Odisha News / MKCGରେ ଆଖି ବୁଜିଲା ଯୋଡ଼ାମୁଣ୍ଡ ଶିଶୁ, ଜନ୍ମର ୭ ଦିନ ପରେ ଗଲା ଜୀବନ

ଆଖି ବୁଝିଲା ଯୋଡ଼ାମୁଣ୍ଡ ଶିଶୁ... କନ୍ଧମାଳ ଜିଲ୍ଲା ତୁମୁଡିବନ୍ଧ ବ୍ଲକ ଗୁମା ପଞ୍ଚାୟତର ଜଣେ ମହିଳା ଯୋଡ଼ାମୁଣ୍ଡ ଥିବା ଗୋଟିଏ ଶିଶୁ ଜନ୍ମ ଦେଇଥିଲେ ଯାହାର ମଳଦ୍ଵାର ନଥିଲା । mkcg ରେ ଆଖି ବୁଝିଲା ଯୋଡମୁଣ୍ଡ ଶିଶୁ ପୁତ୍ର । ଗତ ୧୧ତାରିଖରେ ଜନ୍ମ ହୋଇଥିଲା ଯୋଡ଼ାମୁଣ୍ଡ ଶିଶୁ ପୁତ୍ର ।

ଗୋଟିଏ ଶରୀର, ହେଲେ ରହିଛି ଦୁଇଟି ମୁଣ୍ଡ, ଦୁଇଟି ଛାତି । ଛାତି ସହ ଛୁଆର ଗୋଟିଏ ହାତ ମଧ୍ୟ ଲାଗି ରହିଛି । ବ୍ରହ୍ମପୁର ସ୍ଥିତ ଏମକେସିଜି ମେଡିକାଲ କଲେଜ ଶିଶୁ ବିଭାଗରେ ଏହି ବିରଳ ଶିଶୁ ଜନ୍ମ ହୋଇଥିଲା ।

ମିଳିଥିବା ସୂଚନା ଅନୁସାରେ, ଗତ ୧୧ତାରିଖ, ରବିବାର ରାତିରେ ଏହି ଯୋଡ଼ାମୁଣ୍ଡ ଶିଶୁପୁତ୍ର ଜନ୍ମ ନେଇଥିଲେ । ତୁମୁଡ଼ିବନ୍ଧ ମେଡିକାଲ୍‌କୁ ପ୍ରଥମେ ଗର୍ଭବତୀ ଯାଇଥିଲେ । ସେଠାରୁ ତାଙ୍କୁ ବ୍ରହ୍ମପୁର ଏମ୍‌କେସିଜି ରେଫର୍ କରାଯାଇଥିଲା । ଯୋଡ଼ାମୁଣ୍ଡ ଶିଶୁଜନ୍ମ ହେବା ପରେ ଏବେ SNCUରେ ସ୍ଵତନ୍ତ୍ର ଚିକିତ୍ସା କରାଯାଉଛି । କନ୍ଧମାଳ ଜିଲ୍ଲା ତୁମୁଡ଼ିବନ୍ଧ ବ୍ଲକ୍‌ ଗୁମା ପଞ୍ଚାୟତ ଟିଡିପଦର ଗାଁର ଜଣେ ମହିଳା ଏହି ଯୋଡ଼ାମୁଣ୍ଡ ଶିଶୁକୁ ଜନ୍ମ ଦେଇଛନ୍ତି ।

ଗୋଟିଏ କିଡନୀ, ୨ଟି ଲିଭର୍
ଡାକ୍ତର କହିଛନ୍ତି, "ଶିଶୁର ଛାତି ଯୋଡ଼ି ହୋଇ ରହିଛି । ଦୁଇଟି ହାତରୁ ଗୋଟିଏ ଯୋଡ଼ି ହୋଇ ରହିଛି । ଦୁଇଟି ଗୋଡ଼ ରହିଛି । ଏବେ ଛୁଆର ହାର୍ଟରେଟ୍ ଅଧିକ ରହିଛି । ତେଣୁ ନିଶ୍ଵାସ ନେବାର ଅସୁବିଧା ହେଉଛି । ଏଭଳି ସ୍ଥିତିରେ ବଞ୍ଚିବାର ସମ୍ଭାବନା ବହୁତ କମ୍ ରହିଥାଏ ।"

