ସାଲେପୁର: ବାବୁଙ୍କ ଦରମାରେ ରୋକ୍ । କଟକ ଜିଲ୍ଲାର ୪୮ ଜଣ ସରକାରୀ ଅଧିକାରୀଙ୍କ ଫେବ୍ରୁଆରୀ ମାସର ଦରମା ଉପରେ ରୋକ୍ ଲଗାଇଛନ୍ତି ଜିଲ୍ଲାପାଳ । ମୁଖ୍ୟମନ୍ତ୍ରୀଙ୍କ ଅଭିଯୋଗ ପ୍ରକୋଷ୍ଠରେ ଅଭିଯୋଗ କରିଥିବା ଅଭିଯୋଗକାରୀଙ୍କ ଅଭିଯୋଗର ସମାଧାନ ହୋଇ ନଥିବାରୁ ଜିଲ୍ଲାପାଳ ଦତ୍ତାତ୍ରେୟ ଭାଉସାହେବ ଶିନ୍ଦେ ଏହି ପଦକ୍ଷେପ ଗ୍ରହଣ କରିଛନ୍ତି ।

ଆଠଗଡ, ବାଙ୍କୀ, ବଡ଼ମ୍ବା, କଟକ ସଦର, ମାହାଙ୍ଗା, ନରସିଂହପୁର, ନିଶ୍ଚିନ୍ତକୋଇଲି, ସାଲେପୁର, ଟାଙ୍ଗୀ-ଚୌଦ୍ଵାର, ତିଗିରିଆ ବ୍ଲକ ବିଡିଓଙ୍କ ସହ ବାଙ୍କୀ, ବାରଙ୍ଗ, କଣ୍ଟାପଡ଼ା, ମାହାଙ୍ଗା, ନିଆଳି, ଟାଙ୍ଗୀ-ଚୌଦ୍ଵାର ତହସିଲଦାରଙ୍କ ଦରମା ବନ୍ଦ ନିର୍ଦ୍ଦେଶ ଦେଇଛନ୍ତି ଜିଲ୍ଲାପାଳ ।

ସେହିଭଳି ସିଏସ୍ଓ କଟକ, ଡିସିପିଓ, ଓମ୍‌ଫେଡ୍ ଏମ୍‌ଡି, ଇଡ୍‌କୋ ଜିଏମ୍‌, କଟକ ଡିଆଇସି, ଡଆଇପିଆର୍‌ଓ, ଡିଆରସିଏସ୍ କଟକ, ଆଠଗଡ଼ ଏନଏସି ଓ ଚୌଦ୍ଵାରା ମ୍ୟୁନିସିପାଲିଟି କାର୍ଯ୍ୟନିର୍ବାହୀ ଅଧିକାରୀ, ଆରଡବ୍ଲୁଏସ୍ଏସ୍ କଟକ, ସେଟେଲମେଣ୍ଟ ଅଫିସର କଟକ, ଉପ-ଜିଲ୍ଲାପାଳ ବାଙ୍କୀ ଆଦି ଅଧିକାରୀଙ୍କ ଫେବ୍ରୁମାସର ଦରମା ରୋକିବା ପାଇଁ ଟ୍ରେଜେରୀକୁ ଚିଠି ଲେଖିଛନ୍ତି ଜିଲ୍ଲାପାଳ ।