ଜମ୍ମୁ-କଶ୍ମୀରର ଡୋଡା ଜିଲ୍ଲାରେ ପ୍ରବଳ ବର୍ଷା । ଫଳରେ ବିଭିନ୍ନ ସ୍ଥାନରେ ଭୂସ୍ଖଳନ, ମାଟି ଅତଡା ଖସିବା, ପଥର ଖସିବା ଭଳି ଘଟଣା ଦେଖିବାକୁ ମିଳିଛି । ଏହା ସହିତ ଜାତୀୟ ରାଜପଥ ସମେତ ବହୁ ସ୍ଥାନରେ ରାସ୍ତା ବନ୍ଦ ହୋଇଛି । ସେହିପରି ଜମ୍ମୁର ତାଓ୍ବି ନଦୀରେ ଭୟଙ୍କର ବନ୍ୟା ହୋଇଛି । ନଦୀର ଜଳସ୍ତର ବୃଦ୍ଧି ପାଇବା କାରଣରୁ ଏହା କୂଳରେ ବାସ କରୁଥିବା ଲୋକଙ୍କୁ ସ୍ଥାନାନ୍ତର କରାଯାଇଛି । ଅନେକ ଘର ବିପଦସଙ୍କୁଳ ଅବସ୍ଥାରେ ଅଛି ।

ଯାହା ନଦୀ ଗର୍ଭରେ କେତେବେଳେ ବି ଲୀନ ହୋଇପାରେ । ରାଜ୍ୟରେ ବନ୍ୟା ସ୍ଥିତି ସଂଗୀନ ହେବା କାରଣରୁ ବିଭିନ୍ନ ସ୍ଥାନର ଏସଡିଆରଏଫ୍ ଲୋକଙ୍କୁ ଉଦ୍ଧାର କରି ସୁରକ୍ଷିତ ସ୍ଥାନକୁ ନେଇଛି । ଏହି ବାଦଲ ଫଠା ବର୍ଷା କାରଣରୁ 4 ଜଣଙ୍କର ମୃତ୍ୟୁ ହୋଇଛି । ଖରାପ ପାଗକୁ ଦୃଷ୍ଟିରେ ରଖି ଜମ୍ମୁ ଡିଭିଜନରେ ସମସ୍ତ ସରକାରୀ ଏବଂ ବେସରକାରୀ ସ୍କୁଲ ବନ୍ଦ ରହିଛି ।

ଭୂସ୍ଖଳନ ଏବଂ ବାଦଲ ଫଟା ଯୋଗୁଁ ସତର୍କତାମୂଳକ ପଦକ୍ଷେପ ସ୍ୱରୂପ ଜମ୍ମୁ-ଶ୍ରୀନଗର ଜାତୀୟ ରାଜପଥରେ ଯାତାୟାତ ବନ୍ଦ କରାଯାଇଥିଲା । ଡୋଡାରେ ଏକ ସ୍ଥାନୀୟ ନଦୀ କୂଳରେ ପ୍ରବାହିତ ହେବା ପରେ ଏକ ପ୍ରମୁଖ ରାସ୍ତା ଭାସି ଯାଇଥିଲା ।