ପ୍ରକାଶ ପାଇଲା CBSE ଦ୍ଵାଦଶ ରେଜଲ୍ଟ । ୱେବ୍‌ସାଇଟ୍‌ରେ ଉପଲବ୍ଧ ରେଜଲ୍ଟ । cbse.gov. in, results.cbse.nic.in, ୱେବସାଇଟ ସହ umang ଓ digi locker ରେ ପରୀକ୍ଷାର୍ଥୀ ନିଜ ଫଳାଫଳ ସମ୍ପର୍କରେ ଜାଣିପାରିବେ । ୧୮ ଲକ୍ଷରୁ ଅଧିକ ଛାତ୍ରଛାତ୍ରୀ ରେଜଲ୍ଟ ଅପେକ୍ଷାରେ ଥିଲେ  ।

ସାରାଦେଶରେ ପାସ୍‌ ହାର ୮୫.୨୦ ପ୍ରତିଶତ । ଏଥର ବି ଛାତ୍ରଙ୍କ ତୁଳନାରେ ଛାତ୍ରୀଙ୍କ ପାସ୍‌ହାର ଅଧିକ । CBSE ଦ୍ବାଦଶରେ ୮୨.୧୩% ଛାତ୍ର ଓ ୮୮.୮୬% ଛାତ୍ରୀ ଉତ୍ତୀର୍ଣ୍ଣ ହୋଇଛନ୍ତି ।

ଥିରୁଅନନ୍ତପୁରମ୍ ଜୋନରେ ସର୍ବାଧିକ ୯୫.୬୨ ପ୍ରତିଶତ ପାସ ହାର ରେକର୍ଡ କରାଯାଇଛି । ଗତବର୍ଷ ଅପେକ୍ଷା କମିଲା ପାସ୍‌ ହାର । ମୋଟ ପାସ୍‌ ହାର ୩.୧୯ ପ୍ରତିଶତ ହ୍ରାସ ପାଇଛି । ଚଳିତ ବର୍ଷ ୧୭ଲକ୍ଷ ୬୮ ହଜାର ୯୬୮ଜଣ ଛାତ୍ରଛାତ୍ରୀ ସିବିଏସଇ ଦ୍ଵାଦଶ ପରୀକ୍ଷା ଦେଇଥିଲେ । ସେମାନଙ୍କ ମଧ୍ୟରୁ ୧୫ ଲକ୍ଷ ୭ ହଜାର ୧୦୯ଜଣ ପାସ୍ କରିଛନ୍ତି । cbse.gov. in, results.cbse.nic.in, ୱେବସାଇଟ ସହ umang ଓ digi locker ରେ ପରୀକ୍ଷାର୍ଥୀ ନିଜ ଫଳାଫଳ ସମ୍ପର୍କରେ ଜାଣିପାରିବେ ।

ସୂଚନା ଥାଉ କି, ଗତ ଫେବୃଆରୀ ୧୮ ତାରିଖଠାରୁ ଆରମ୍ଭ ହୋଇଥିଲା CBSE ଦଶମ ଓ ଦ୍ଵାଦଶ ପରୀକ୍ଷା । ପରୀକ୍ଷା ଦେଇଥିଲେ ଦେଶର ୪୫ ଲକ୍ଷରୁ ଅଧିକ ପିଲା । ମାର୍ଚ୍ଚ ୧୦ ଯାଏ ଚାଲିଥିଲା ପରୀକ୍ଷା । ଏହାପରେ ଦଶମର ପ୍ରଥମ ପର୍ଯ୍ୟାୟ ଓ ଦ୍ଵିତୀୟ ବୋର୍ଡ ମେ ୧୫ରୁ ଆରମ୍ଭ ହୋଇଥିଲା । ଗତ ଏପ୍ରିଲ ୧୫ ତାରିଖରେ ସିବିଏସଇ ଦଶମ ପରୀକ୍ଷା ଫଳ ପ୍ରକାଶ ପାଇଥିଲା । ପୁଅଙ୍କୁ ଟପିଥିଲେ ଝିଅ । ଓଡ଼ିଶାର ଦୁଇ ମେଧାବୀ ଛାତ୍ରୀ ଟିନା ରଥ ଏବଂ ଆଲିଶା ବିଶ୍ୱାଳ ୫୦୦ରୁ ୫୦୦ ନମ୍ବର ରଖି ଟପ୍ପର ହୋଇଥିଲେ ।