ପୁଣି ଫେରିବ ରାମୁ ହାତୀ... ଅସ୍ଥି ପାଇବ ନୂଆ ପରିଚୟ I ୭ ଦିନ ପରେ କେମିକାଲ ଟାଙ୍କିରୁ ବାହାରିଲା ରାମୁ ଖପୁରି,ହାଡ଼ ଓ କଙ୍କାଳ । ତେବେ ରାମୁ ପରି ବିଶାଳକାୟ ଶରୀର ଥିବା ବଡ଼ ଦାନ୍ତ ଥିବା ହାତୀ ଆଉ ଓଡ଼ିଶାରେ ନାହାନ୍ତି , ଯେଉଥିପାଇଁ ସଂଗ୍ରହାଳୟରେ ରାମୁ ହାତୀ କଙ୍କାଳକୁ ପର୍ଯ୍ୟଟକ ମାନଙ୍କ ପାଇଁ କରାଯିବ ପଦର୍ଶନ ।

ସୂଚନାନୁଯାୟୀ ୭ ଦିନ ପରେ କେମିକାଲ ଟାଙ୍କିରୁ ବାହାରିଲା ରାମୁ ହାଡ଼ । ହାଡ଼ ନଷ୍ଟ ନ ହେବା ପାଇଁ ଫରମାଳିନରେ ବୁଡା ଯାଇ ରଖାଯାଇଥିଲା । ହାଡ଼ ଶୁଖିବା ପରେ ରାମୁ ଅସ୍ଥିକୁ କରାଯିବ ମରାମତି । ଏହାପରେ ଅସ୍ଥିକୁ ଯୋଡା ଯାଇ ସମ୍ପୂର୍ଣ୍ଣ ରୂପ ଦିଆଯିବ । ଯାହାକୁ ପର୍ଯ୍ୟଟକ ମାନେ ଦେଖିପାରିବେ ।

ରବିବାର ବନବିଭାଗ, ସେନକ ହେଲପ ଲାଇନ ସହିତ ଡାକ୍ତରୀ ଟିମ୍ ଦ୍ଵାରା ରାମୁ ଖପୁରି ସହିତ କଙ୍କାଳକୁ କେମିକାଲ ଟାଙ୍କିରୁ ବାହାର କରାଯାଇ ଖରାରେ ସୁଖାଗଲା । ଯାହା ପରେ ଆରମ୍ଭ ହେବ ହାଡ଼ ଯୋଡ଼ିବା ପକ୍ରିୟା I ହାଡ଼ ଶୁଖିବା ପରେ ଭାଙ୍ଗି ଯାଇଥିବା କଙ୍କାଳକୁ ମରାମତି କରାଯିବ । ଖୁବ୍ ଶୀଘ୍ର ସମ୍ପୂର୍ଣ୍ଣ ଅସ୍ଥିକୁ ଯୋଡା ଯାଇ ନୂଆ ରୂପ ଦିଆଯିବ ।

ଡିସେମ୍ବର ୧୨ରେ ଚନ୍ଦକା ଜଙ୍ଗଲ ମାଟି ତଳୁ ସମସ୍ତ କଙ୍କାଳକୁ ବାହାର କରାଯାଇ ସ୍ଵତନ୍ତ୍ର କେମିକାଲ ଭିତରେ କରାଯଇଥିଲା ସରଂକ୍ଷଣ । ହେଲେ ଅସ୍ଥି ସଂରକ୍ଷଣରେ ପ୍ରତିବନ୍ଧକ ସାଜିଥିଲା ପଲଙ୍କ ଦନ୍ତା ହାତୀ । ରାମୁ ହାତୀର ଅସ୍ଥି ସଂରକ୍ଷଣ ପାଇଁ ଥିବା ସେଡକୁ ବହୁ ବାର ଭାଙ୍ଗି ଦେଇଥିଲା ବେଳେ ଏବେ ତାକୁ ଜଙ୍ଗଳରୁ ବାହାର କରାଯାଇ ଚନ୍ଦକା ଡିଏଫଓ ଅଫିସ ରେ ରଖାଯାଇ ଆରମ୍ଭ ହୋଇଛି ପକ୍ରିୟା I