ପ୍ରଥମେ ଗାଡି ରେ ଲିଫ୍ଟ । ପରେ ହୋଟେଲ ନେଇ କୋଲଡ଼ ଡ୍ରିଂକ୍ସ ରେ ନିଶା ଦେଇ ଦୁଷ୍କର୍ମ । ଜଣେ ଛାତ୍ରୀ ଙ୍କୁ ଅସଦାଚରଣ ଓ ଦୁଷ୍କର୍ମ କରିବା ଅଭିଯୋଗ ରେ ରାଜ୍ୟ ଛାତ୍ର କଂଗ୍ରେସ ସଭାପତି ଉଦିତ ପ୍ରାଧାନ ଙ୍କୁ ଗିରଫ କରିଛି ମଞ୍ଚେଶ୍ୱର ପୋଲିସ । ଛାତ୍ରୀ ଙ୍କ ଅଭିଯୋଗ ମୁତାବକ ଗତ 18 ମାର୍ଚ୍ଚ 2025ରେ ମାଷ୍ଟର କ୍ୟାଣ୍ଟିନ କୁ ନିଜର ଦୁଇ ସାଙ୍ଗ ମାନଙ୍କ ସହ ସେ ବୁଲିବାକୁ ଆସିଥିଲେ | ସେଠାରେ ଦୁଇ ସାଙ୍ଗ ପୀଡିତା ଙ୍କୁ ଛାତ୍ର କଂଗ୍ରେସର ସଭାପତି ଉଦିତ ପ୍ରଧାନ ଙ୍କ ସହ ଚିହ୍ନା ପରିଚୟ କରାଇ ଥିଲେ | ପରେ ଉଦିତ ପ୍ରଧାନ ଙ୍କ ଗାଡିରେ ପୀଡିତା ଏବଂ ଦୁଇ ସାଙ୍ଗ ଉଦିତ ଙ୍କ ଗାଡ଼ିରେ ରାଜଧାନୀର ଏକ ହୋଟେଲକୁ ଯାଇଥିଲେ |

ସେଠାରେ ଉଦିତ ଓ ଅନ୍ୟମାନେ ମଦ ପିଇଥିଲେ | ପୀଡିତା ମଦ ପିଇବାକୁ ମନା କରିବା ପରେ ଉଦିତ ତାଙ୍କୁ କୋଲଡ଼ ଡ୍ରିଂକ୍ସ ପିଇବାକୁ ଦେଇଥିଲେ.. ଯାହା ପିଇବା ପରେ ଅଚେତ ହୋଇପଡ଼ିଥିଲେ ପୀଡିତା.. ତେବେ ଚେତା ଫେରିବା ପରେ ଦୁଷ୍କର୍ମ ହୋଇଥିବା ସେ ଜାଣିବାକୁ ପାଇଥିଲେ । ତେବେ ଏନେଇ ଅଭିଯୋଗ କଲେ ମାରି ଦେବାକୁ ଧମକ ଦେଇଥିଲେ ଉଦିତ.. ଗତ 20 ଜୁଲାଇ ରେ ସାହସ ଜୁଟାଇ ପୀଡିତା ଥାନା ରେ ଏତଲା ଦେବା ପରେ ଉଦିତ ଙ୍କୁ ଗିରଫ କରିଛି ପୋଲିସ । ଉଦିତ ଙ୍କ ବିରୋଧ ରେ BNS ର ଦଫା 64(1), 123, 296, 74 ଓ 351(2) ଭଳି ସଂଗୀନ ଦଫା ଲଗାଇ ପୀଡିତା ଙ୍କ ଡାକ୍ତରୀ ମାଇନା ପରୀକ୍ଷା କରିଛି ।

ସେପଟେ ଉଦିତ ଙ୍କ ଗିରଫ ପରେ ଜୋର ଧରିଛି ରାଜ୍ୟ ରାଜନୀତି । ମାଷ୍ଟର କ୍ୟାଣ୍ଟିନ ଛକ ରେ ବିକ୍ଷୋଭ ପ୍ରଦର୍ଶନ କରିବା ସହ କଂଗ୍ରେସ ସାଂସଦ ରାହୁଲ ଗାନ୍ଧୀ ଓ ପିସିସି ସଭାପତି ଭକ୍ତଚରଣ ଦାସଙ୍କ କୁଶ ପୁତ୍ତଳିକା ଦାହ କରିଛି ଛାତ୍ର ସଙ୍ଗଠନ ଏଵି ଭି ପି ଓ ବିଜେପି ଯୁବମୋର୍ଚ୍ଚା । ପିସିସି ସଭାପତି ଏକ ଫ୍ୟାକ୍ଟ ଫାଇଣ୍ଡିଂ ଟିମ ଗଠନ କରିଥିବା ବେଳେ ଏ ସିପି ଙ୍କୁ ଭେଟି ମାମଲା ସମ୍ପର୍କ ରେ ଆଲୋଚନା କରିଛି ପ୍ରତିନିଧି ଦଳ..ତେବେ ନାରୀଙ୍କ ନ୍ୟାୟ ପାଇଁ କଂଗ୍ରେସ ତାହାର ଆନ୍ଦୋଳନ ଜାରି ରଖିବ କହିଛନ୍ତି ପିସିସି ସଭାପତି । ସେପଟେ ବିଜେପି କହିଛି ଏହା ହେଉଛି କଂଗ୍ରେସର ଅସଲ ଚେହେରା । ଉଦିତ ଙ୍କ ନାରେ ପୂର୍ବରୁ ବିଭିନ୍ନ ଥାନା ରେ ସଂଗୀନ ମାମଲା ରହିଛି.. ଏଭଳି ଅଭିଯୋଗ ଆସିବା ପରେ ଉଦିତ ଙ୍କୁ ନେଇ ଅଡୁଆ ରେ ପଡିଛି ରାଜ୍ୟ କଂଗ୍ରେସ ।

ଅଧିକ ପଢ଼ନ୍ତୁ ଓଡ଼ିଶା ଖବର:

Argus News | argus news | Odisha Latest News, Breaking News, Trending News, Live TV