ବେଆଇନ ବାଲି ଉତ୍ତୋଳନ ବେଳେ ଚଢ଼ାଉ। ବାଲେଶ୍ବର ରେମୁଣା ହାତିଆଗଣ୍ଡ ନିକଟରେ ନଦୀରୁ ବେଆଇନ ବାଲି ଉତ୍ତୋଳନ ବେଳେ ପୋଲିସ, ମାଇନିଙ୍ଗ ବିଭାଗ ଓ ତହସିଲଦାରଙ୍କ ମିଳିତ ଚଢାଉ। ଫେରାର ହେଲେ ବାଲି ଚୋର। ଅକ୍ସନ ହେଲା ବାଲି। ଆଜି ପୂର୍ବାହ୍ନ ସମୟରେ ହାତିଆଗଣ୍ଡ ନିକଟ ନଦୀ ମଧ୍ୟରୁ ବେଆଇନ ଭାବେ ଭେଳାରେ ବାଲି ଉତ୍ତୋଳନ ଚାଲିଥିଲା।

ଏହି ସମୟରେ ମାଇନିଙ୍ଗ ବିଭାଗ, ରେମୁଣା ଥାନା ଓ ତହସିଲଦାର ପହଞ୍ଚିଥିଲେ। ଚଢାଉ ଦେଖି ବାଲିଚୋର ନଦୀରେ ବୁଡି ଫେରାର ହୋଇଯାଇଥିଲେ। ପାଞ୍ଚଟି ଭେଳାକୁ ନଦୀରୁ ଅଣାଯାଇ ବାଲି ଅକ୍ସନ କରାଯିବା ସହ ଭେଳାଗୁଡିକୁ ନଷ୍ଟ କରାଯାଇଥିଲା।