ସ୍ୱାସ୍ଥ୍ୟ ସେବାର ବିକଳ ଚିତ୍ର । ମୋବାଇଲ ଟର୍ଚ୍ଚ ଲାଇଟ୍‌ରେ ଦିଆଗଲା କେମୋ ଥେରାପି । ଟର୍ଚ୍ଚ ଲାଇଟରେ ୩ ଘଣ୍ଟା ରହିଲେ କ୍ୟାନସର ରୋଗୀ । ବୁର୍ଲା ଭୀମସାର୍‌ରେ ଦେଖିବାକୁ ମିଳିଛି ଏ ସାଂଘାତିକ ଅବ୍ୟବସ୍ଥା । ବିନା ପ୍ରାକ୍ ସୂଚନାରେ ଲାଇନ କାଟିଦେଲା ବିଭାଗ । ଆଉ ଏମିତି ସ୍ଥିତି ଉପୁଜିଲା ଯେ, ମୋବାଇଲ ଟର୍ଚ୍ଚ ଲାଇଟ୍ ଜରିଆରେ କେମୋ ଥେରାପି ନେଇଛନ୍ତି ରୋଗୀ । ଆଉ ଏଇଟା ବି ଦିନ ଦି ପ୍ରହରରେ । ମଧ୍ୟାହ୍ନ ୧୨ଟାରୁ ଅପରାହ୍ନ ୩ଟା ପର୍ଯ୍ୟନ୍ତ ଏହି ଘଟଣା ଘଟିଥିଲା ।

ପ୍ରାୟତଃ କେମୋ ନେଲା ପରେ ଶରୀରରେ ପାର୍ଶ୍ବ ପ୍ରତିକ୍ରିୟା ଦେଖାଯାଏ । ଶରୀରରେ ଗରମ ଅନୁଭୂତ ହେବା ସହ ଜଳାପୋଡ଼ା ବି ହୁଏ । ହେଲେ ବିନା ଲାଇନରେ ରୋଗୀଙ୍କୁ ୩ ଘଣ୍ଟା ରଖାଯିବା କେତେ ଦୂର ଠିକ୍ । ଭୀମସାରରେ ଏ କି ଅବ୍ୟବସ୍ଥା । ଏହାକୁ ନେଇ ସୃଷ୍ଟି ହୋଇଛି ପ୍ରଶ୍ନବାଚୀ । ଏ ବିଷୟରେ ତଦନ୍ତ କରାଯିବା ସହ କାର୍ଯ୍ୟାନୁଷ୍ଠାନ ପାଇଁ ସାଧାରଣରେ ଦାବି ହୋଇଛି ।