ଭୁବନେଶ୍ୱର: ସରକାରୀ ଚାକିରିଆଙ୍କ ପାଇଁ ଖୁସି ଖବର । ଶାରଦୀୟ ଦୁର୍ଗାପୂଜା ପାଇଁ ରାଜ୍ୟର ସମସ୍ତ ସରକାରୀ କର୍ମଚାରୀଙ୍କୁ ଆଗୁଆ ମିଳିବ ଦରମା । ଚଳିତ ସେପ୍ଟେମ୍ବର ମାସର ଦରମା ୨୬ ତାରିଖରେ ପ୍ରଦାନ କରିବା ପାଇଁ ମୁଖ୍ୟମନ୍ତ୍ରୀ ମୋହନ ଚରଣ ମାଝୀ ନିର୍ଦ୍ଦେଶ ଦେଇଛନ୍ତି ।

ସୂଚନା ଅନୁଯାୟୀ, ରାଜ୍ୟର ସମସ୍ତ ସରକାରୀ କର୍ମଚାରୀଙ୍କୁ ମାସର ଶେଷ କାର୍ଯ୍ୟ ଦିବସରେ ଦରମା ମିଳୁଥିବା ବେଳେ, ଦୁର୍ଗାପୂଜା ପାଇଁ ଆସନ୍ତା ୨୭ ତାରିଖରୁ ରାଜ୍ୟର ସମସ୍ତ ସରକାରୀ କାର୍ଯ୍ୟାଳୟ ଛୁଟି ରହିବ । ଦଶହରା ପରି ପାର୍ବଣ ୠତୁରେ ବିଭିନ୍ନ ସାମଗ୍ରୀ କିଣାକିଣି ହୋଇଥାଏ ଏବଂ ଏବର୍ଷ ସାରା ଦେଶରେ GST 2.0 ସଂସ୍କାର ପରେ ସାରା ଦେଶରେ ବଚତ୍ ଉତ୍ସବ ମଧ୍ୟ ପାଳନ କରାଯାଉଛି । ଏହାକୁ ଦୃଷ୍ଟିରେ ରଖି ଚଳିତ ମାସର ଦରମା ୨୬ ତାରିଖ ସୁଦ୍ଧା ପ୍ରଦାନ କରିବାକୁ ମୁଖ୍ୟମନ୍ତ୍ରୀ ନିର୍ଦ୍ଦେଶ ଦେଇଛନ୍ତି ।

ଆହୁରି ପଢନ୍ତୁ ଫିକା ପଡ଼ିବ ପାର୍ବଣ, ଭିଜିବ ସାରା ଓଡ଼ିଶା

ନବରାତ୍ରୀର ଆଜି ହେଉଛି ତୃତୀୟ ଦିନ । ବିଭିନ୍ନ ଶକ୍ତିପୀଠ ଗୁଡିକରେ ଜୋର ସୋର୍ ରେ ଚାଲିଛି ତନ୍ତ୍ରପାଠ । ଦଶହରା ପାଇଁ ପୂଜା ବଜାର ମଧ୍ୟ ପ୍ରବଳ ଭିଡ ରହୁଛି । ବୁଲା ବୁଲି କିଣା କିଣିରେ ଲୋକେ ମସଗୁଲ । ବିଭିନ୍ନ ୱେବସାଇଟ୍ ହେଉ କି ମଲ୍ ସବୁଠି ପୂଜା ଅଫର୍ । ଏତିକିବେଳେ ଆଗୁଆ ଦରମା ଆସିବା ଖବର ସମସ୍ତଙ୍କ ମନରେ ଆହୁରି ଉତ୍ସାହ ଭରି ଦେଇଛି ।

ଆହୁରି ପଢନ୍ତୁ ଜିଏସଟି ହାର ହ୍ରାସ ପରେ ଟାଟାରୁ ମହିନ୍ଦ୍ରା କାର ଘୋଷଣା କଲେ ଗାଡ଼ିର ନୂଆ ଦାମ

ସେପଟେ ପୁଣି GST 2.0 ସଂସ୍କାର ପରେ ଅତ୍ୟାବଶ୍ୟକ ସାମଗ୍ରୀ ଦର କମିଛି । ନୂଆ ଦ୍ରବ୍ୟ ଓ ସେବା କର ଯୋଗୁଁ ଲାଭବାନ ହେଉଛନ୍ତି ସାଧାରଣ ଲୋକ, ଚାଷୀ, ଏମଏସଏମଇ, ମଧ୍ୟବିତ୍ତ, ମହିଳା ଓ ଯୁବପିଢି । ଛେନା, ପନିର୍ ଓ ପାଉଁରୁଟି ପରି ଖାଦ୍ୟ, ୩୩ ଜରୁରୀ ଔଷଧ ସହ ଜୀବନ ବୀମା ଓ ସ୍ବାସ୍ଥ୍ୟ ବୀମାକୁ ସମ୍ପୂର୍ଣ୍ଣ GST ମୁକ୍ତ କରାଯାଇଛି । ଶିକ୍ଷା ସହ ଜଡ଼ିତ ସାମଗ୍ରୀ ମ୍ୟାପ୍, ଚାର୍ଟ, ଗ୍ଲୋବ, ପେନସିଲ, ରବର, ବହି ଓ ନୋଟବୁକ୍ କୁ ମଧ୍ୟ ଟିକସ ମୁକ୍ତ ହୋଇଛି । ଦୈନନ୍ଦିନ ଜୀବନରେ ବ୍ୟବହୃତ ସାବୁନ, ସାମ୍ପୁ, ଟୁଥପେଷ୍ଟ, ଟୁଥ ବ୍ରସ୍, ସେଭିଙ୍ଗ କ୍ରିମ୍ ପରି ସାମଗ୍ରୀ ଉପରେ ଏଣିକି ୧୮% ବଦଳରେ ଲାଗୁ ହୋଇଛି ୫% GST । ସେହିପରି ବଟର, ଘିଅ, ଛେନା, ବ୍ରେଡ୍, ନମକୀନ, ଭୁଜିଆ, ମିକ୍ସର, ବାସନକୁସନ, ନାପକିନ୍, ସିଲେଇ ମେସନ୍ ଓ ଯନ୍ତ୍ରାଂଶ ଉପରେ GST ୧୨%ରୁ ୫%କୁ ହ୍ରାସ ପାଇଛି । ଏହି ନୂଆ ସ୍ଲାବ ମଧ୍ୟବିତ୍ତଙ୍କ କ୍ରୟ ଶକ୍ତି ବୃଦ୍ଧି କରିବା ସହ ଗରିବଙ୍କ ପାଇଁ ବଡ଼ ଉପହାର ସାବ୍ୟସ୍ତ ହୋଇଛି ।