ରାଜ୍ୟରେ ଜାତୀୟ ଶିକ୍ଷାନୀତି କାର୍ଯ୍ୟକାରୀ ହେବା ସହ ଆରମ୍ଭ ହୋଇଛି ଛୋଟ ପିଲାଙ୍କ ସ୍କୁଲ ପ୍ରବେଶ ଓ ଖଡିଛୁଆଁ ଉତ୍ସବ । ଭୁବନେଶ୍ବର ବଡଗଡ ହାଇସ୍କୁଲରେ କୁନି କୁନି ପିଲାଙ୍କୁ ଖଡ଼ି ଛୁଆଁଇଲେ ମୁଖ୍ୟମନ୍ତ୍ରୀ । ସ୍ଲେଟ ଖଡ଼ିରେ ଶିଶୁ ମାନଙ୍କୁ ପାଠ ପଢ଼ାଇଲେ ଗୁରୁଜୀ । ବ୍ରହ୍ମା, ବିଷ୍ଣୁ, ମହେଶ୍ବରର ମହତ୍ବ ଶିଖାଇଲେ ମୋହନ । ଶିଶୁ ବାଟିକା କାର୍ଯ୍ୟକ୍ରମ ପାଇଁ ଭୁବନେଶ୍ୱରରେ ଗଡ଼ିଲା ୪ ସଚେତନ ଗାଡି । ଏହି ଅବସରରେ ମୁଖ୍ୟମନ୍ତ୍ରୀ କହିଛନ୍ତି, ଶିଶୁ ବାଟିକାରେ ପିଲାମନଙ୍କୁ ଚାପ ମୁକ୍ତ, ଭୟ ମୁକ୍ତ ପାଠ ପଢାଯିବ। ପୋଷ୍ଟର, କବିତା, ଚିତ୍ର, ସଂଖ୍ୟା ଗଣନ ପାଇଁ ଅନେକ ପ୍ରକାର ଖେଳନା ବ୍ୟବହାର କରାଯାଉଛି । ଖେଳନା ମାଧ୍ୟମରେ ପଢାଯିବ ବୌଦ୍ଧିକ ବିକାଶର ପାଠ । କୁନି ଶିଶୁ ମାନଙ୍କ ମଧ୍ୟରେ ସୃଜନଶୀଳତା ବୃଦ୍ଧି କରିବାରେ ଏହା ସହାୟକ ହେବ । ଓଡ଼ିଶାର ପ୍ରାଥମିକ ଶିକ୍ଷା କ୍ଷେତରେ ବୈପ୍ଲବିକ ପରିବର୍ତନ ଆଣିବା ପାଇଁ ସରକାରଙ୍କ ଏହି ଉଦ୍ୟମ ।

ସାରା ରାଜ୍ୟରେ ଖଡିଛୁଆଁ ଉତ୍ସବର ଦୃଶ୍ୟ । ପରଜଙ୍ଗ, ରଣପୁର, ରାଇରଙ୍ଗପୁର,ମାହାଙ୍ଗା, ଘସିପୁରା, ସମ୍ବଲପୁର, ସାଲେପୁର, ସୋରଡାରେ ବେଶ ଦେଖିବାକୁ ମିଳିଥିଲା ଉତ୍ସାହ । ଖଡିଛୁଆଁ ଉତ୍ସବରେ ସାମିଲ ହୋଇଥିଲେ କୁନି କୁନି ପିଲା ।ବାଲେଶ୍ବର, ରେଢାଖୋଲ, ଖଲିକୋଟ, କଟକର । ଜାତୀୟ ଶିକ୍ଷା ନୀତିରେ ଖଡିଛୁଆଁ ଉତ୍ସବ କାର୍ଯ୍ୟକ୍ରମରେ ସାମିଲ ହୋଇଛନ୍ତି ଛାତ୍ରଛାତ୍ରୀ ।

ଏଭଳି ବିଶେଷ କାର୍ଯ୍ୟକ୍ରମର ଆୟୋଜନ ପାଇଁ ମୁଖ୍ୟମନ୍ତ୍ରୀ ଓ ଗଣଶିକ୍ଷା ମନ୍ତ୍ରୀଙ୍କୁ ଧନ୍ୟବାଦ ଜଣାଇଛନ୍ତି କେନ୍ଦ୍ରଶିକ୍ଷା ମନ୍ତ୍ରୀ ଧର୍ମେନ୍ଦ୍ର ପ୍ରଧାନ । ଛାତ୍ରଛାତ୍ରୀମାନେ ହେଉଛନ୍ତି ବିକଶିତ ଭାରତ ଓ ବିକଶିତ ଓଡ଼ିଶାର ମୂଳ ସ୍ତମ୍ଭ । ଉତ୍ତମ ଓ ଗୁଣାତ୍ମକ ଶିକ୍ଷା ମାଧ୍ୟମରେ ସେମାନଙ୍କର ଉଜ୍ବଳ ଭବିଷ୍ୟତ ଗଠନ କରିବା ଆମର ବଡ଼ ଦାୟିତ୍ବ । ଶିଶୁ ବାଟିକା ମାଧ୍ୟମରେ ପିଲାମାନଙ୍କୁ ନାଚ, ଗୀତ, ଖେଳକୁଦ ଓ ଯାଦୁ ଆଧାରିତ ଶିକ୍ଷା ପ୍ରଦାନ କରିବା ଉପରେ ପ୍ରାଥମିକତା ଦିଆଯାଇଛି । ଆଜି ଏଭଳି ଏକ ସ୍ମରଣୀୟ ଦିବସରେ ନୂଆ କରି ବିଦ୍ୟାଳୟରେ ନାମ ଲେଖାଇଥିବା ପିଲାମାନଙ୍କ ଉଜ୍ବଳ ଭବିଷ୍ୟତ କାମନା କରିଛନ୍ତି କେନ୍ଦ୍ର ଶିକ୍ଷା ମନ୍ତ୍ରୀ ଧର୍ମେନ୍ଦ୍ର ପ୍ରଧାନ ।