ରାଜଧାନୀ ବାୟୁରେ ବିଷ । କମିଛି ଭୁବନେଶ୍ବର ବାୟୁର ଗୁଣବତ୍ତା । ୩୭୦ ପାର କଲା ରାଜଧାନୀର AIR QUALITY INDEX । ଦିଲ୍ଲୀ ପରି ଭୁବନେଶ୍ୱରର ହେବନି ତ ପରିସ୍ଥିତି । ସଚେତନ ନ ହେଲେ ପ୍ରଦୂଷଣରେ ଅଣନିଶ୍ବାସୀ ହେବ ରାଜଧାନୀ ।

ଗୁରବାର ୩୭୦ ପାର କରିଛି ରାଜଧାନୀର AQI ।କଳିଙ୍ଗ ହସ୍ପିଟାଲ ପାଖରେ ସର୍ବାଧିକ ୩୭୭ ପାର । ସଚେତନ ନ ହେଲେ ପ୍ରଦୂଷଣରେ ଅଣନିଶ୍ଵାସୀ ହେବ ରାଜଧାନୀ । ଶୀତ ଦିନରେ ହେଉଥିବା ପ୍ରଦ୍ୟୁଷଣ ବର୍ତ୍ତମାନ ଚିନ୍ତାର କାରଣ ପାଲଟିଛି ।

ରାଜଧାନୀ ଭୁବନେଶ୍ଵରର ବିଭିନ୍ନ ସ୍ଥାନର AQI ବଢାଇଛି ଚିନ୍ତା । DAV ୟୁନିଟ ୮ରେ AQI ସ୍ତର ୩୫୭ ଥିବା ବେଳେ ମଞ୍ଚେଶ୍ୱରରେ AQI ୩୨୯ ରହିଛି । ସେମିତି ମାଷ୍ଟର କ୍ୟାଣ୍ଟିନରେ ୩୫୧, ରମାଦେବୀ କଲେଜ ପାଖରେ ୩୬୦, ଇମ୍ଫୋସିଟିରେ ୩୪୬, କିଟ୍‌ ୩୫୪ ଲିଙ୍ଗରାଜ ମନ୍ଦିର ପାଖରେ ୩୪୮, କଳିଙ୍ଗ ହସ୍ପିଟାଲ ପାଖରେ ସର୍ବାଧିକ ୩୭୭ ରହିଛି ।

ଏଥିସହ ପଢ଼ନ୍ତି: ଇଂରାଜୀ ନବବର୍ଷ ପାଇଁ ସବୁ ମନ୍ଦିରରେ ଭକ୍ତଙ୍କ ପ୍ରବଳ ଭିଡ଼
 
ରାଜଧାନୀରେ ବାୟୁ ପ୍ରଦୂଷଣ ନିୟନ୍ତ୍ରଣ ପାଇଁ ସ୍ବତନ୍ତ୍ର ଯୋଜନା ହୋଇନି । ଏପଟେ ଲୋକ ସଚେତନ ହେଉନାହାନ୍ତି । ବହୁ ସଂଖ୍ୟାରେ ଯାନବାହାନ ଚଳାଚଳ, ବ୍ୟବସାୟିକ ପ୍ରତିଷ୍ଠାନ ଓ ଘରୋଇ ପ୍ରତିଷ୍ଠାନ, ଦୃତ ସହରୀକରଣ ଏବଂ ବେଲଗାମ ଚାଲିଥିବା ନିର୍ମାଣ କାମ ଦ୍ଵାରା ବଢୁଛି ପ୍ରଦୂଷଣ । ତେଣୁ ପ୍ରଦୂଷଣ ନିୟନ୍ତ୍ରଣ ପାଇଁ ଏକ ଦୀର୍ଘ ସ୍ଥାୟୀ ଯୋଜନାର ଆବଶ୍ୟକତା ରହିଛି।

ସଚେତନ ନହେଲେ ପ୍ରଦୂଷଣରେ ଅଣନିଶ୍ବାସୀ ହେବ ରାଜଧାନୀ । ଆଗକୁ ଭୁବନେଶ୍ଵର ସ୍ଥିତି ଦିଲ୍ଲୀ ପରି ହୋଇଯିବ ବୋଲି ଆକଳନ କରିଛନ୍ତି ପରିବେଶବିତ୍ ।
ସେପଟେ ଦିଲ୍ଲୀରେ ଦିନକୁ ଦିନ ବିଗିଡ଼ିବାରେ ଲାଗୁଛି ସ୍ଥିତି । ଦିଲ୍ଲୀ-ଏନସିଆରରେ ବଢ଼ୁଥିବା ପ୍ରଦୂଷଣକୁ ଦୃଷ୍ଟିରେ ରଖି ଦିଲ୍ଲୀ ସରକାର ଏକ ବଡ଼ ଘୋଷଣା କରିଛନ୍ତି। ଗୁରୁବାରଠାରୁ ଦିଲ୍ଲୀର ସମସ୍ତ ସରକାରୀ ଏବଂ ବେସରକାରୀ ପ୍ରତିଷ୍ଠାନରେ ୫୦ ପ୍ରତିଶତ କର୍ମଚାରୀ ଘରୁ କାମ କରିବା ବାଧ୍ୟତାମୂଳକ କରାଯାଇଛି । ପ୍ରଦୂଷଣ ସ୍ତର ଏବଂ ରାସ୍ତାରେ ଯାନବାହାନ ସଂଖ୍ୟା ହ୍ରାସ କରିବା ପାଇଁ ଏହି ନିଷ୍ପତ୍ତି ନିଆଯାଇଛି। ନିୟମ ଉଲ୍ଲଂଘନ କରୁଥିବା ସଂସ୍ଥାଗୁଡ଼ିକୁ ଭାରୀ ଜରିମାନା ଦେବାକୁ ପଡିବ ।
GRAP-3 ନିୟମ ଅନୁଯାୟୀ ଲାଗୁ ହୋଇଥିବା ନିର୍ମାଣ ନିଷେଧ ଦ୍ୱାରା ପ୍ରଭାବିତ ପଞ୍ଜିକୃତ ନିର୍ମାଣ ଶ୍ରମିକଙ୍କୁ ଦିଲ୍ଲୀ ସରକାର ୧୦ ହଜାର ଟଙ୍କ କ୍ଷତିପୂରଣ ପ୍ରଦାନ କରିବେ ।