ଅନୁଗୁଳ:  ଅନୁଗୋଳ ଜିଲ୍ଲା କଣିହାଁ ଥାନା ଅନ୍ତର୍ଗତ ଚାଙ୍ଗୁଡିଆ ଗ୍ରାମରେ ରୋଷେଇ କରୁଥିବା ବେଳେ ପୋଡି ହୋଇଗଲେ ଦମ୍ପତି ।  କଣିହାଁ ଥାନା ଅନ୍ତର୍ଗତ ଚାଙ୍ଗୁଡିଆ ଗ୍ରାମର ଲକ୍ଷ୍ମୀଧର ନାଏକ ଙ୍କ ସାନ ବୋହୁ ଲକ୍ଷ୍ମୀ ନାଏକ (୨୦) ସକାଳ ସମୟରେ ଗ୍ୟାସ୍ ଯୋଗେ ରୋଷେଇ କରୁଥିବା ବେଳେ ହଠାତ୍ ଲୁଗା କାନିରେ ନିଆଁ ଲାଗିଥିଲା। 

ଭୟାବହ ଅଗ୍ନିକାଣ୍ଡ, ୪ ଜଣ ଜୀବନ୍ତ ଦଗ୍ଧ

ନିଆଁ ଲାଗିଥିବା ଦେଖି ସ୍ଵାମୀ ଲିଟୁ ନାଏକ (୨୨) ନିଆଁ କୁ ଲିଭାଇବା ବେଳେ ସେ ବି ମଧ୍ୟ ପୋଡି ହୋଇଯାଇଥିଲେ । ଚିତ୍କାର ଶୁଣି ଲିଟୁ ଙ୍କ ଭଉଣୀ ଦୁଇଜଣଙ୍କ ଉପରକୁ ପାଣି ପକାଇ ଲିଭାଇ ଥିଲେ । ସଙ୍ଗେ ସଙ୍ଗେ ଦୁଇ ଜଣ ଙ୍କୁ ଛେଣ୍ଡିପଦା ଡାକ୍ତରଖାନାରେ ଭର୍ତ୍ତି କରିଥିଲେ । ଦୁଇ ଜଣଙ୍କ ଅବସ୍ଥା ସଂକଟାପନ୍ନ ହେବାରୁ ଚିକିତ୍ସା ପାଇଁ ଅନୁଗୋଳ ଜିଲ୍ଲା ମୁଖ୍ୟ ଚିକିତ୍ସାଳୟକୁ ସ୍ଥାନାନ୍ତର କରାଯାଇଛି । ଜିଲ୍ଲା ମୁଖ୍ୟ ଚିକିତ୍ସାଳୟରେ ଦୁହିଁଙ୍କର ଅବସ୍ଥା ଗୁରୁତର ହେବାରୁ ତାଙ୍କୁ କଟକ ସ୍ଥାନାନ୍ତର କରାଯାଇଛି ।