ଭୁବନେଶ୍ଵର: ରାଜ୍ୟକୁ ଆସିବ ବଡ଼ ପୁଞ୍ଜି । ନୂଆଦିଲ୍ଲୀ ଗସ୍ତରେ ଗଲେ ମୁଖ୍ୟମନ୍ତ୍ରୀ ମୋହନ ଚରଣ ମାଝୀ। ଦିଲ୍ଲୀରେ ଆୟୋଜିତ ଓଡ଼ିଶା ନିବେଶକ ସମ୍ମିଳନୀରେ ଏବଂ ଏମଓୟୁ ସ୍ଵାକ୍ଷର କାର୍ଯ୍ୟକ୍ରମରେ ଯୋଗ ଦେବେ ମୁଖ୍ୟମନ୍ତ୍ରୀ । ଓଡ଼ିଶାକୁ ଆସିବ ବଡ଼ ପୁଞ୍ଜିନିବେଶ ।

ଆଇଓସିଏଲ୍ (IOCL), ପେଟ୍ରୋନେଟ ଏଲଏନଜି, ଇଣ୍ଡିଆ ଷ୍ଟ୍ରାଟେଜିକ ପେଟ୍ରୋଲିୟମ ରିଜର୍ଭସ ଲିମିଟେଡ ସହ ଓଡ଼ିଶା ସରକାର ଏମଓୟୁ ସ୍ଵାକ୍ଷର କରିବେ । ଦୁଇ ଦିନିଆ କାର୍ଯ୍ୟକ୍ରମରେ ଓଡ଼ିଶାରେ ପୁଞ୍ଜିନିବେଶ ନେଇ ବିଭିନ୍ନ ଶିଳ୍ପ ପ୍ରମୁଖ ମାନଙ୍କ ସହ ଆଲୋଚନା କରିବେ ମୁଖ୍ୟମନ୍ତ୍ରୀ ।

୨ ଦିନିଆ ଦିଲ୍ଲୀ ଗସ୍ତ ବେଳେ ମୁଖ୍ୟମନ୍ତ୍ରୀ ଶିଳ୍ପ ସଂସ୍ଥା ଓ ଅଧିକାରୀଙ୍କସହ ଆଲୋଚନାକରିଛି । ବିକଶିତ ଓଡ଼ିଶାର ଲକ୍ଷ୍ୟନେଇ କଥା ହେବେ । ଓଡ଼ିଶାରେ ପୁଞ୍ଜି ନିବେଶ ପାଇଁ ଥିବା ଭିତ୍ତିଭୂମି ଓ ପରିବେଶ ନେଇ ବି କଥା ହେବେ । ଏହା ଦ୍ଵାରା କେବଳ ରାଜ୍ୟରେ ଶିଳ୍ପ ବଢ଼ିବନି ବରଂ ଆଗକୁ ଆହୁରି ନୂଆ ଶିଳ୍ପ ଆସିବାକୁ ଆଗ୍ରହୀ ହେବା ସହ ନିଯୁକ୍ତି ସୁଯୋଗ ସୃଷ୍ଟି ହେବ । ଯାହା ଓଡ଼ିଶାର ଅର୍ଥନୀତିକୁ ବଳ ଦେବ ।

ଓଡ଼ିଶାକୁ ପେଟ୍ରୋକେମିକାଲ ଓ କେମିକାଲ୍ ହବ୍ କରି ଗଢ଼ି ତୋଳିବା ଲାଗି ଇଣ୍ଡିଆନ୍ ଅଏଲ୍ କର୍ପୋରେସନ୍ ଲିମିଟେଡ୍, ପେଟ୍ରୋନେଟ୍ ଏଲଏନ୍‌ଜି ଏବଂ ଇଣ୍ଡିଆନ୍ ଷ୍ଟ୍ରାଟେଜିକ୍ ପେଟ୍ରୋକେମିକାଲ୍ ରିଜର୍ଭସ୍ ଲିମିଟେଡ୍ ସହ ସରକାର ବୁଝାମଣା ସ୍ଵାକ୍ଷର କରିବେ ।

ଦିଲ୍ଲୀ ଗସ୍ତ ବେଳେ ମୁଖ୍ୟମନ୍ତ୍ରୀ ନୋଏଡ଼ା ସ୍ଥିତ ଏଚସିଏଲ୍ କ୍ୟାମ୍ପସ ବୁଲି ଦେଖିବେ । ଏଥିସହ ବିଭିନ୍ନ ଶିଳ୍ପଦ୍ୟୋଗୀଙ୍କ ସହ ୱାନ ଟୁ ୱାନ ଆଲୋଚନା କରିବେ । ୯ ତାରିଖରେ ମୁଖ୍ୟମନ୍ତ୍ରୀ ଓଡ଼ିଶା ଫେରିବା କାର୍ଯ୍ୟକ୍ରମ ରହିଛି ।

Argus News | argus news | Odisha Latest News, Breaking News, Trending News, Live TV