ଭୁବନେଶ୍ୱର: ପ୍ରୋଟୋକଲ ଭାଙ୍ଗିଲେ, ନାନୋରେ ଯାତ୍ରା କଲେ ମୁଖ୍ୟମନ୍ତ୍ରୀ । ଯାହା ଆଜି ଦିନ ତମାମ ଚର୍ଚ୍ଚାର ବିଷୟ ପାଲଟିଛି । କୃଷି ଓଡିଶା କାର୍ଯ୍ୟକ୍ରମରେ ଦେଖିବାକୁ ମିଳିଛି ଏହି ନିଆରା ଦୃଶ୍ୟ । ନାନୋ କାରରେ ବସି ବରମୁଣ୍ଡା ପଡିଆରୁ ଲୋକସେବା ଭବନକୁ ଗଲେ ମୁଖ୍ୟମନ୍ତ୍ରୀ ।

ଉପ ମୁଖ୍ୟମନ୍ତ୍ରୀ କନକ ବର୍ଦ୍ଧନ ସିଂହଦେଓ ଗାଡି ଡ୍ରାଇଭ୍ କରିଥିବାବେଳେ ମୁଖ୍ୟମନ୍ତ୍ରୀ ତାଙ୍କ ପାଖ ସିଟ୍ ରେ ବସିଥିଲେ । ସେହିପରି ରାଜସ୍ୱ ମନ୍ତ୍ରୀ ସୁରେଶ ପୂଜାରୀ ପଛ ସିଟ୍ ରେ ବସିଥିଲେ । ତେବେ କୃଷି ଓଡିଶା କାର୍ଯ୍ୟକ୍ରମରେ ଯୋଗ ଦେବା ପରେ ଯେତେବେଳେ ମୁଖ୍ୟମନ୍ତ୍ରୀ ସଚିବାଳୟ ବାହାରିଥିଲେ, ସେତେବେଳେ ଉପମୁଖ୍ୟମନ୍ତ୍ରୀ ତାଙ୍କୁ ନାନୋ କାର୍ ରେ ବସି ଲୋକସେବା ଭବନକୁ ଯିବା ପାଇଁ କହିଥିଲେ । ଆଉ ତାଙ୍କ କଥା ରଖିଥିଲେ ମୁଖ୍ୟମନ୍ତ୍ରୀ ।

ସେପଟେ କାରକେଡ୍ ଛାଡି ମୁଖ୍ୟମନ୍ତ୍ରୀ ନାନୋ ଗାଡିରେ ଯିବାକୁ ନେଇ ଲୋକେ କହୁଛନ୍ତି ଯେ ପୁଣି ଥରେ ଲୋକଙ୍କ ମୁଖ୍ୟମନ୍ତ୍ରୀର ପ୍ରମାଣ ଦେଇଛନ୍ତି ମୁଖ୍ୟମନ୍ତ୍ରୀ ।