କଟକ: ବର୍ଜ୍ୟବସ୍ତୁ ପରିଚାଳନାରେ ଆରମ୍ଭ ହେବାକୁ ଯାଉଛି ନୂଆ ଅଧ୍ୟାୟ । କଟକ ସହରରୁ ବାହାରୁଥିବା ବର୍ଜ୍ୟବସ୍ତୁରୁ ପ୍ରସ୍ତୁତ ହେବ ଵାୟୋ ଗ୍ୟାସ । ନଗର ଉନ୍ନୟନ ମନ୍ତ୍ରୀଙ୍କ ଉପସ୍ଥିତରେ ଅଏଲ ଇଣ୍ଡିଆ କମ୍ପାନୀ ସହ କଟକ ମହାନଗର ନିଗମର ଚୁକ୍ତିନାମା ସ୍ଵାକ୍ଷର ହୋଇଛି । ଵାୟୋ ଗ୍ୟାସ ପ୍ଲାଣ୍ଟ ଫଳରେ ସହରରେ ଦୂର ହେବ ବର୍ଜ୍ୟବସ୍ତୁ ଡମ୍ପିଂ ସମସ୍ୟା ।

ନଗର ଉନ୍ନୟନ ମନ୍ତ୍ରୀଙ୍କ ଉପସ୍ଥିତରେ ଏନେଇ କଟକ ମହାନଗର ନିଗମ ଓ ଅଏଲ ଇଣ୍ଡିଆ ଲିମିଟେଡ ମଧ୍ୟରେ ଚୁକ୍ତିନାମା ସ୍ଵାକ୍ଷରିତ ହୋଇଛି । ଜଗତପୁରରେ ଅଏଲ ଇଣ୍ଡିଆ ପ୍ରାୟ ୧୫୦ କୋଟି ଟଙ୍କା ବ୍ୟୟରେ ଏହି ବାୟୋ ଗ୍ୟାସ ପ୍ଲାଣ୍ଟ ପ୍ରତିଷ୍ଠା କରିଵ । ଦୈନିକ ଏହି ଵାୟୋ ଗ୍ୟାସ ପ୍ଲାଣ୍ଟରେ ୨ ଶହ ଟନ ଆବର୍ଜନା ପ୍ରକ୍ରିୟାକରଣ କରାଯାଇ ସେଥିରୁ ଵାୟୋ ଗ୍ୟାସ ପ୍ରସ୍ତୁତ କରାଯିଵାର ଯୋଜନା ରହିଛି । ଆସନ୍ତା ଦେଢ଼ ବର୍ଷ ମଧ୍ୟରେ ଏହି ପ୍ଲାଣ୍ଟ ବାୟୋ ଗ୍ୟାସ ଉତ୍ପାଦନ ପାଇଁ ପ୍ରସ୍ତୁତ ହୋଇଯିଵ ବୋଲି କହିଛନ୍ତି ଅଏଲ ଇଣ୍ଡିଆର ଅଧିକାରୀ l

ଏଭଳି କମ୍ପ୍ରେସଡ୍ ଵାୟୋ ଗ୍ୟାସ ପ୍ଲାଣ୍ଟ ଯୋଜନା ଦ୍ଵାରା ସହରରେ ଵର୍ଜ୍ୟଵସ୍ତୁ ସମସ୍ୟା ଦୂର ହୋଇ ପାରିବ । ସହର ଭିତରେ ଵର୍ଜ୍ୟଵସ୍ତୁ ଗଦା କରିଵା ପାଇଁ ବଡ଼ ବଡ ଡମ୍ପିଂ ୟାର୍ଡ ରଖିଵା ଓ ମାଇକ୍ରୋ କମ୍ପୋଷ୍ଟ ପ୍ଲାଣ୍ଟ ଯୋଗୁଁ ସୃଷ୍ଟି ହେଉଥିବା ଦୁର୍ଗନ୍ଧମୟ ପରିଵେଶରୁ ସହରବାସୀ ମୁକ୍ତି ପାଇବେ । ରାଜ୍ୟର ଅନ୍ୟ ସହର ଗୁଡ଼ିକରେ ମଧ୍ୟ ଅନୁରୂପ ବାୟୋ ଗ୍ୟାସ ପ୍ଲାଣ୍ଟ ପ୍ରତିଷ୍ଠା କରିବା ପାଇଁ ଯୋଜନା ‌ହେଵ ଵୋଲି ନଗର ଉନ୍ନୟନ ମନ୍ତ୍ରୀ କହିଛନ୍ତି ।

ଏହି ଵାୟୋ ଗ୍ୟାସ ପ୍ଲାଣ୍ଟରୁ ଯେଉଁ ଗ୍ୟାସ ଵାହାରିଵ, ତାକୁ ସାଧାରଣ ଲୋକେ ଜାଳେଣି ଭାବେ ଵ୍ୟଵହାର କରିବେ । ଗ୍ୟାସ ଅଥରିଟି ଅଫ୍ ଇଣ୍ଡିଆ ଲିମିଟେଡର ଗ୍ୟାସ ପାଇପ ଲାଇନ୍ ଯୋଗେ ଏହା ଘରକୁ ଯୋଗାଇ ଦିଆଯିବ ।

Argus News | argus news | Odisha Latest News, Breaking News, Trending News, Live TV