Argus News - CCRASର 'ଆୟୁର୍ବେଦୀୟ ପାଣ୍ଡୁଲିପି ଲିପ୍ୟନ୍ତରଣ ଦକ୍ଷତା ବିକାଶ କର୍ମଶାଳା'

କେନ୍ଦ୍ରୀୟ ଆୟୁର୍ବେଦୀୟ ବିଜ୍ଞାନ ଅନୁସନ୍ଧାନ ପରିଷଦ, ଆୟୁଷ ମନ୍ତ୍ରଣାଳୟ, ଭାରତ ସରକାର, ରାଷ୍ଟ୍ରୀୟ ପାଣ୍ଡୁଲିପି ମିଶନ, କଳା ଓ ସଂସ୍କୃତି ମନ୍ତ୍ରଣାଳୟ, ନୂଆଦିଲ୍ଲୀ, ଭାରତ ସରକାରର ସହଯୋଗରେ "ଆୟୁର୍ବେଦୀୟ ପାଣ୍ଡୁଲିପି ଲିପ୍ୟନ୍ତରଣ ଦକ୍ଷତା ବିକାଶ କାର୍ଯ୍ୟଶାଳା ଆୟୋଜନ କରୁଛି । ଏହି କାର୍ଯ୍ୟଶାଳା ୧୩ ମାର୍ଚରୁ ୨୪ ମାର୍ଚ ୨୦୨୫ ପର୍ଯ୍ୟନ୍ତ Ccras ଅଧିନସ୍ଥ କେନ୍ଦ୍ରୀୟ ଆୟୁର୍ବେବ ଅନୁସନ୍ଧାନ ସଂସ୍ଥାନ, ଭୁବନେଶ୍ୱରରେ ଅନୁଷ୍ଠିତ ହେବ'' ।

ଯୁବା ଆୟୁର୍ବେଦ ଗବେଷକ ମାନଙ୍କୁ ଆୟୁର୍ବେଦ ପାଣ୍ଡୁଲିପି ପଢ଼ିବା, ଲିପ୍ୟନ୍ତରଣ ଓ ପ୍ରକାଶନ କରିବାରେ ସାହାଯ୍ୟ କରିବା ଏହି କାର୍ଯ୍ୟଶାଳାର ମୂଳ ଲକ୍ଷ୍ୟ । ଓଡ଼ିଶାର ପ୍ରାୟ ୪୦ ଆୟୁର୍ବେଦ ଗବେଷକ ଓ ସଂସ୍କୃତ ସ୍କଲାରମାନେ ଏହି କାର୍ଯ୍ୟଶାଳାରେ ବିଶେଷଜ୍ଞମାନଙ୍କ ଦ୍ଵାରା ପ୍ରବୀଣତା ହାସଲ କରିବେ । ଏହି କାର୍ଯ୍ୟଶାଳା ହାରା ଆୟୁର୍ବେଦ ସମ୍ବିତ ଜ୍ଞାନର ବିକାଶ ହୋଇପାରିବ ।

କେନ୍ଦ୍ରୀୟ ଆୟୁର୍ବେଦୀୟ ବିଜ୍ଞାନ ଅନୁସନ୍ଧାନ ପରିଷଦ, ଆୟୁର୍ବେଦୀୟ ଲେଖାବଳୀ ଏବଂ ଦୁର୍ଲଭ ପୁସ୍ତକ ଗୁଡିକର ପୁନରୁଦ୍ଧାର ଏବଂ ସଂରକ୍ଷଣ କରିବାରେ ବିଶେଷ ଭୂମିକା ନିର୍ବାହନ କରିଆସୁଛି । ଏପର୍ଯ୍ୟନ୍ତ ୯୪ଟି ବହି ପ୍ରକାଶିତ କରିଛି ଏବଂ ଅତି ପ୍ରାଚୀନ ହସ୍ତଲିଖିତ ପୁସ୍ତକଗୁଡିକୁ ସଂରକ୍ଷଣ କରିବା ପାଇଁ ଡିଜିଟାଲ୍ ପ୍ଲାଟଫର୍ମ ଯଥା 'ଆୟୁଷ ମାନୁସ୍କ୍ରିପ୍ଟସ୍ ଏଡଭାନ୍ସ ରିପୋଜିଟୋରି' (AMAR) ଏବଂ ଶୋକେସ୍ ଅଫ୍ ଆୟୁର୍ବେଦ ହିସ୍ଟୋରିକାଲ୍ ଇମ୍ପ୍ରିଣ୍ଟ୍ସ (SAHI)ର ନିର୍ମାଣ କରିଛି ।

ଭାରତ ସରକାରଙ୍କର 'ଜ୍ଞାନ ଭାରତ ମିଶନ' ଅନୁସରଣରେ ଏହି କାର୍ଯ୍ୟଶାଳା ଆୟୁର୍ବେଦୀୟ ଜ୍ଞାନକୁ ସୁରକ୍ଷିତ ଓ ପ୍ରସାର ତଥା ଗବେଷଣା ପ୍ରବୃତ୍ତିକୁ ସୁଦୃଢ଼ କରିବାରେ ମହତ୍ୱପୂର୍ଣ୍ଣ ଭୂମିକା ଗ୍ରହଣ କରିବ ।

ପ୍ରଫେସର୍ (ବୈଦ୍ୟ) ରବିନାରାୟଣ ଆଚାର୍ଯ୍ୟ, ମହାନିର୍ଦ୍ଦେଶକ, CCRAS କହିଛନ୍ତି "ଓଡ଼ିଶାରେ ହସ୍ତଲିଖିତ ପୁସ୍ତକ ମାନଙ୍କର ଭଣ୍ଡାର ରହିଛି । ଶିକ୍ଷାର୍ଥୀମାନେ ଅନୁବାଦ କ୍ଷମତାରେ ପ୍ରଶିକ୍ଷିତ ହେବା ସହିତ ଆମେ କେବଳ ଏହି ଜ୍ଞାନକୁ ସଂରକ୍ଷଣ କରିବା ନୁହେଁ, ବରଂ ଏହାକୁ ଆଧୁନିକ ଗବେଷଣା ଓ ଚିକିତ୍ସା ପ୍ରଣାଳୀରେ ଏକତ୍ର କରୁଛୁ । ଏହି ପ୍ରୟାସ ଆମର ପ୍ରାଚୀନ ଚିକିତ୍ସା ଧାରାକୁ ପୁନଃ ଜୀବିତ କରିବାରେ ଏକ ପଦକ୍ଷେପ ।”

ଦେଶରେ ଏହି ପ୍ରକାରର କାର୍ଯ୍ୟଶାଳା ଅନୁଷ୍ଠିତ କରି, CCRAS ଆୟୁର୍ବେଦୀୟ ଜ୍ଞାନର ସାମାଜିକ ଲାଭ ପାଇଁ ପଦକ୍ଷେପ ନେବା ସହିତ ଗବେଷଣାକୁ ସୁଦୃଢ଼ କରିବାକୁ ପ୍ରତିବଦ୍ଧ ରହିଛି ।