ସାମ୍ନାକୁ ଆସିଲା ରାଉରକେଲାରେ ଦୋକାନୀକୁ ଗୁଳିମାଡ଼ ସମୟର ସିସିଟିଭି ଫୁଟେଜ୍ । ଦୋକାନକୁ ଆସି ପ୍ରଥମେ ଦୁର୍ବୃତ୍ତ ଜଣଙ୍କ ବନ୍ଧୁକ ଦେକାଇ ଭୟଭୀତ କରାଇଥିଲା । ଟଙ୍କା ଦେବାକୁ ଅମଙ୍ଗ ହେବାରୁ ଦୋକାନୀ ଶଙ୍କର ସାହୁଙ୍କୁ ଗୁଳିମାଡ଼ କରୁଥିବା ଭିଡିଓରେ ଦେଖାଯାଇଛି । ଗୁଳିମାଡ଼ରେ ଦୋକାନୀ ଶଙ୍କରଙ୍କ ସହ ଜଣେ ଗ୍ରାହକଙ୍କୁ ଗୁଳି ବାଜିଛି ।.ଗତ ୧୬ ତାରିଖ ସନ୍ଧ୍ୟାରେ ଘଟିଥିଲା ଘଟଣା । ଦୁର୍ବୃତ୍ତ ଆସି ଦୋକାନୀକୁ ଟଙ୍କା ମାଗିଥିଲା । ଟଙ୍କା ଦେବାକୁ ମନା କରିବାରୁ ଗୁଳିମାଡ଼ କରି ଫେରାର ହୋଇଯାଇଥିଲେ ।

ସିସିଟିଭି ଫୁଟେଜରେ ଦୋକାନୀକୁ ତିନି ରାଉଣ୍ଡ ଗୁଳିମାଡ଼ କରିଥିବା ଦେଖାଯାଇଛି । ଦୋକାନୀ ଜଣଙ୍କର ଛାତି ତଳେ ଗୁଳି ବାଜିଥିଲାବେଳେ ସେ ଏବେ ମେଡିକାଲରେ ଚିକିତ୍ସାଧୀନ ଅବସ୍ଥାରେ ଅଛନ୍ତି । ଅନ୍ୟ ଜଣେ ଗ୍ରାହକଙ୍କ ଗୋଡ଼ରେ ମଧ୍ୟ ବାଜିଥିଲା ଗୁଳି । ପୋଲିସ୍ ସିସିଟିଭି ଫୁଟେଜ୍ ଆଧାରରେ ଘଟଣାର ତଦନ୍ତ ଚଳାଇଛି ।