ଅଜଣା ରୋଗରେ ମରୁଛନ୍ତି ହଜାର ହଜାର କୁକୁଡ଼ା

ପୁରୀ ଜିଲ୍ଲା ଡେଲାଙ୍ଗରେ କୁକୁଡ଼ା ମଡ଼କ । ଅଜଣା ରୋଗରେ ମରୁଛନ୍ତି ହଜାର ହଜାର କୁକୁଡ଼ା । ବଡ଼ ଆଙ୍କୁଲା ଗାଁର ପ୍ରଶାନ୍ତ କୁମାର ପ୍ରଧାନଙ୍କ ଫାର୍ମରେ ୪ ହଜାରରୁ ଉର୍ଦ୍ଧ କୁକୁଡ଼ା ମଲେଣି । ଗଡ଼ ବେଗୁନିଆପଡା ଗାଁର ଲିଙ୍ଗରାଜ ରାଉତରାୟଙ୍କ ଫାର୍ମରେ ୩ ହଜାର ୯୭୦ କୁକୁଡ଼ା ଚିଆଁ ମଧ୍ୟରୁ ଆଉ ମାତ୍ର ୭୦ କୁକୁଡ଼ା ବଞ୍ଚିଛନ୍ତି । କୁକୁଡ଼ାଙ୍କ ମଳ, ଲାଳର ନମୁନା ପରୀକ୍ଷା ପାଇଁ ପଠାଇ ଛନ୍ତି ସ୍ୱତନ୍ତ୍ର ଡାକ୍ତର ଟିମ୍ । ଟିମରେ ସାମିଲ ହୋଇଛନ୍ତି ପ୍ରାଣୀ ମଙ୍ଗଳ ଚିକିତ୍ସା ଅଧିକାରୀ, ଜିଲ୍ଲା ଅତିରିକ୍ତ ପ୍ରାଣୀ ଚିକିତ୍ସା ଅଧିକାରୀ l ଜିଲ୍ଲା ଅତିରିକ୍ତ ପ୍ରାଣୀ ଚିକିତ୍ସା ଅଧିକାରୀ କହିଛନ୍ତି- ପ୍ରଶାସନ ପକ୍ଷରୁ ୩ ଜଣିଆ ରାପିଡ଼ ରେସ୍ପନସ ଟିମ୍ ଗଠନ ହୋଇଛି । ଯେଉଁ ଫାର୍ମରୁ ଏଭଳି ଅଭିଯୋଗ ଆସିବ ଟିମ ଯାଇ ସ୍ଥିତି ପରଖିବ ।