ଅର୍ଗସ ବ୍ୟୁରୋ : ସହିଦ ମାଧୋ ସିଂ ହାତଖର୍ଚ୍ଚ ଯୋଜନାର ଲୋକାର୍ପଣ କଲେ ମୁଖ୍ୟମନ୍ତ୍ରୀ ମୋହନ ଚରଣ ମାଝୀ । ଆଦିବାସୀ ମେଳା - ୨୦୨୫ ଉଦଘାଟନ କାର୍ଯ୍ୟକ୍ରମରେ ଯୋଜନାର ଶୁଭାରମ୍ଭ କରିଛନ୍ତି ମୁଖ୍ୟମନ୍ତ୍ରୀ । ଏହି ଯୋଜନାରେ ଜନଜାତି ଛାତ୍ରଛାତ୍ରୀଙ୍କୁ ୫ ହଜାର ଟଙ୍କା ପ୍ରଦାନ କରାଯିବ । ଅଷ୍ଟମ ଓ ଦଶମ ପାସ୍‌ କରିବା ପରେ ନବମ ଓ ଏକାଦଶ ଶ୍ରେଣୀରେ ଭର୍ତ୍ତି ହେବା ପିଲାଙ୍କୁ ମିଳିବ ଏହି ସହାୟତା ।

ଏହି ଯୋଜନା ପାଇଁ 156 କୋଟି ଟଙ୍କା ବ୍ୟୟବରାଦ ହୋଇଛି । ଡ୍ରପ୍ ଆଉଟ୍ ରୋକିବା ଦିଗରେ ଲକ୍ଷ୍ୟ ରଖି ଏହାର ଶୁଭାରମ୍ଭ ହୋଇଛି । ଉପକୃତ ହେବେ ୨ ଲକ୍ଷରୁ ଅଧିକ ଜନଜାତି ଛାତ୍ରଛାତ୍ରୀ। ପ୍ରତି ଶିକ୍ଷାବର୍ଷରେ ଏକକାଳୀନ ଏହି ୫ ହଜାର ଟଙ୍କା ପ୍ରୋତ୍ସାହନ ରାଶି ଭାବେ ଦିଆଯିବ ।