କାମ କର ନ ହେଲେ ଦିଆଯିବ ବାଧ୍ୟତାମୂଳକ ଅବସର

ବୋଲ ମାନୁ ନାହାନ୍ତି ବଡ଼ ବାବୁ । ଆକ୍ସନ ମୋଡ଼ରେ ବିଜେପି ସରକାର । କାମରେ ଅବହେଳା କରୁଥିବା ବା ଅପାରଗ ଅଧିକାରୀଙ୍କୁ ଆଗୁଆ ଅବସର ଦେବାକୁ ନିଷ୍ପତ୍ତି । ବ୍ୟବସ୍ଥାକୁ ସୁଦୃଢ, ସ୍ୱଚ୍ଛ ଓ କ୍ରିୟାଶୀଳ କରିବା ପାଇଁ ଅଣ୍ଟା ଭିଡ଼ିଛି ବିଜେପି ସରକାର । କିନ୍ତୁ ବାଧକ ସାଜିଛନ୍ତି କିଛି ବଡ଼ ବାବୁ । ନା କାମ କରୁଛନ୍ତି ନା କରେଇ ଦେଉଛନ୍ତି । ଏପରିକି ଖୋଦ ମୁଖ୍ୟମନ୍ତ୍ରୀଙ୍କ ନିର୍ଦ୍ଦେଶକୁ ବି କରୁଛନ୍ତି ବେଖାତିର । ଯେଉଁଥିପାଇଁ ମୁଖ୍ୟ ଶାସନ ସଚିବ ସମସ୍ତ ବିଭାଗକୁ ଚିଠି ଲେଖି ବିରକ୍ତି ପ୍ରକାଶ କରିଛନ୍ତି ।

ଚିଠିରେ କୁହାଯାଇଛି ଉଚ୍ଚ ଶିକ୍ଷା ବିଭାଗ କୁ ମାଗଣା UPSC କୋଚିଂ ର ରିପୋର୍ଟ ମାଗିଥିଲେ ମୁଖ୍ୟମନ୍ତ୍ରୀ ଯାହାର ଡେଟ ଲାଇନ ଥିଲା 22 ମେ ହେଲେ ବାବୁ ଦେଲେନି ଉତ୍ତର । ସେହିଭଳି ମହାପୁରୁଷ ଆଦର୍ଶ ଗାଁ ଯୋଜନା ର ବିସ୍ତୃତ ତଥ୍ୟ ମାଗିଥିଲେ ମୁଖ୍ୟମନ୍ତ୍ରୀ ଯାହାର ଡେଟ ଲାଇନ ଥିଲା ଜୁନ 6 ଏଥିରେ ବି ବାବୁ ଦେଲେନି ତଥ୍ୟ । ଏଭଳି ପ୍ରାୟ 30 ଟି ଭିନ୍ନ ଭିନ୍ନ ବିଭାଗ ର ବିଭିନ୍ନ ତଥ୍ୟ ମାଗିଥିଲେ ମୁଖ୍ୟମନ୍ତ୍ରୀ ଯାହାକୁ ହେୟ ଜ୍ଞାନ କରିଛନ୍ତି ବଡ଼ ବାବୁ । ତେଣୁ ଏ ନେଇ ସଚିବ ସ୍ତରୀୟ ବୈଠକ ଡାକି ବଡ଼ ବାବୁ ମାନଙ୍କୁ ତାଗିଦ କରିଛନ୍ତି ମୁଖ୍ୟ ଶାସନ ସଚିବ। ସେହିପରି କାମ ନ କଲେ ଆଗୁଆ ଅବସର ନେବାକୁ ପ୍ରସ୍ତୁତ ରହିବା ଲାଗି ମଧ୍ୟ ଶୁଣାଇଛନ୍ତି ଚରମ ବାଣୀ ।

