 ରୁ ସେ ବ୍ଲଡ କ୍ୟାନସରରେ ଆକ୍ରାନ୍ତ । ବଡ କଷ୍ଟେ ମଷ୍ଟେ ତାଙ୍କ ଚିକିତ୍ସା ଚାଲିଛି । ଦେବକୀଙ୍କର କିଛି ସାଙ୍ଗ ତାଙ୍କୁ ସାହାଯ୍ୟର ହାତ ବଢାଇଛନ୍ତି । ଫଳରେ ଏତିକି ଚିକିତ୍ସା ହୋଇପାରିଛି ।

ଏବେ ଡାକ୍ତର କହୁଛନ୍ତି ତାଙ୍କୁ ଦିଲ୍ଲୀ ଏମ୍ସ ନେବାକୁ ପଡିବ ଚିକିତ୍ସା ପାଇଁ । ଅପରେସନ ପାଇଁ ପାଖାପାଖି 20 ରୁ 30 ଲକ୍ଷ ଟଙ୍କା ଦରକାର । ଏନେଇ ସେ ଭିଡିଓ ମାଧ୍ୟମରେ ତାଙ୍କୁ ସାହାଯ୍ୟ ପାଇଁ ଆକୁ ନିବେଦନ କରିଛନ୍ତି । ଯଦି କୌଣସି ସହୃଦୟ ବ୍ୟକ୍ତି ତାଙ୍କୁ ସାହାଯ୍ୟ କରିବାକୁ ଚାହାଁନ୍ତି ତେବେ ଦିଆଯାଇଥିବା ଆକାଉଣ୍ଟରେ ସାହାଯ୍ୟ କରିପାରିବେ ।

Name_ Debaki Malik
Ac_ 50100469765733
IFSC_ HDFC0004705
HDFC BANK

ଏହାସହ ତାଙ୍କ ସହ ଯୋଗାଯୋଗ କରିବାକୁ ଚାହୁଁଥିଲେ ଦେବକୀଙ୍କ ଭାଇ ଲିପୁ ମଲ୍ଲିକଙ୍କ ସହ ସଂପର୍କ କରିପାରିବେ । ତାଙ୍କ ନମ୍ବର ହେଉଛି (7735384418 ) । ଏବଂ Phone pe_ ନମ୍ବର ହେଉଛି ( 7735272220 ) ।

Argus News | argus news | -Argusnews Home: Odisha Latest News, Breaking News, Trending News, Live TV and more