ସୁଭଦ୍ରା ଆଶାୟୀଙ୍କ ଲାଗି ଆସିଲା ଖୁସି ଖବର... ଆଜି ୧ ଲକ୍ଷ୍ୟ ୨୩ ହଜାର ୮୪୯ ଜଣ ମହିଳା ହିତାଧିକାରୀ ମାନେ ପାଇଲେ ସୁଭଦ୍ରା ଟଙ୍କା । ୬୨ କୋଟି ଟଙ୍କା ମହିଳାଙ୍କ ଖାତାକୁ ଗଲା । ଆହୁରି ୧ ଲକ୍ଷ୍ ମହିଳାଙ୍କ ପଇସା field verification ପରେ ସେମାନଙ୍କୁ ମିଳିବ ।

ସୁଭଦ୍ରାରେ ଯାହା ଗାଇଡଲାଇନ ଅଛି ବିଭିନ୍ନ ଜିଲ୍ଲାର ଜିଲ୍ଲାପାଳ ମାନଙ୍କୁ ଅବଗତ କରାଯାଇଛି । It return ଏବଂ ଜମି କୁ ନେଇ ସମସ୍ୟା ରହିଛି ଏହାକୁ ଖୁବ୍ ଶୀଘ୍ର ସମାଧାନ ହେବ । ବିଭାଗ ରେଭେନ୍ୟୁ ବିଭାଗ ସହ ଆଲୋଚନା କରିଛି । ମହିଳାଙ୍କ ୫ ଏକର irigation ଜମି ଥିଲେ ସୁଭଦ୍ରା ଟଙ୍କା ମିଳିବ ନାହିଁ ଏଇଟା ବହୁ ସ୍ଥାନରେ ସମସ୍ୟା ଅଛି ।

ଏହା ପୂର୍ବରୁ ଆନ୍ତର୍ଜାତିକ ମହିଳା ଦିବସ ମାର୍ଚ୍ଚ ୮ ତାରିଖରେ ସୁଭଦ୍ରା ଯୋଜନାର ଚତୁର୍ଥ କିସ୍ତି ଦେଇଥିଲେ ରାଜ୍ୟ ସରକାର । ୧ କୋଟି ୨ ଲକ୍ଷ ୧୨ ହଜାର ୬୬୫ ଜଣ ହିତାଧିକାରୀଙ୍କୁ ମିଳିଥିଲା ସୁଭଦ୍ରା ସହାୟତା । ପୁରୀ ତାଳବଣିଆରେ ସ୍ବତନ୍ତ୍ର କାର୍ଯ୍ୟକ୍ରମରେ ଅନଲାଇନ୍‌ ଡିବିଟି ଜରିଆରେ ଟଙ୍କା ଟ୍ରାନ୍ସଫର ହୋଇଥିଲା ।

ଅନ୍ତର୍ଜାତୀୟ ମହିଳା ଦିବସରେ ୨ ଲକ୍ଷ ୧୩ ହଜାର ୧୯୮ ଜଣ ନୂତନ ହିତାଧିକାରୀ ସୁଭଦ୍ରା ଟଙ୍କା ମିଳିଥିଲା । ଏହା ବାଦ୍ ଅଭିଯୋଗ ପୋର୍ଟାଲରେ ଆସିଥିବା ଅଭିଯୋଗରୁ ୩୬ ହଜାର ୩୮୫ ଜଣ ବି ଯୋଜନାର ଲାଭ ପାଇଥିଲେ ।

୨୦୨୪, ସେପ୍ଟେମ୍ବର ୧୭ରେ ସୁଭଦ୍ରା ଯୋଜନା ଆରମ୍ଭ ହୋଇଥିଲା । ଓଡ଼ିଶାରେ ପ୍ରଥମ ଥର ପାଇଁ ବିଜେପି ସରକାର ଗଠନ କରିବା ପରେ ଫ୍ଲାଗସିପ୍ ଯୋଜନା ସୁଭଦ୍ରାର ଶୁଭାରମ୍ଭ କରାଯାଇଥିଲା । ରାଜ୍ୟର ୧ କୋଟିରୁ ଅଧିକ ମହିଳାଙ୍କୁ ଆର୍ଥିକ ଭାବେ ସ୍ବାବଲମ୍ବୀ କରିବା ଉଦ୍ଦେଶ୍ୟରେ ଏଭଳି ଯୋଜନା ହାତକୁ ନେଇଥିଲେ ରାଜ୍ୟର ମୋହନ ମାଝୀ ସରକାର ।

ଏଥିସହ ପଢ଼ନ୍ତୁ: ଆଗାମୀ ୪ ଦିନ ଯାଏଁ ପ୍ରବଳ ବର୍ଷା,ବଜ୍ରପାତ ସହ ୫୦ରୁ ୬୦ କି.ମି ବେଗରେ ପବନ ବୋହିବା ସମ୍ଭାବନା 

