Police Action / ପାର୍ବଣ ପୂର୍ବରୁ କମିଶନରେଟ୍ ପୋଲିସର କଡ଼ା କାର୍ଯ୍ୟାନୁଷ୍ଠାନ

ପାର୍ବଣ ପୂର୍ବରୁ କମିଶନରେଟ୍ ପୋଲିସର କଡ଼ା କାର୍ଯ୍ୟାନୁଷ୍ଠାନ…ଅପରାଧୀଙ୍କ ଘର ଆଗରେ ଲଗାଇଲା ଲଟକା, ଭାଙ୍ଗିଲା ବେଆଇନ୍‌ ଘର । ପୋଲିସର ଚେତାବନୀ ଅପରାଧ ଛାଡ଼ ନହେଲେ ଏରିଆ ଛାଡ଼ିବାକୁ ଚେତାବନୀ । ବୁଲ୍‌ଡୋଜର ମାଡ଼ରେ ମାଟିରେ ମିଶିଲା ଅପରାଧୀଙ୍କ ଘର ।

ଅପରାଧ ଛାଡ଼ ନହେଲେ ଏରିଆ ଛାଡ଼ ! ଅପରାଧ ଦମନ ପାଇଁ କମିଶନରେଟ୍ ପୋଲିସର ବୁଲ୍‌ଡୋଜର ଆକ୍ସନ । ମାଟିରେ ମିଶିଲା ଅପରାଧୀଙ୍କ ଘର । ପାର୍ବଣ ପୂର୍ବରୁ ଅପରାଧୀଙ୍କ ଘରେ ଲଟକା ଓ ଉଚ୍ଛେଦ ପ୍ରକ୍ରିୟା ଆରମ୍ଭ । ରାଜଧାନୀରେ କମିଶନରେଟ୍ ପୋଲିସର କଡ଼ା ଆକ୍ସନ । 

କମିସନରେଟ ପୋଲିସର ବୁଲଡୋଜର ଆକ୍ସନ । ଗୋଟିଏ ଦିନରେ ୬ରୁ ଅଧିକ ଅପରାଧୀଙ୍କ ଘର ଭାଙ୍ଗିଲା ଲିଙ୍ଗରାଜ ଥାନା ପୋଲିସ । ଏହି ଅପରାଧୀ ମାନେ ସରକାରୀ ଜାଗାରେ ଘର କରି ଅପରାଧ ଘଟାଉଥିଲେ । ପୋଲିସ ଲଟକା ଲଗାଇବା ସତ୍ୱେ ସୁଧୁରୁ ନଥିଲେ ।

ଗତ ଜୁଲାଇ ୩୦ତାରିଖ ରାତିରେ ଜିତୁ କାଣ୍ଡିଙ୍କୁ ଦୋକାନ ଘରେ ବିଭତ୍ସ ହତ୍ୟା କରିଥିଲେ ଅଭିଯୁକ୍ତ। ଘଟଣାରେ ଦୁଇ ଅଭିଯୁକ୍ତ ଶୁଭମ ଦାସ ଓ ବାବୁନା ବେହେରା ଙ୍କୁ ଗିରଫ କରି କୋର୍ଟ ଚାଲାଣ କରିଥିଲା ପୋଲିସ | ଆଜି ସେମାନଙ୍କ ଘର ଭାଙ୍ଗି ମାଟିରେ ମିଶାଇଛି ପୋଲିସ ।

ସାବଧାନ ଅପରାଧୀ... ଅପରାଧ ଘଟାଇଥିବା ଅପରାଧୀଙ୍କ ତାଲିକା ପ୍ରସ୍ତୁତ କରିଛି କମିଶନରେଟ୍ ପୋଲିସ । ଗତ ମେ’ ମାସରେ ପ୍ରଶାସନିକ ଅଧିକାରୀଙ୍କ ଉପସ୍ଥିତିରେ ଶପଥ ଗ୍ରହଣ କରାଯାଇଥିଲେ ମଧ୍ୟ, ଅପରାଧରେ ସମ୍ପୃକ୍ତ ଥିବା ବ୍ୟକ୍ତିଙ୍କ ବିରୋଧରେ ଏବେ ହେଲା କଡ଼ା କାର୍ଯ୍ୟାନୁଷ୍ଠାନ ।

ବିଭିନ୍ନ ବସ୍ତିରେ ଅପରାଧୀଙ୍କ ଘର କାନ୍ଥରେ ଲାଗିଲା ନୋଟିସ । ଏହା ସହ ଘର ଖାଲି କରିବା ପାଇଁ ମଧ୍ୟ ନିର୍ଦ୍ଦେଶ ଦିଆଯାଇଛି । ପ୍ରଥମ ପର୍ଯ୍ୟାୟରେ ଚନ୍ଦ୍ରଶେଖରପୁର ଥାନା ଅଞ୍ଚଳରୁ ଆରମ୍ଭ ହୋଇଛି ଏହି ପଦକ୍ଷେପ । ଯେଉଁମାନେ ବସ୍ତି ଅଞ୍ଚଳରେ ରହୁଛନ୍ତି, ସେମାନଙ୍କ ଘରେ ମଧ୍ୟ ଲଟକା ଲଗାଯାଇଛି । ସେହିପରି ହାଉସିଂ ସୋସାଇଟିରେ ରହୁଥିବା କ୍ରିମିନାଲଙ୍କ ଘରେ ମଧ୍ୟ ଲଟକା ଜାରି କରାଯାଇଛି ।

ଅପରାଧୀଙ୍କ ପ୍ରତି ସରକାରଙ୍କ ଜିରୋ ଟଲେରେନ୍ସ। ପ୍ରଥମେ ପ୍ରଶାସନର ଚେତାବନୀ, ଆଉ ଏବେ ଆକ୍ସନ। ଅପରାଧ କଲେ ସରକାରୀ ଆବାସରରୁ ହେବେ ବିଦା । ପାର୍ବଣ ପୂର୍ବରୁ ସମସ୍ତ ଅପରାଧୀଙ୍କ ବସ୍ତି ଘର ଭାଙ୍ଗିବା ସହ ଆବାସ ଘରୁ ହେବ ଉଚ୍ଛେଦ ।