ଡ଼କା ଯାଇଥିବା ସଚିବ ସ୍ତରୀୟ ବୈଠକରେ ୧୦ ଟି ଦିଗ ଉପରେ ଫୋକସ କରିବାକୁ ମୁଖ୍ୟ ଶାସନ ସଚିବ ଦେଇଛନ୍ତି ନିର୍ଦ୍ଦେଶ।

୧-ସବୁ ଅଫିସରେ ଲାଗିବ AI କ୍ୟାମେରା। ପ୍ରଥମେ ଭୁବନେଶ୍ବର ଓ ପରେ ଜିଲ୍ଳା ସ୍ତରରେ ଏହା ହେବ କାର୍ଯ୍ୟକାରୀ
୨- ନିର୍ଦ୍ଧାରିତ ସମୟରେ ଅଧିକାରୀ ମାନେ ଅଫିସ ଆସିବା ଉପରେ ଗୁରୁତ୍ବ।
୩-ଭଲ ପ୍ରଦର୍ଶନ ନଥିବା ଅଧିକାରୀଙ୍କ ଉପରେ ନଜର ରଖିବାକୁ ନିର୍ଦେଶ। ପ୍ରଦର୍ଶନରେ ସୁଧାର ଆଣିବାକୁ ସୁଯୋଗ ଦିଆଯିବ। ସୁଧାର ନ ଆସିଲେ ଆଗୁଆ ଅବସର ଉପରେ ମୁଖ୍ୟ ଶାସନ ସଚିବଙ୍କ ଗୁରୁତ୍ଵ।
୪- ମୁଖ୍ୟମନ୍ତ୍ରୀଙ୍କ ଅଫିସରୁ ଆସୁଥିବା ନୋଟସିଟ୍ ର ତୁରନ୍ତ ଉତ୍ତର ଦେବା ସହ ପଦକ୍ଷେପ ନେବାକୁ ନିର୍ଦ୍ଦେଶ।
୫-ଦୁର୍ନୀତିର ମୂଳ କାରଣ ଖୋଜିବା ସହ ଏ ଦିଗରେ ପଦକ୍ଷେପ ନେବାକୁ ନିର୍ଦେଶ। ଲୋକଙ୍କୁ ସେବା ପ୍ରଦାନରେ କାହିଁକି ବିଳମ୍ବ ହେଉଛି ତାହାକୁ ଅନୁଧ୍ୟାନ କରାଯିବ।
୬- ଅକ୍ଟୋବରରୁ ଆରମ୍ଭ ହେବ CM ଡାସ ବୋର୍ଡ ।
୭- କେନ୍ଦ୍ରୀୟ ସ୍କିମ ପ୍ରତିମାସ ୭ ତାରିଖରେ ଜିଲ୍ଲାପାଳ କରିବେ ସମୀକ୍ଷା ।
୮-ସବୁ ବିଭାଗ ସେମାନଙ୍କ ବିଭାଗର ଖର୍ଚ୍ଚ ବୃଦ୍ଧି ଉପରେ ଗୁରୁତ୍ବ
୯-ଅଫିସର ମାନେ ଫିଲ୍ଡ ଭିଜିଟ ଉପରେ ଗୁରୁତ୍ବ ଦେବାକୁ ନିର୍ଦ୍ଧେଶ
୧୦-Enforcement ଉପରେ ସରକାରଂକ ଗୁରୁତ୍ଵ

ଅପାରଗ ବାବୁଙ୍କୁ ସରକାରୀ ଆକ୍ସନ ଉପରେ କଂଗ୍ରେସ କହିଛି ଅପାରଗ ଆଳରେ ବୋଲ ମାନୁ ନ ଥିବା ଅଫିସରଙ୍କୁ ଜାଣିଶୁଣି ନିଶାନା କରିବାକୁ ହୋଇଛି ଯୋଜନା.. ତେବେ ବିଜେଡି ସରକାରଙ୍କ ଏ ପଦକ୍ଷେପକୁ ସ୍ବାଗତ କରିଛି