ସୁଭଦ୍ରା ବଢ଼ାଉଛି ସଞ୍ଚୟ
ଭାରତୀୟ ଷ୍ଟେଟ୍ ବ୍ୟାଙ୍କ (ଏସ୍‌ବିଆଇ)ର ଗବେଷଣା ଶାଖା ପକ୍ଷରୁ ଜାରି କରାଯାଇଥିବା ଏକ ରିପୋର୍ଟରେ କୁହାଯାଇଛି ଯେ ‘ସୁଭଦ୍ରା’ ଯୋଜନା ହିତାଧିକାରୀଙ୍କ ସଞ୍ଚୟରେ ୪୫ ପ୍ରତିଶତ ବୃଦ୍ଧି ହୋଇଛି। ହିତାଧିକାରୀ ମାନଙ୍କ ବ୍ୟୟରେ ମଧ୍ୟ ୨୮ ପ୍ରତି ପ୍ରତିଶତର ବୃଦ୍ଧି ହୋଇଛି ।

ଓଡ଼ିଶାର ପ୍ରମୁଖ ସୁଭଦ୍ରା ଯୋଜନା ଆର୍ଥିକ ସୁରକ୍ଷା ଓ ଅର୍ଥନୈତିକ ଅଂଶଗ୍ରହଣ ବଢ଼ାଇ ଲୋକଙ୍କ ଜୀବନରେ ରୂପାନ୍ତରଣ ଆଣୁଛି । ରିପୋର୍ଟରେ ‘ସୁଭଦ୍ରା’ ହିତାଧିକାରୀ ଓ ଅନ୍ୟ ମହିଳାମାନଙ୍କ ସଞ୍ଚୟ ଓ ବ୍ୟୟ ମଧ୍ୟରେ ଏକ ତୁଳନାତ୍ମକ ଚିତ୍ର ପ୍ରଦାନ କରାଯାଇଛି ।

ଯୋଜନାରେ ସାମିଲ ହୋଇ ନ ଥିବା ମହିଳାଙ୍କ ତୁଳନାରେ ସାମିଲ ହୋଇଥିବା ମହିଳାମାନଙ୍କ ସଞ୍ଚୟ ରାଶି ବୃଦ୍ଧି ପାଇଥିବା ଏଥିରେ କୁହାଯାଇଛି । ଯୋଜନାରେ ସାମିଲ ହେବା ପରଠାରୁ ସେମାନଙ୍କ ବ୍ୟାଙ୍କ ଖାତାର ମାସିକ ବାଲାନ୍ସରେ ୪୫ ପ୍ରତିଶତର ବୃଦ୍ଧି ହୋଇଛି । ଅନ୍ୟ ମହିଳାମାନଙ୍କ ତୁଳନାରେ ହିତାଧିକାରୀଙ୍କ ଆର୍ଥିକ ସ୍ଥିତିରେ ହୋଇଥିବା ଗୁଣାତ୍ମକ ଉନ୍ନତିକୁ ଦର୍ଶାଉଛି ।

‘ସୁଭଦ୍ରା’ ଯୋଜନାରେ ଥିବା ୪୬ ପ୍ରତିଶତ ହିତାଧିକାରୀଙ୍କ ବୟସ ୩୦ରୁ ୪୪ ବର୍ଷ, ୩୧ ପ୍ରତିଶତଙ୍କ ବୟସ ୪୫ରୁ ୪୯ ବର୍ଷ ଓ ୨୩ ପ୍ରତିଶତ ହିତାଧିକାରୀଙ୍କ ବୟସ ୩୦ ବର୍ଷରୁ କମ୍ ରହିଛି । ‘ସୁଭଦ୍ରା’ ଭଳି ବିନା ସର୍ଭ ଭିତ୍ତକ ନଗଦ ରାଶି ହସ୍ତାନ୍ତର ଯୋଜନା ଏବେ ରାଜ୍ୟଗୁଡ଼ିକର କଲ୍ୟାଣକାରୀ ଯୋଜନାଗୁଡ଼ିକର ହୋଇଛି । ଏଭଳି ଯୋଜନାର ଅର୍ଥନୈତିକ ପ୍ରଭାବ ସୁଦୂର ପ୍ରସାରୀ ରହିଛି ।

ତାହା ମହିଳାମାନଙ୍କୁ ଆବଶ୍ୟକ ଓ ଜରୁରୀକାଳୀନ ଆର୍ଥିକ ସ୍ବାଧୀନତା ପ୍ରଦାନ କରିଥିବା ରିପୋର୍ଟରେ କୁହାଯାଇଛି । ବିଶେଷ କରି ସମାଜର ତଳ ପାହାଚରେ ରହୁଥିବା ୫୦ ପ୍ରତିଶତ ମହିଳାଙ୍କ ପାଇଁ ଏହି ଯୋଜନା ବିଶେଷ ସହାୟକ ହୋଇପାରିଥିବା ରିପୋର୍ଟରେ ଦର୍ଶାଯାଇଛି ।