ରଥଯାତ୍ରା ପାଇଁ ପୁରୀରେ ମନ୍ତ୍ରୀସ୍ତରୀୟ କମିଟିର ମାରାଥନ୍ ସମୀକ୍ଷା । କମିଟି ଅଧ୍ୟକ୍ଷା ତଥା ଉପମୁଖ୍ୟମନ୍ତ୍ରୀ ପ୍ରଭାତୀ ପରିଡାଙ୍କ ନେତୃତ୍ୱରେ ରଥ ଖଳା, ମୁଖ୍ୟ ଚିକିତ୍ସାଳୟ, ଶ୍ରୀଗୁଣ୍ଡିଚା ମନ୍ଦିର, ବଡ଼ଦାଣ୍ଡରେ ସ୍ଥିତି ସମୀକ୍ଷା କରିଛନ୍ତି କମିଟି । ପାନୀୟ ଜଳ, ସ୍ବାସ୍ଥ୍ୟ, ଗମନାଗମନକୁ ଦିଆଯାଇଛି ଫୋକସ୍ । ଡାଇରିଆ, ହିଟ୍ ଷ୍ଟ୍ରୋକକୁ ନଜରରେ ରଖି ନିଆଯାଇଛି ପଦକ୍ଷେପ । ସୁରକ୍ଷା ଓ ଶୃଙ୍ଖଳା ସମେତ ସ୍ୱାସ୍ଥ୍ୟ ବିଭାଗରେ ଅନେକ ଗୁରୁତ୍ୱପୂର୍ଣ୍ଣ ନିଷ୍ପତ୍ତି ନିଆଯାଇଛି । ଏଥର ଖାଦ୍ୟରେ ଅପମିଶ୍ରଣକୁ ଆଦୌ ବରଦାସ୍ତ କରାଯିବ ନାହିଁ ।

ସ୍ବାସ୍ଥ୍ୟ ସେବାର ଅପବ୍ୟବହାର ନକରି ନିଡ୍ ବେସଡ୍ ହେଲଥ୍ ସର୍ଭିସ୍ ଯୋଗାଇଦେବାକୁ ଗୁରୁତ୍ବ ଦିଆଯାଇଛି ବୋଲି କହିଛନ୍ତି ପ୍ରଭାତୀ ପରିଡା । ସ୍ବାସ୍ଥ୍ୟସେବାକୁ ସିସିଟିଭି କ୍ୟାମେରା ମାଧ୍ୟମରେ ମନିଟରିଂ କରାଯିବ। ପ୍ରସ୍ତୁତ ରହିବ ୭୪ଟି ଆମ୍ବୁଲାନ୍ସ । ଡାଇରିଆକୁ ଦୃଷ୍ଟିରେ ରଖି ୩ଟି ଟିମ୍ ଗଠନ ହୋଇଛି । ୨ ଟିମ୍ ସହରାଞ୍ଚଳରେ ପାଣି ସାମ୍ପୁଲ ଟେଷ୍ଟ କରୁଥିବା ବେଳେ ଗୋଟିଏ ଟିମ୍ ସଦର ପାଣି ସାମ୍ପୁଲ୍ ଟେଷ୍ଟ ପାଇଁ ମୁତୟନ ରହିଛନ୍ତି । ୨୪୦ ଅତିରିକ୍ତ ବେଡ୍ ପ୍ରସ୍ତୁତ ରହିଛି । ଜିଲ୍ଲା ମୁଖ୍ୟ ଚିକିତ୍ସାଳୟରେ କେବଳ ୫୦ ବେଡ୍ ପ୍ରସ୍ତୁତ ରହିଛି । ହିଟ୍ ଷ୍ଟ୍ରୋକ ପାଇଁ ରହିଛି ୪୦ଟି ବେଡ୍ ।

ଏମ୍ସ ତରଫରୁ IDHରେ ୪୦ ବେଡ୍ ବିଶିଷ୍ଟ ICU ପ୍ରସ୍ତୁତ ରହିଛି । ସେପଟେ enforcementକୁ ତ୍ୱରାନ୍ୱିତ କରାଯାଇଥିବା କହିଛନ୍ତି ନଗର ଉନ୍ନୟନ ମନ୍ତ୍ରୀ କୃଷ୍ଣଚନ୍ଦ୍ର ମହାପାତ୍ର । ଲକ୍ଷ ଲକ୍ଷ ପର୍ଯ୍ୟଟକଙ୍କ ଆଗମନ ଓ ଏବେ ରାଜ୍ୟରେ ଡାଇରିଆ ପରିସ୍ଥିତିକୁ ନଜରରେ ରଖି ଖାଦ୍ୟ ଚେକିଂ ଓ ପାଣି ଟେଷ୍ଟିଂକୁ ଗୁରୁତ୍ବ ଦିଆଯାଇଛି ।

Argus News | argus news | -Argusnews Home: Odisha Latest News, Breaking News, Trending News, Live TV and more