ଭଙ୍ଗା ସ୍କୁଲ ଘର, ଦୁଇଜଣ ଶିକ୍ଷକ ଭରସାରେ ଚାଲିଛି ତାଲାକୋଟ ଉଚ୍ଚପ୍ରାଥମିକ ବିଦ୍ୟାଳୟ । ଅବ୍ୟବସ୍ଥାରେ ତାଲାକୋଟ ଉଚ୍ଚପ୍ରାଥମିକ ବିଦ୍ୟାଳୟ l ଭଙ୍ଗା ଦଦରା ସ୍କୁଲରେ ଚାଲିଛି ପାଠପଢ଼ା। ଗୋଟିଏ କୋଠରୀରେ ପାଠ ପଢୁଛନ୍ତି 8 ଟି ଶ୍ରେଣୀର ପିଲା l ଅବଶ୍ୟକ ଶିକ୍ଷକ ନାହାନ୍ତି କି ନାହାନ୍ତି ଆବସ୍ୟକୀୟ ଭିତ୍ତିଭୂମୀ। ନୂଆପଡ଼ା ସିନାପାଲି ଘାଟମାଲ ପଞ୍ଚାୟତର ବଣ ପାହାଡ଼ ଘେରା ତାଲାକୋଟ ଗାଁ । ଗାଁରେ ଥିବା ସରକାରୀ ଉଚ୍ଚ ପ୍ରାଥମିକ ବିଦ୍ୟାଳୟ ଅବ୍ୟବସ୍ଥା ଭିତରେ l ବର୍ଷବର୍ଷ ଧରି ଅବ୍ୟବସ୍ଥା ଭିତରେ ଚାଲିଛି ସ୍କୁଲ। ସ୍କୁଲରେ ଥିବା ଦୁଇଟା କୋଠରୀ ମଧ୍ୟରୁ ଗୋଟିଏ କୋଠରୀ ଭଙ୍ଗା ଦଦରା ହୋଇ ଛାତ ରୁ ଛଡ଼ ବାହାରିପଡ଼ି ଥିବା ବେଳେ ସିମେଣ୍ଟ ଅତଡ଼ା ଖସୁଛି l

ତେଣୁ ଅନ୍ୟ ଗୋଟିଏ କୋଠରୀ ରେ ପ୍ରଥମ ରୁ ଅଷ୍ଟମ ଶ୍ରେଣୀ ଯାଏ ପିଲା ପଢୁଛନ୍ତି l ଗୋଟିଏ କୋଠରୀ ରେ ସବୁ ଶ୍ରେଣୀ ର ପିଲା ପାଠ ପଢିବାରେ ବହୁ ଅସୁବିଧା ହେଉଛି l ତେଣୁ ବାରଣ୍ଡାରେ ଚାଲିଛି ପାଠପଢା। ମାତ୍ର ବର୍ଷା ହେଲେ ପାଠ ପଢ଼ା ଠପ l ବିଦ୍ୟାଳୟ ରେ ମୋଟ 58 ଜଣ ଛାତ୍ର ଛାତ୍ରୀ ପଢୁଛନ୍ତି । କିନ୍ତୁ 8ଟି ଶ୍ରେଣୀର ପିଲାଙ୍କ ପାଇଁ ରହିଛନ୍ତି ମାତ୍ର ଦୁଇ ଜଣ ଶିକ୍ଷକ। ଏଣୁ ପାଠ ପଢାରେ ସମସ୍ୟା ଉପୁଜୁଛି।

ଭଙ୍ଗା ଦଦରା ସ୍କୁଲ ଗୃହ ଯୋଗୁଁ ପାଠ ପଢିବା ସମୟରେ ସିମେଣ୍ଟ ଅତଡ଼ା ଖସୁଛି । ମାତ୍ର କୋଠରୀ ନଥିବାରୁ ଅସୁରକ୍ଷିତ ଅବସ୍ଥାରେ ପାଠ ପଢୁଛନ୍ତି ଛାତ୍ରଛାତ୍ରୀ l ସ୍କୁଲ ପରିସରରେ ଥିବା ରୋଷେଇ ଗୃହ ଅବସ୍ଥା ବି ବିପଦପୂର୍ଣ୍ଣ l ଭଙ୍ଗା ଦଦରା ରୋଷେଇ ଗୃହରେ ଡରିଡରି ହେଉଛି ଖାଦ୍ୟ ପ୍ରସ୍ତୁତ l ଦୀର୍ଘ ବର୍ଷ ହେଲା ସ୍କୁଲରେ ବିଭିନ୍ନ ସମସ୍ୟା ଲାଗି ରହିଛି। ଏନେଇ ଅନେକ ଥର ଅଭିଯୋଗ ହୋଇଥିଲେ ମଧ୍ୟ ସମସ୍ୟାର ସମାଧାନ ହେଉନି l ଜିଲ୍ଲାପ୍ରଶାସନ ଏ ଦିଗରେ ଦୃଷ୍ଟି ଦେବାକୁ ଗାଁ ଲୋକେ ଦାବୀ କରିଛନ୍ତି l

ଅଧିକ ପଢ଼ନ୍ତୁ ଓଡ଼ିଶା ଖବର: