ଓଡ଼ିଶା ବନ୍ଦ ନାଁରେ କଂଗ୍ରେସ କର୍ମୀଙ୍କ ଗୁଣ୍ଡାଗର୍ଦ୍ଦି । ପ୍ରଥମେ ଯୁକ୍ତିତର୍କ ପରେ ଜଣେ ଯୁବକଙ୍କୁ ଗୋଡାଇ ଗୋଡାଇ ପିଟିଲେ କଂଗ୍ରେସ କର୍ମୀ । ଜଗତସିଂହପୁରରୁ ଆସିଛି ଏଭଳି ଚିତ୍ର । ପୋଲିସର ବୁଝାସୁଝା ପରେ ବି ଅମାନିଆ କଂଗ୍ରେସ କର୍ମୀ ଯୁବକଙ୍କ ଉପରକୁ ଚଢି ଆସିବା ସହ ମାଡ଼ ମାରିବାର ଦୃଶ୍ୟ ଦେଖାଯାଇଛି ।

ସେପଟେ ମାନିବକତା ଭୁଲିଗଲେ କଂଗ୍ରେସ କର୍ମୀ । ବନ୍ଦ ପାଇଁ ରୋଗୀକୁ ବି ଅଟକାଇଲେ । ନିଜ ଚିକିତ୍ସା ପାଇଁ ବାହାର ରାଜ୍ୟରୁ ଆସିଥିଲେ ବୟସ୍କ ଲୋକ ଜଣଙ୍କ । ଯିଏ କି କର୍କଟ ରୋଗରେ ପୀଡିତ । ମାତ୍ର ତାଙ୍କୁ ଭୁବନେଶ୍ବରରେ କଂଗ୍ରେସ କର୍ମୀ ମାନେ ଛାଡିଲେ ନାହିଁ ।

ସେହିପରି ବନ୍ଦ ଯୋଗୁଁ ଗାଡ଼ି ଚଳାଚଳ ପ୍ରଭାବିତ ହୋଇଥିବାବେଳେ ଯାତ୍ରୀମାନେ ହଇରାଣ ହେଉଛନ୍ତି । ମାଷ୍ଟର କ୍ୟାଣ୍ଟିନରେ ଆମ ବସକୁ ଅଟକାଇ ଚାବି ଛଡାଇ ନେଇଗଲେ କଂଗ୍ରେସ କର୍ମୀ । ରାସ୍ତା ମଝିରେ ଠିଆ ହୋଇଛି ଆମ ବସ୍ । ରେଲୱେ ଷ୍ଟେସନଠୁ ଆରମ୍ଭ କରି ଏୟାରପୋର୍ଟ ପର୍ଯ୍ୟନ୍ତ ଯାତ୍ରୀ ହନ୍ତସନ୍ତ ହେଉଛନ୍ତି ।