ଜାଆଁଳା ଛୁଆ ଜନ୍ମ ହୋଇ ନ ପାରି ଜଣେ ଅନ୍ୟ ଜଣଙ୍କର ଶରୀରରେ ମିଶିଗଲେ ଏଭଳି ହୋଇଥାଏ । ଦୁଇ ଛୁଆଙ୍କର ଛାତି ଓ ପେଟ ମିଶି ଗୋଟିଏ ଶରୀର ହୋଇ ଯାଇଛି । ଗୋଟିଏ କିଡନୀ, ୨ଟି ଲିଭର୍ ଅଛି । ଛୁଆର ମଳଦ୍ଵାର ନଥିବା କହିଛନ୍ତି ଡାକ୍ତର ।

ନବାଜତର ନାହିଁ ମଳଦ୍ଵାର
ମଳଦ୍ଵାର ସୃଷ୍ଟି ଲାଗି ଡାକ୍ତର ପଦକ୍ଷେପ ନେଉଛନ୍ତି । ଏବେ ଛୁଆଟି ନିଶ୍ଵାସ ନେବାରେ କଷ୍ଟ ଅନୁଭବ କରୁଛି । ଏବେ ଛୁଆକୁ ଅକ୍ସିଜେନ୍ ଦିଆଯାଉଛି । ସିଟିସ୍କାନ୍ କିମ୍ବା MRI ହେଲା ପରେ ପେଟ ବାଟେ ମଳଦ୍ଵାର ପାଇଁ ବ୍ୟବସ୍ଥା କରାଯିବ ବୋଲି ଡାକ୍ତର ସୂଚନା ଦେଇଛନ୍ତି । ନବଜାତର ମଳଦ୍ଵାର ନଥିବାରୁ ସମସ୍ଯା ରହିଛି । ପେଟ ଫୁଲିବା ସହ ଅନ୍ୟ ଆଶଙ୍କା ଥିବା କହିଛନ୍ତି ଡାକ୍ତର ।

ଜଗାବଳିଆଙ୍କ ପରେ ଯୋଡ଼ାମୁଣ୍ଡ ଶିଶୁ
ପୂର୍ବରୁ ସେହି କନ୍ଧମାଳ ଜିଲ୍ଲାର ଫିରିଙ୍ଗିଆରେ ଜନ୍ମ ହୋଇଥିଲେ ଯୋଡ଼ାମୁଣ୍ଡ ଶିଶୁ ଜଗାବଳିଆ । ଯାହାଙ୍କ ଶରୀର ଅଲଗା ଥିବାବେଳେ ମସ୍ତିଷ୍କ ଲାଗି ରହିଥିଲା । ପରେ ଦିଲ୍ଲୀ ଏମ୍ସରେ ଅସ୍ତ୍ରୋପଚାର କରାଯାଇ ଯୋଡ଼ାମୁଣ୍ଡ ଶିଶୁଙ୍କ ଅଲଗା କରାଯାଇଥିଲା । ଦୁଇ ଶିଶୁଙ୍କ ମଧ୍ୟରୁ ଜଣଙ୍କର ମୃତ୍ୟୁ ହୋଇଥିବା ବେଳେ ଅନ୍ୟ ଜଣେ ଫୁଲବାଣୀ ଜିଲ୍ଲା ଚିକିତ୍ସାଳୟରେ ଡାକ୍ତରଙ୍କ ତତ୍ତ୍ଵାବଧାନରେ ଅଛନ୍ତି ।