କ୍ଷୟକ୍ଷତି ସହିଥିବା ସମସ୍ତ ଚାଷୀଙ୍କୁ ଆବେଦନ ପାଇଁ ନିବେଦନ କଲେ ମୁଖ୍ୟମନ୍ତ୍ରୀ

ଭୁବନେଶ୍ୱର: ଆସନ୍ତାକାଲି ସୁଦ୍ଧା ଅଦିନିଆ ବର୍ଷା କ୍ଷୟକ୍ଷତି ସହିଥିବା ସମସ୍ତ ଚାଷୀଙ୍କୁ ଆବେଦନ ପାଇଁ ନିବେଦନ କଲେ ମୁଖ୍ୟମନ୍ତ୍ରୀ ମୋହନ ମାଝୀ । ବୀମା କରିଥିବା ଏବଂ ନକରିଥିବା ଚାଷୀ ସମସ୍ତଙ୍କୁ ମିଳିବ କ୍ଷତିପୂରଣ । 30 ତାରିଖ ସୁଦ୍ଧା ସଂପୂର୍ଣ୍ଣ କ୍ଷୟକ୍ଷତି ରିପୋର୍ଟ ଆସିବ । ବୀମା କରିଥିବା ଚାଷୀ ନିର୍ଦ୍ଧାରିତ ସମୟ ସୀମା ମଧ୍ୟରେ ଆବେଦନ ପାଇଁ ବି ଅପିଲ କଲେ ମୁଖ୍ୟମନ୍ତ୍ରୀ ।

ବୀମା କରିଥିବା ଏବଂ ନକରିଥିବା ରାଜ୍ୟ ଏବଂ କେନ୍ଦ୍ର ସରକାରଙ୍କ ନିୟମ ଅନୁଯାୟୀ ଡିବିଟି ଜରିଆରେ କ୍ଷତିପୂରଣ ଦିଆଯିବ । ଜଣେ ବି କେହି ଯେମିତି ବଂଚିତ ନହୁଅନ୍ତୁ ସେଥି ପ୍ରତି ଧ୍ୟାନ ଦେବାକୁ ଅଧିକାରୀଙ୍କୁ ନିର୍ଦ୍ଦେଶ ଦିଆଯାଇଛି । ପ୍ରଧାନମନ୍ତ୍ରୀ ଫସଲ ବୀମା ଯୋଜନାରେ 1 ଲକ୍ଷ 26 ହଜାର ଚାଷୀ କ୍ଷୟକ୍ଷତି ଆବେଦନ କରିଛନ୍ତି । ଆସନ୍ତାକାଲି ସୁଦ୍ଧା ସମସ୍ତ ଚାଷୀ ଫସଲ କ୍ଷତି ନେଇ ଅଭିଯୋଗ କରିବାକୁ ମୁଖ୍ୟମନ୍ତ୍ରୀ ଅପିଲ୍ କରିଛନ୍ତି । ଯେଉଁମାନେ ଅଭିଯୋଗ କରିବେ କୃଷି ବିଭାଗ ପକ୍ଷରୁ କୃଷି ରକ୍ଷକ ଆପ ଟୋଲ ଫ୍ରି ନମ୍ବର 14447 ରେ ଅଭିଯୋଗ କରିପାରିବେ ।

ଅଦିନିଆ ବର୍ଷାରେ ଅମଳ ଫସଲ ନଷ୍ଟ ହୋଇଥିବା ହେତୁ ଚାଷୀ ଏବେ ଚିନ୍ତାରେ ଥିବାବେଳେ ଏହି ପଦକ୍ଷେପ ନେଇଛନ୍ତି ରାଜ୍ୟ ସରକାର ।