ବଳଙ୍ଗା ପୀଡିତାଙ୍କ ମାମଲାରେ ମୁଖ୍ୟମନ୍ତ୍ରୀ କଲେ ବଡ ଖୁଲାସା । ନିଜେ ନିଜକୁ ଜାଳିଛନ୍ତି ବଳଙ୍ଗା ପୀଡିତା । ନିଜ ଉପରେ କିରୋସିନି ଢାଳି ନିଆଁ ଲଗାଇ ଦେଇଥିଲେ । ବିଧାନସଭାରେ ଏନେଇ ତଥ୍ୟ ରଖିଲେ ରାଜ୍ୟ ସରକାର । ମୃତ୍ୟୁ ପୂର୍ବରୁ ରେକର୍ଡ ହୋଇଥିବା 2ଟି ଜମାନବନ୍ଦୀରେ ଏହା କହିଥିଲେ ପୀଡିତା ।

ବିଧାୟକ ଅନନ୍ତ ନାରାୟଣ ଜେନାଙ୍କ ପ୍ରଶ୍ନରେ ଉତ୍ତର ରଖି ମୁଖ୍ୟମନ୍ତ୍ରୀ କହିଛନ୍ତି, ଦିଲ୍ଲୀ ଏମ୍ସରେ ପ୍ରାୟ 14 ଦିନ ଚିକିତ୍ସା ଚାଲିଥିବା ବେଳେ ଗତ ଅଗଷ୍ଟ 2 ତାରିଖରେ ପୀଡିତାଙ୍କ ମୃତ୍ୟୁ ହୋଇଥିଲା । ମୃତ୍ୟୁ ପୂର୍ବରୁ ପୀଡିତାଙ୍କ ଜମାନବନ୍ଦୀ ଦିଲ୍ଲୀରେ କୋର୍ଟଙ୍କ ଦ୍ବାରା BNSS ଧାରା 183 ଅନୁଯାୟୀ ରେକର୍ଡ କରାଯାଇଥିଲା । ଏହା ବ୍ୟତୀତ AIIMSରେ ଚିକିତ୍ସା କରୁଥିବା ଡାକ୍ତର ପୀଡିତାଙ୍କ ମୃତ୍ୟୁକାଳୀନ ଜମାନବନ୍ଦୀ ଲିପିବଦ୍ଧ କରିଥିଲେ । ଉଭୟ ଜମାନବନ୍ଦୀରେ ପୀଡିତା କହିଲେ ଯେ ସେ ନିଜେ ନିଜ ଉପରେ କିରୋସିନି ଢାଳି ନିଆଁ ଲଗାଇ ଦେଇଥିଲେ ।

ବଳଙ୍ଗାରୁ ଭୁବନେଶ୍ବର, ଭୁବନେଶ୍ବରରୁ ଦିଲ୍ଲୀ । AIIMS ହସ୍ପିଟାଲରେ 14 ଦିନର ସଂଘର୍ଷ । ସରକାରଙ୍କ ଉଦ୍ୟମ, ଡାକ୍ତରଙ୍କ ପ୍ରଚେଷ୍ଟା । ଶେଷରେ ଜୀବନ ଯୁଦ୍ଧରେ ହାରିଯାଇଥିଲେ ବଳଙ୍ଗା ପୀଡ଼ିତା। ହେଲେ ତାଙ୍କ ମୃତ୍ୟୁ ପରେ ରାଜନୀତି ସରଗରମ ହୋଇଥିଲା । ବିରୋଧୀ ସରକାରଙ୍କୁ ଦାୟୀ କରୁଥିବାବେଳେ ଖୋଦ ମୃତ ପୀଡିତାଙ୍କ ବାପା ଏହା ସ୍ୱୀକାର କରିଥିଲେ ଯେ ସରକାର ସବୁ ପ୍ରକାରର ସାହାଯ୍ୟ କରିଛନ୍ତି । ତଥାପି ବିରୋଧୀ ରାଜନୀତି କରିଥିଲେ ।

ଆହୁରି ପଢନ୍ତୁ ଦିଲ୍ଲୀ AIIMSରୁ ଆଜି ଓଡ଼ିଶା ଆଣାଯିବ ବଳଙ୍ଗା ପୀଡ଼ିତାର ମୃତଦେହ

Argus News | argus news | Odisha Latest News, Breaking News, Trending News, Live TV