ନୂଆ ମୋଡ଼ ନେଲା ନବ ଦାସ ହତ୍ୟାକାଣ୍ଡ ପ୍ରସଙ୍ଗ । ନବ ଙ୍କ ପରିବାର ମୁଖ୍ୟମନ୍ତ୍ରୀଙ୍କୁ ଚିଠି ଲେଖିବା ପରେ ରି-ଓପନ ହେଲା ମର୍ଡର ଫାଇଲ । ନୂଆ ସରକାରଙ୍କ ନୂଆ ଟିମ ନୂଆ ଅନ୍ଦାଜ ରେ ଆରମ୍ଭ କଲେ ତଦନ୍ତ । ନବ ଙ୍କ ଘରେ ପହଞ୍ଚି ଷ୍ଟେଟମେଣ୍ଟ ରେକର୍ଡ କଲା କ୍ରାଇମବ୍ରାଞ୍ଚ ଟିମ । ବୟାନ ରେକର୍ଡ ପରେ କ୍ରାଇମବ୍ରାଞ୍ଚ ଟିମ କହିଛି ତଦନ୍ତ ପରିସରକୁ ଯିଏ ଆସିବେ ସମସ୍ତଙ୍କୁ ପଚରା ଉଚରା କରାଯିବ ।ବୟାନ ଦେବା ପରେ ଦୀପାଳି କହିଛନ୍ତି ଠିକ ଭାବରେ ତଦନ୍ତ ହେବ ବୋଲି ସେ ଆଶା ରଖିଛନ୍ତି ।

ଏପଟେ ବିଧାନସଭାରେ ବି ପ୍ରସଙ୍ଗ ଉଠାଇ ବିଜେଡିକୁ ଟାର୍ଗେଟ କରିଛନ୍ତି ଆଇନ ମନ୍ତ୍ରୀ ପୃଥ୍ୱୀରାଜ ହରିଚନ୍ଦନ । କହିଛନ୍ତି ନବ ଦାସ ହତ୍ୟା କାଣ୍ଡରେ ବିଜେଡି ତାଙ୍କ ପରିବାର କୁ ନ୍ୟାୟ ଦେଇ ପାରି ନଥିଲା । ତଦନ୍ତ ବାଟବଣା କରିଥିଲେ ପୂର୍ବ ସରକାର । ଯେଉଁ ଭଳି ତଦନ୍ତ ହେବା କଥା ନ୍ୟାୟ ମିଳିବା କଥା ଦେଇ ପାରିଲେନି । ଯାହାକୁ ନେଇ ତାଙ୍କ ପରିବାର ଅସହମତି ପ୍ରକାଶ କରିଥିଲେ । ଆମ ସରକାରକୁ ଲେଖିକି ଦେବା ପରେ ଆଜି ଠାରୁ ସାନି ତଦନ୍ତ ପ୍ରକ୍ରିୟା ଆରମ୍ଭ ହୋଇଛି । ତଦନ୍ତ ର ଅନେକ ଦିଗ ବନ୍ଦ ଥିଲା । ଯେଉଁଠି ଯେଉଁଠି ଲିଙ୍କ ଅଛି open ହବ । ଆଇନ ମନ୍ତ୍ରୀଙ୍କ ବୟାନ ଉପରେ ପ୍ରତିକ୍ରିୟା ରଖିଛି ବିଜେଡି ।

ଦିନ ଦ୍ୱିପହରରେ ପୋଲିସ ଗୁଳିରେ ଟଳିପଡ଼ିଥିଲେ ପୂର୍ବତନ ସ୍ବାସ୍ଥ୍ୟମନ୍ତ୍ରୀ ନବ ଦାସ । ହତ୍ୟାକୁ ଇତିମଧ୍ୟରେ ୨ ବର୍ଷ ଅତିକ୍ରମ କରିଛି । ହେଲେ ତାଙ୍କର ପ୍ରକୃତ ହତ୍ୟାକାରୀ କିଏ ତାକୁ ନେଇ ଆଜି ବି ଲାଗି ରହିଛି ସସ୍ପେନ୍ସ। ତଦନ୍ତ କୁ ନେଇ ଲାଗି ରହିଛି ନାନା କଳ୍ପନା ଜଳ୍ପନା । ଏହାରି ଭିତରେ ନବ ଙ୍କ ପରିବାର ମୁଖ୍ୟମନ୍ତ୍ରୀଙ୍କୁ ଚିଠି ଲେଖିବା ପରେ ଆରମ୍ଭ ହୋଇଛି ସାନି ତଦନ୍ତ । ତେବେ ଦେଖିବାର କଥା ନବୀନଙ୍କ କ୍ରାଇମବ୍ରାଞ୍ଚ ଟିମ ଦୁଇ ବର୍ଷ ଧରି ତଦନ୍ତ କୁ ବାଟମାରଣା କରିଥିବା ବେଳେ ମୋହନ ଙ୍କ କ୍ରାଇମବ୍ରାଞ୍ଚ ଟିମ କେବେ ସୁଦ୍ଧା ପ୍ରକୃତ ସତ୍ୟ ଉପରୁ ପରଦା ହଟାଇ ପାରୁଛି ।

ଅଧିକ ପଢ଼ନ୍ତୁ ଓଡିଶା ଖବର: